L'universitari e artista occitan Silvan Chabaud recebrà lo prestigiós Grand Prèmi lLiterari de Provença. La ceremònia de remesa dels prèmis se tendrà lo 24 de setembre venent. Aquel prèmi a recompensat d'autres escrivans occitans eminents coma Robèrt Lafont e Felip Martèl.

Silvan Chabaud es un escrivan, poèta e musician passionat de la lenga d'òc, qu’a sauput captivar son public amb sa poesia simpla e prigonda aital coma amb sa musica engatjada. Après d’annadas coma encargat de cors en civilizacion occitana, Chabaud a recentament integrat l'Universitat de Montpelhièr Pau Valèri coma mèstre de  conferéncias. Abans aquò, aviá menat una carrièra artistica dins lo grop Mauresca e trabalhèt coma jornalista a France 3. A tanplan contribuït de faiçon significativa a la recèrca en literatura occitana contemporanèa e es codirector de la revista Plumas. Estudis de literatura occitana contemporanèa, dont lo quatren numèro es actualament en preparacion. Enfin, Chabaud es un cronicaire regular de literatura occitana dins lo mesadièr Lo Diari.