Bandièra01 1180x150: País Invisible

Actualitats

Recòrd mondial de despensas militaras

En Euròpa an conegut lor aument mai fòrt d’una annada sus l’autra dempuèi almens 30 ans

| United States Marine Corps Official Page

Tèxte legit

Las despensas militaras mondialas totalas an aumentat d’un 3,7 % de 2021 a 2022 en tot aténher un recòrd nòu de 2240 miliards de dolars. Las despensas militaras en Euròpa an conegut lor aument mai fòrt d’una annada sus l’autra dempuèi almens 30 ans, segon lo rapòrt annadièr del Stockholm International Peace Research Institute (SIPRI).

Los tres païses que despensan mai d’argent en armas son los Estats Units (877 miliards de dolars), China (292 miliards de dolars) e Russia (86,4 miliards de dolars) . Los seguís Índia, qu’a aumentat sa despensa d’un 6% fins a 81,4 miliards e l’Arabia Saudita en cinquen lòc, qu’amb una creissença d’un 16% despensa 75 miliards de dolars. França es a l’ochena posicion amb una despensa de 53,6 miliards de dolars.

 

L’invasion d’Ucraïna

 

Per la directritz del Programa de Despensa Militara e Produccion d’Armas del SIPRI, Lucie Béraud-Sudreau: “La diferéncia entre los plans budgetaris de Russia e sa despensa militara reala en 2022 suggerís que l’invasion d’Ucraïna a costat a Russia fòrça mai que çò que prevesiá”.

Dins lo cas d’Ucraïna, la despensa a crescut d’un 640%, una pojada sens precedent per un sol país dins tota la istòria coneguda pel SIPRI, çò que fa que la carga militara sul PIB a passat d’un 2% abans la guèrra al 34% actual.

Lo rapòrt soslinha de pojadas remarcablas en despensa militara dins los païses frontalièrs de Russia: Finlàndia (+36%), Lituània (+27%), Suècia (+12%) e Polonha (+11%).  Quant als païses de l’OTAN en general, la despensa en 2022 foguèt d’un 0,9% pus nauta en 2022 qu’en 2021.

 

 


Podètz legir la nòta de premsa en anglés, catalan, francés, espanhòl e suedés e lo rapòrt complet en anglés.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article