Actualitats
Iran: denóncian setze mòrts de las mans de la polícia dins una autra jornada de protèstas
Human Rights Iran calcula que la chifra de mòrts dins las protèstas, après l’assassinat d’Amini, es de 304, dont 41 enfants, dins 21 províncias del país
Tèxte legit
Contunha en Iran la repression mortifèra contra los manifestants. L’ONG Human Rights Iran rapòrta almens 16 manifestants mòrts per las balas dels policièrs dins las regions de Sistan e Balochistan, dins lo sud-èst del país. A mai, de desenas de personas son estadas nafradas dins una marcha de protèsta en Curdistan.
Las protèstas dins lo sud-èst de l’estat iranian avián ja començat en junh a causa del viòl d’una filha balochi per un policièr, e se son refortidas après la mòrt de la jove curda Jina Amini (oficialament Mahsa Amini), que descadenèt la revòlta feminista en Iran.
Human Rights Iran calcula que la chifra de mòrts dins las protèstas, après l’assassinat d’Amini, es de 304, dont 41 enfants, dins 21 províncias del país.
Una jove curda tuada e privada del drech d’èsser enterrada dins sa vila
A tot aquò cal apondre la repression denonciada dimenge dins la vila curda de Marivan, per la mòrt de l’estudianta Nasrin Ghaderi, nascuda dins aquela vila mas que demorava a Teheran e que foguèt tabasada mortalament dissabte per las fòrças de l’òrdre. La femna intrèt dins lo coma e moriguèt dins la nuèch. Las autoritats iranianas an enebit que siá enterrada dins sa vila natala, çò denóncia la familha a l’agéncia curda iraquiana Rudaw. Los servicis secrets, segon lo recit de la familha, an obligat de far l’enterrament practicament sens preséncia de sos pròches.
Las protèstas dins lo sud-èst de l’estat iranian avián ja començat en junh a causa del viòl d’una filha balochi per un policièr, e se son refortidas après la mòrt de la jove curda Jina Amini (oficialament Mahsa Amini), que descadenèt la revòlta feminista en Iran.
Human Rights Iran calcula que la chifra de mòrts dins las protèstas, après l’assassinat d’Amini, es de 304, dont 41 enfants, dins 21 províncias del país.
Una jove curda tuada e privada del drech d’èsser enterrada dins sa vila
A tot aquò cal apondre la repression denonciada dimenge dins la vila curda de Marivan, per la mòrt de l’estudianta Nasrin Ghaderi, nascuda dins aquela vila mas que demorava a Teheran e que foguèt tabasada mortalament dissabte per las fòrças de l’òrdre. La femna intrèt dins lo coma e moriguèt dins la nuèch. Las autoritats iranianas an enebit que siá enterrada dins sa vila natala, çò denóncia la familha a l’agéncia curda iraquiana Rudaw. Los servicis secrets, segon lo recit de la familha, an obligat de far l’enterrament practicament sens preséncia de sos pròches.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Les teocràcies sovint desvirtuen la religió i deshumanitzen el seu missatge ? Sovent, non : sempre, òc !
Una nova era comença a Iran, i s'escamparà per tot arreu el món musulmà, els jóvens i les dones obriran el forrellat d'una porta de llibertat religiosa i social. Llastimosament això costarà sang i repressió ... les teocràcies sovint desvirtuen la religió i deshumanitzen el seu missatge.
Cal far coma los joves que desturbanan los mollàs integristas (pleonasme). Cal descapelar totes los jacobins destimborlats (pleonasme tornar).
Castaner e Valls i pòdon anar seguir un estagi de formacion !…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari