Bandièra01 1180x150: País Invisible

Actualitats

La Passem: conferéncia de premsa a Tarba pel lançament de la venda de quilomètres

Dimars 28 de novembre a 11h, a l’ostal de la comuna de Tarba, se desvelarà totes los detalhs suplementaris sus la corsa per la lenga occitana

Tèxte legit

L’associacion Ligams, organizaira de La Passem 2024, convida la premsa e lo public a la conferéncia de premsa oficiala que marcarà lo lançament de la venda dels quilomètres per l’edicion venenta de la corsa per la transmission de la lenga occitana. Aquel eveniment crucial se tendrà lo dimars 28 de novembre a 11h a l’ostal de la comuna de Tarba. Es l’escasença pels participants potencial e pels esponsòrs e partenaris de comprene las repercussions de lor sosten sus aquela corsa unica.

Pendent aquela conferéncia se desvelarà de detalhs suplementaris sul trajècte, suls enjòcs e sus las tòcas de La Passem 2024. Los representants de Ligams seràn disponibles per respondre a las questions e partejar la vision d’aquela aventura per la lenga nòstra.

Los fonzes recoltats gràcias a la crompa dels quilomètres contribuiràn non solament a la realizacion logistica de l’eveniment mas a finançar de projèctes per la lenga.

L’edicion 2024 de La Passem aurà un percors de 1100 km que se farà en 6 jorns e 5 nuèches entre Tarba e lo Mont de Marsan. Aurà luòc del 30 d’abril al 5 de mai.

L’organizacion d’aquela corsa per la lenga es possibla gràcias a l’esfòrç de mai de 200 benevòls e de divèrsas comissions. L’eveniment a una tièra d’activitats prèvias e implica la venda de quilomètres per amassar de fonzes.

La Passem es un eveniment màger per la transmission de la lenga que pòrta la mobilizacion generala dins totas las vilas e vilatges que travèrsa e emplena d’animacions. La primièra edicion de La Passem aguèt luòc amb grand succès en 2018 e arribèt d’amassar 48 000 èuros que financèron uèch projèctes per la lenga occitana, abans que la segonda corsa collectèsse 67 000 èuros. Tot aquel argent s’es despartit entre mai d’un projècte en favor de l’occitan.

La Passem es un eveniment màger per la transmission de la lenga que pòrta la mobilizacion generala dins totas las vilas e vilatges que travèrsa e emplena d’animacions. La primièra edicion de La Passem aguèt luòc amb grand succès en 2018 e arribèt d’amassar 48 000 èuros que financèron uèch projèctes per la lenga occitana, abans que la segonda corsa collectèsse 67 000 èuros. Tot aquel argent s’es despartit entre divèrses projèctes en favor de l’occitan.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article