Bandièra01 1180x150: País Invisible

Actualitats

Conflicte juridic entre França e Corsega a prepaus de l’educacion en còrs

Lo prefècte demanda que se retire una deliberacion qu’autreja una ajuda de 2,8 milions d’èuros a Scola Corsa

| @ScolaCorsa

Tèxte legit

Un desacòrdi juridic opausa l'estat francés e la collectivitat territoriala còrsa a prepaus de la deliberacion votada lo 29 de junh passat per l'Assemblada de Corsega sus l’educacion en còrs, çò rapòrta Corse Matin.

Aquela deliberacion autrejava una ajuda de 2,8 milions d'èuros sus tres ans a Scola Corsa per sosténer l'aprendissatge associatiu immersiu de la lenga pròpria de l’illa. Mas, lo 31 d’agost, lo prefècte mandèt una letra ont exigissiá lo retirament d'aquela deliberacion que la considèra illegala lo representant del govèrn francés per doas rasons: Scola Corsa es una escòla del primièr gra, doncas que relèva de la competéncia exclusiva de l'estat, e, coma escòla fòra contracte, pòt pas beneficiar d'aquela subvencion segon las leis en vigor. Lo desacòrdi sembla de se basar sus d'arguments juridics puslèu que politics, segon las declaracions del secretari general encargat dels afars còrses, Alexandre Patrou.

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article