Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

Nau podcast en aranés sus era musica occitana

Era emission entitolada “Sons occitans”, serà dirigida e presentada pera jornalista Anna Geli, e comprenerà 46 capítols de mieja ora consagradi ara musica en occitan de toti es estils e en toti es accents

Tèxte legit

Catalonha Ràdio que difonerà diuendres un podcast en occitan aranés sus era musica occitana que serà disponible en web e ena aplicacion de Catalonha Ràdio. Era emission, entitolada “Sons occitans”, serà dirigida e presentada pera jornalista Anna Geli, e comprenerà 46 capítols de mieja ora consagradi ara musica en occitan de toti es estils e en toti es accents.
 
“Sons occitans” que permeterà de descorbir, per exemple, quina ei era cançon qu’a mès de versions occitanes e era realitat istorica amagada laguens dera cançon de Joan Petit, que harà a descorbir tanben eth roman de Flamenca qu’inspirèc un album dera cantadora Rosalía, e que revelarà  classics coma Dafnís e Alcimadura o eth Reiaume Desbrembat de Jordi Savall. Mès sustot es auditors que poderàn conéisher era Naua Cançon occitana, quina sòrta de rap o hip-hop se hè en país, quini son es poètes mès cantadi, es cançons tradicionaus de hemnes, de trabalh, deth temps, d’amor...
 
Ei atau que sonaràn bandes coma Lou Seriol, Lou Dalfin, Duo Brotto Lopez, Joanda, Alidé Sans, Bramatopin, La Talvera, Mossu T e lei Jovents, El Pont d’Arcalís, Joan Francés Tisnèr, La Mal Coiffée, Lo Còr de la Plana, Goulamas'k, Cocanha, Marcel Amont, los Òc Brigada Internacionala, Massilia Sound, System, Nadau, Balaguèra, Rodin Kauffman, Familha Artús, Uèi, Rosina de Pèira, Claudi Martí e tantes d’autes.


 


abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article