Actualitats
Abdullah Öcalan a anonciat la fin de las ostilitats en Curdistan
Lo dirigent del PKK, en preson dempuèi 1999, a dich qu’“una èra nòva a començat”
Lo pus grand dirigent de la guerrilha del Partit dels Trabalhadors de Curdistan (PKK), Abdullah Öcalan, demandèt a la fin de la setmana passada a sos combatents de metre fin a las ostilitats e de se retirar al Curdistan Meridional, per fin de complir l’actual procès de patz. “Que se calen las armas e que prevalga la politica”, çò diguèt a l’escasença de l’An Nòu pèrsa (Newroz), en un messatge legit per un deputat del partit curd, lo Partit de la Patz e la Democracia (BDP), dins la principala vila curda d’Amed (Diyarbakır): “es arribat lo moment que nòstras fòrças armadas se retiren delà la frontièra. Aquò es pas la fin, es lo començament d’una èra nòva”.
Embarrat dempuèi 1999, Öcalan a negociat los detalhs d’un acòrdi de patz amb lo govèrn turc, coma o reconeguèt en decembre passat lo primièr ministre turc, Recep Tayyip Erdoğan. Pauc abans, Öcalan èra intervengut per metre fin a una granda cauma de la fam que seguissián de centenats de militants curds empresonats.
Lo conflicte entre Turquia e lo Curdistan Septentrional a causat mai de quaranta mila mòrts pendent los darrièrs trenta ans.
Öcalan, arrestat en Kenya en 1999, condemnat primièr a mòrt e puèi a perpetuitat en Turquia, faguèt ja una crida lo mes passat per que se liberèsse los presonièrs dels dos costats. Lo PKK liberèt uèch soldats e oficials turcs que reteniá dempuèi dos ans al Curdistan Meridional.
L’assassinat de tres activistas curdas conegudas, a París, lo 10 de genièr passat, representèt un còp important al procès de patz, mas l’a pas fach desralhar.
Embarrat dempuèi 1999, Öcalan a negociat los detalhs d’un acòrdi de patz amb lo govèrn turc, coma o reconeguèt en decembre passat lo primièr ministre turc, Recep Tayyip Erdoğan. Pauc abans, Öcalan èra intervengut per metre fin a una granda cauma de la fam que seguissián de centenats de militants curds empresonats.
Lo conflicte entre Turquia e lo Curdistan Septentrional a causat mai de quaranta mila mòrts pendent los darrièrs trenta ans.
Öcalan, arrestat en Kenya en 1999, condemnat primièr a mòrt e puèi a perpetuitat en Turquia, faguèt ja una crida lo mes passat per que se liberèsse los presonièrs dels dos costats. Lo PKK liberèt uèch soldats e oficials turcs que reteniá dempuèi dos ans al Curdistan Meridional.
L’assassinat de tres activistas curdas conegudas, a París, lo 10 de genièr passat, representèt un còp important al procès de patz, mas l’a pas fach desralhar.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me pausi la question de saber se los curds an demandat perdon al pòble armenian per aver prestat man fòrta als turcs pel genocidi armenian.
Saber demandar perdon es çò que permet de dire s'un pòble es grand.
E alara ? Es per aquò que fau oblidar lei drechs fondamentaus dei curdes ? Fau doblidar que la lenga e la cultura curde son mespresadas, que de vilatge son massacrats per l'armada turca, que de militants son assassinats fins a París ?
Es verai Curdistan demòra un país pron conservador (mai que mai per lei fremas), mai es pas una rason per pas sostenir lei fòrças progressistas que luchan per sa libertat.
lei curdes, per ara, son lei solets ganhants dei guerras de religion d'Iraq e de Siria e rapelarai lo libre de poesias engatjadas d'Alan Ward "la corda roja" publicat fai 40 ans dins la colleccion messatges de l'IEO que l'enciclpedic alan Ward que parlava occitan coma Boudou èra anat ailà dins lo Curdistan e se ne manquèt d'un pèu que foguèsse pas penjat
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari