Actualitats
Vasats: Alienòr d’Aquitània, trobadors, istòria e patrimòni
Vrespada remirabla sus l’Edat Mejana hòrt interessanta tant d’un punt de vista literari e istoric com musicau e artistic
Maria-Anna Châteaureynaud
Tèxte legit
Per las jornadas deu patrimòni de 2023, la vila de Vasats convidè a Katy Bernard, mèsta de conferéncias a l’Universitat de Bordèu Montanha, especialista de l’occitan medievau, a balhar ua conferéncia sus Alienòr d’Aquitània.
Lo Cercle Occitan deu Sud Gironda ne profieitè per presentar lo trobador de Vasats Pèir de Ladils, e la conferéncia de Katy Bernard sus la vita de la duquèssa d’Aquitània, reina dus còps, amassè ua grana audiéncia a la mediatèca municipau.
Puish, membres deu grop de musica medievau La flama, Xavier Terrasa, Margaux Zubeldia e David Zubeldia, interpretèn cançons deus trobadors d’Aquitània dab lecturas de Katy Bernard.
Lo grop La flama es actuaument a preparar un libe CD suus trobadors d’Alienòr.
Lo public vasadés aprofieitè atau d’ua vrespada remirabla sus l’Edat Mejana hòrt interessanta tant d’un punt de vista literari e istoric com musicau e artistic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari