Bandièra01 1180x150: País Invisible

Actualitats

Dimenjada de manifestacions per l’alta al fuòc en Gaza per tota Euròpa

En Occitània, i aguèt de manifestacions, especialament a Lemòtges, Bordèu, Tolosa e Marselha

Tèxte legit

Londres visquèt dissabte una de sas manifestacions mai massissas: mai d’800 000 personas, segon los organizaires, manifestèron en solidaritat amb Palestina per exigir que lo govèrn d’Israèl arrestèsse sos atacs sus Gaza.

D’autre latz, a Brussèlas, aperaquí 21 000 personas protestèron en sosten a la causa palestiniana.

A Barcelona, aperaquí 8000 personas marchèron per exigir lo “cessament del genocidi en Palestina” e demandèron als govèrns que metèsson lo ponch final a las crompa e venda d’armas amb Israèl.

Quitament a Santander, dins lo nòrd d'Espanha, environ 1200 personas marchèron per carrièras per exigir l’alta al fuòc en Gaza.

 

En Occitània

 

En Occitània, tanben i aguèt de manifestacions contra la guèrra a l’Orient Mejan: aperaquí 150 personas exigiguèron “l’arrèst dau massacre” a Lemòtges. A Bordèu, 625 personas, segon la prefectura, manifestèron lor solidaritat amb Gaza. A Tolosa, èran mai de 2500 personas segon la CGT (1200 segon la prefectura, e 1300 personas segon la polícia) e, a Marselha, los jornalistas estiman que qualques milièrs de manifestants desfilèron tanplan contra l’extrèma drecha a l'apèl d'un collectiu sostengut sustot per de deputats de La França Insomesa, venguts exprimir lor refús “dau racisme e de l’antisemitisme”.

 

 

 

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article