CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Dimenge, 5 de mai de 2013, 03h00 Societat,Reportatge,Lenga

Val d’Aran. 20 ans en tot córrer pera lengua

Eth collectiu Lengua Viua que hestege enguan eth 20au anniversari dera Corsa Aran per sa lengua


Comentaris 6 comentaris    
Marrit Flac Bon Plan bon Fabulós (2 vòtes)
carregant En cargar


Lengua Viua qu’organize cada an entà Sant Jòrdi, dia deth libe, ua lectura publica de tèxtes en occitan
© Ma Pau Gómez

Eth dessenh dera camiseta entara corsa Aran per sa Lengua d’enguan ei de Pep Casasayas

Arribada dera corsa 2012 ena plaça de Vielha
© Ferriòl Macip

Concèrt de Nadau ena corsa Aran per sa Lengua 2012
© Marcel Fernández Roca





Nòvas restacadas
Etiquetas
aran, aran per sa lengua, aranés, casasayas, corsa, escala, lengua viua, occitan

Eth collectiu aranés Lengua Viua qu’organize cada an entà Sant Jòrdi, dia deth libe, ua lectura publica de tèxtes en occitan ena plaça deth Conselh Generau d’Aran, deuant dera escultura en aumenatge ara lengua. Er acte, que se debane damb era collaboracion deth Conselh Generau d’Aran e der Archiu Generau, e compdèc damb era participacion d’un quarantenat d’escolans de siesau. Ath delà dera literatura ena lengua deth país, se liegeren tanben toti es capítols dera Querimònia, era carta magna d’Aran, qu’enguan ne hestèje eth 700au anniversari.
 
Aguest anniversari, e tota era succession d’efemerides que celèbre enguan eth petit país occitan des Pirenèus, eth collectiu Lengua Viua l’a representat en calendari qu’an editat entà 2013. S’enes edicions des ans precedents i trobàuem un arrepervèri per mes, ena edicion d’enguan que i trobam es fotografies des premiadi damb eth Prèmi Lengua Viua ath long d’aqueri 20 ans, e tanplan un eveniment istoric per mes. Ça que la, en mes de junhsèga, ath delà dera vesita deth rei Jaime I ena Val d’Aran en 1265, que i trobam tanben eth 20au anniversari dera Corsa Aran per sa Lengua, er eveniment màger que dempús 20 ans e organize Lengua Viua entà fomentar er usatge sociau der aranés.
 
“Lengua Viua ei un collectiu altruista qu’a per objectiu era possa der usatge sociau der aranés, qu’encara non ei bric artenhut mès que recule, maugrat èster lengua veïculara ena escòla” mos conde Lissa Escala, qu’ahig que “cau mejans de tot tipe”. Escala qu’ei un des membres mès actius de Lengua Viua a on hè 20 ans que i milite, e hè partida deth comitat director dera associacion.
 
Per un costat, e maugrat es trebucs deth govèrn espanhòu, er occitan en Aran se tròbe en sòn melhor moment a nivèu legau, damb era oficialitat en Catalonha e damb era Lei der occitan, aranés en Aran. Mès per aute costat er usatge sociau dera lengua ei de mès en mès baish.
 
 
20 ans dera corsa Aran per sa Lengua
 
Eth dia de Sant Jòrdi, Lengua Viua que profitèc tanben entà anonciar eth guanhador deth concors de dessenh dera camiseta entara corsa Aran per sa Lengua d’enguan, que l’arreceberà eth joen Pep Casasayas.
 
Eth dessenh de Casasayas que remèrque es 20 ans dera corsa, damb eth numèro 20 a faiçon de dorsau ena part davantèra dera camiseta. Ena part de darrèr, ua crotz occitana ges d’ues montanhes coma se siguesse eth solei “entà presentar com d’entre es montanhes arribam tà toti es lòcs” ce diguèc Casasayas ara redaccion de Jornalet. “Totun, çò de mès d’important ei remercar es 20 ans dera corsa”, ce ahigèc.
 
Era corsa se debanarà, coma cada an, eth darrèr dimenge de junhsèga. Mès enguan dissabte ja i aurà actes. Peth maitin, entre d’autes activitats, s’explicaràn condes tara mainadèra e i aurà un concors de letrejar. Ath ser que poderam gaudir de teatre en aranés, ua activitat que Lengua Viua e auie ja amiat a tèrme e que, segontes Escala, trobauen a mancar.
 
E eth 28 de junhsèga era vintau corsa Aran per sa Lengua tornarà a mòir tot un país. “Eth 17 de junh ei eth dia politic, mès eth dia dera corsa ei eth dia en que se sentís era lengua e eth país”, ce explicaue Casasayas.
 
Es corredors e es caminaires qu’agen gescut des tres extrèmi dera val s’amassaràn un aute viatge ena plaça de Vielha. Aquiu, dempús des parlaments e deth liurament deth prèmi Lengua Viua –qu’encara non sabem entà qui serà–, Casasayas qu’arreceberà eth prèmi de 400 èuros peth dessenh dera camiseta. L’ac liurarà André Ricard, eth dessenhaire d’origina aranesa coneishut per auer dessenhat era halha des Jòcs Olimpics de Barcelona en 1992, e per èster er autor deth monument d’Aran per sa Lengua.
 
Que clavarà era jornada un festiu concèrt de Nadau, eth grop qu’a amiat Occitània ena Val d’Aran e era Val d’Aran ena rèsta d’Occitània, e demoraram toti amassa qu’er esperit d’aquera jornada e age calhat mès enes consciéncies lingüistiques des aranesi.
 
En aguest sens Escala que confie “que Lengua Viua contunharà de méter eth sòn graet de sable entà possar er usatge sociau dera nòsta lengua e hèr evidenta era estima que li an es aranesi”.
 
 
 
 
Ferriòl Macip



publicitat
BANER1-2-3: DGPL DICTADES



Comentaris

7 de mai 08.22h

#5 Ne te'n des pas, amic catalan, senta Quitèira qu'ei un troll.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

6 de mai 13.00h

Per la Senta Quiteria. Escric en català, espero que no ho consideris un acte de colonialisme. Em sembla injust el teu comentari amb els catalans i també amb els aranesos, que no veig perquè no han de poder celebrar Sant Jordi si senten aquesta festa com a seva. En tot cas em sap greu el teu comentari perquè he viatjat abastament per Occitània i i només un cop (cosa que em fa sentir molt trist), a Milhau, he sentit parlar occità pel carrer, cosa força habitual a l'Aran, on per cert, l'oc... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

6 de mai 10.41h

Ai ausit a dire que sonque 25% de la populacion es originària de la Val d'Aran. Qualqu'un de la Val d'Aran o poiriá confirmar ? Çò segur, los emplecs aranseses ligats al torisme fan venir fòrça monde de Catalonha o del demai d'Espanha. E ajuda pas tanpauc a l'emplec de l'occitan aranés pecaire ... basta de véser los Occitans non conscients de Tolosa que se'n van per la Val d'Aran ("en Espanha" çò dison), per crompar de cigarretas e que gaitan de charrar en castilhan.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 de mai 22.32h

Hestejar Sent Jòrdi a la mòda catalana qu'es ua demostracion deu grèu problèma deu colonialisme catalan e de l'aculturacion qui pateishen los Aranés.


Valoriza aqueste comentari:   votar positiu 2   votar negatiu 8
Respondre comentari replica Comentari inadeqüat   Formulari d'abús de comentari

5 de mai 11.25h

#1 Ac dobti. Ena Val d'Aran i a ua peresa grana de liéger en occitan que non sigue aranés, e se tracte er aranés coma ua microlengua. Çò que mos hè cada còp mès analfabets ena nòsta pròpria lengua.

Ena escòla se hè catalan, e se liegen tèxtes en toti es dialectes; se hè castelhan, e se liegen tèxtes quitament d'America. Mès per rapòrt ar occitan, ara nòsta lengua, era escòla mos hè incompetents en tota era nòsta lengua.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 de mai 10.32h

Seriá interessant de coneisser los tèxtes legits. Mistral ? Bodon ?


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 17
  • sol Aush 18
  • sol Bordèu 17
  • sol Briançon 18
  • sol Caors 17
  • sol Carcassona 19
  • sol Clarmont-Ferrand 16
  • sol Confolent 17
  • sol Gap 13
  • sol La Canau 17
  • sol La Gàrdia 20
  • sol Limòtges 17
  • sol Lo Borg Sant Dalmatz 19
  • sol Lo Puèi de Velai 18
  • sol Marselha 18
  • sol Montpelhièr 19
  • sol Naut Aran 16
  • sol Niça 22
  • sol Nimes 18
  • sol Pau 16
  • sol Peireguers 18
  • sol Rodés 17
  • sol Tolon 17
  • sol Tolosa 18
  • sol Valença 17

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • © Aure Séguier

    Carnaval Biarnés 2017

  • © Laurenç Revèst

    Las Cevènas, Barjac en Val de Cese

  • A Gavotina marítima: Recabruna Cab Martin, a vila vielha e o castèl dau sécolo X

  • Gavotina marítima: trofèu d'August e vila vielha d'A Torbia

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Franc Bardòu

    Coserans al còr

  • © Franc Bardòu

    Catalonha etèrna

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    Asuèlhs Bigordans

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Cavairac, Vau Naja (Costièra de Nimes)

  • País de Rasés. © Franc Bardòu

    País de Rasés

  • Zep Armentano

    25au Corsa Aran per sa Lengua

  • © Aure Séguier

    Carnaval Biarnés 2017

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Franc Bardòu

    Darrièr refugi abans l’envòl (1206-2016)

  • Lo grand passacarrièra de Rodés. Occitan Pride 2013

  • © Laurenç Revèst

    Fòrt Maginòt de Sant Anhe

  • País de Rasés. © Franc Bardòu

    País de Rasés

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)