Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasCarcassés

Carcassona: un an après l’anonci del barrament, los salariats de Pilpa salvaràn l’usina

| Pilpa vivra
Un an après l’anonci del barrament de l’usina Pilpa de Carcassona, filiala de la granda entrepresa estatsunidenca de glacets R&R,  l’espèr arriba pels 123 salariats qu’èran menaçats d’anar al caumatge o d’èsser reclassats endacòm en Euròpa.

Los salariats en lucha son a capitar de salvar l’usina en fasent una societat cooperativa. Lo projècte foguèt presentat dimècres en prefectura, e divendres de ser ne faguèron una simbolica fèsta d’inauguracion. A la fin d’aquesta setmana las negociacions del grop poirián èsser, fin finala, ben capitadas.
 
Al delà, per festejar un an de lucha, un centenat de salariats e de simpatizants marchèron per las carrièras de Carcassona. Un fum de botigas avián afichat lor sosten als manifestants dins lor veirina.
 
Lo barrament de Pilpa foguèt anonciat lo 5 de julhet de 2012, nòu meses après lo sieu salvament pel grop R&R que son plan social foguèt denonciat a la justícia pels quites salariats. “L’usina es tot plen viabla amb la crèma glaçada. Nos an comprats per prene la marca, las nòstras licéncias per los glacets Oasis e Disney, e se desbarrassar d’un concurrent”, çò declarava fa un an Rachid Aït Ouakli, elegit CGT al comitat d’entrepresa.
 
Pilpa aperteniá a la cooperativa lachièra 3A abans d’èsser venduda a la societat americana. Al moment del salvament, en 2011, l’entrepresa carcassesa comptava 156 salariats e un temps plen equivalent d’80 interimaris, segon lo sindicat CGT.


Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article