Bandièra01 1180x150: País Invisible

Actualitats

Sarkozy, imputat per abús de feblesa dins l’afar Bettencourt

| World Economic Forum

La justícia metrà en examen l’èx-president francés Nicolas Sarkozy per abús de feblesa de Liliane Bettencourt, segon çò qu’a indicat l’avocat del politician, Thierry Herzog, qu’a qualificada la decision judiciària d’“incoerenta” e d’“injusta”; e mai a anonciat que i presentarà recors immediatament e que ne reclamarà la nullitat.


Segon çò que se faguèt public en 2011, Liliane Bettencourt, la nonagenària eiretièra de l’empèri cosmetic L’Oréal, a una deméncia mixta e una malautiá d’Alzheimer dins un estat moderadament sevèr. L’investigacion judiciària vòl esclarzir se Sarkozy profechèt de l’estat de la milionària e s’abusèt de la siá fisança per li traire d’argent destinat a finançar la campanha que lo menèt a l’Elisi en 2007.
 
L’èx-president compareguèt ièr al Palais de Justícia de Bordèu e aguèt un acarament amb lo majordòm de Bettencourt, Pascal Bonnefoy. Los jutges volián determinar quantes còps anèt Sarkozy a l’ostal de la milionària pendent la campanha electorala e saber s’abusèt de la siá feblesa per obténer de fonzes. L’èx-president francés confirmèt una vesita, del temps que lo majordòm afirmèt que i anèt maites còps.
 
La suspicion que Sarkozy poiriá aver aprofechat los problèmas mentals de Bettencourt venguèt de Claire Thibout, anciana comptabla de Bettencourt. En 2010, la femna declarèt a la polícia que, tres ans abans, l’administrator de la familha, Patrice de Maistre, li aviá demandat 150 000 èuros en efectiu per los donar al clavaire de la campanha electorala de Sarkozy.
 
Lo cas se descobriguèt per azard dins una enquèsta parallèla tocant una disputa familiala que la filha de Bettencourt, Françoise Meyers, portèt a la justícia.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Amenofís Carnac de l'Èrm
3.

22 ans de gàbia non compressibles, per aqueste ciutadan, un pauc coma se tracta unes presonièrs politics suspectats de terrorisme (es a dire de resisténcia mai o mens armada a l'occupacion de son país), en França…

  • 0
  • 0
Batko
2.

De costume se ditz que lo "totispoiritisme" ei dangerós per la democracia. (Ne's parla pas de la definicion)
Mès cau díser los òmis politics ne hèn pas arren contra aquò.
Que mia naturaument au "aquòquevapetisme". Ne soi !!

  • 4
  • 2
Pirolet
1.

Decision "incoerenta" e "injusta". E òc , li anava portar de flors a la Liliana. E ela, pauròta, coma cresiá qu'èra lo comís de la florista, li balhva l'estrena. Dins una envolopa, qu'es aital que se fa dins aquel monde tant refinat.

  • 3
  • 0

Escriu un comentari sus aqueste article