Actualitats
Non, lo parlament chadian a pas demandat lo retirament de las tropas francesas
L’informacion enganaira foguèt partejada suls rets socials e quitament publicada sus qualques mèdias coma Jornalet, mas en realitat es una informacion de 1964
L’informacion publicada divendres passat sus Jornalet, que pretendiá que de deputats chadians avián recentament votat pel retirament de las tropas francesas del país, es enganaira. Los messatges virals actuals que citan un deputat apelat Paul Djibrine coma l’instigator, reprenon una informacion de 1964 que lo publiquèt alara Le Monde. D’efièch, Djibrine èra un ministre dins lo governament chadian en 1960 e actualament es pas quitament un parlamentari.
Un brave legeire de Jornalet nos a senhalat l’error e un article de l’AFP que mòstra l’origina de l’engana. La còla de Jornalet mercejam sa fidelitat e sa vigilànca, reconeissem publicament nòstra pèca e nos desencusam sincèrament per aquesta manca de rigor.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Hèra bona reaccion! Felicitacions a Jornalet de non pas aver paur ni vergonha de corregir las soas errors : que'n hèm tots. La faiçon de tractar las errors que marca la diferéncia entre los media qui an ua volontat sincèra d'informar e aqueths qui essajan de manipular lo monde o qui's foten de la vertat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari