Bandièra01 1180x150: País Invisible

Actualitats

crotz-tolosaCreated with Sketch.LengadòcLengadòc NautTolosan

Pinsaguèl: conferéncia sul massacre de Marçolàs per Joan-Pau Ferré

Sul camin devèrs Bèthhag, a Marçolàs, los SS executèron 27 abitants, en tot marcar lo 2d massacre pus important de la Segonda Guèrra Mondiala en Occitània

| Mémorial François Verdier Forain Libération Sud

Tèxte legit

Dissabte que ven, 9 de decembre de 2023, a 10 oras, la mediatèca de Pinsaguèl (Tolosan) aculhirà Joan-Pau Ferré per una conferéncia sul massacre de Marçolàs (Coserans). L’eveniment, que se tendrà en francés e en occitan, explorarà los tragics eveniments subrevenguts lo 10 de junh de 1944 quand una colomna de la 2a division SS Panzer Das Reich se dirigissiá devèrs Bèthhag.

Pendent aquela conferéncia, Joan-Pau Ferré, autor d’un libre que detalha aquel eveniment, partejarà son raconte. Lo vilatge de Bèthhag èra alavetz mirat, a causa de l’activitat resistenta importanta. Sul camin devèrs Bèthhag, a Marçolàs, los SS executèron 27 abitants, en tot marcar lo 2d massacre pus important de la Segonda Guèrra Mondiala en Occitània après lo d’Orador de Glana (País de Vinhana),

La conferéncia explorarà egalament los eveniments a Bèthhag aquel jorn, la rason per la quala lo vilatge èra mirat, las exaccions contra los civils, los combats, e las accions del maquís de Bèthhag. Près d’ochanta ans après aquelas tragèdias, Joan Paul Ferré temptarà de portar d’elements de responsa per melhor comprene e transmetre aquela memòria.

 

 

 

 


FERRÉ, Jean-Paul. Betchat, 10 juin 1944, retour sus une journée tragique. Eth Ostau Comengés, 2a edicion, 2022.  120 paginas. 15 èuros.

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Casanava Bernat Avidòs
1.

Sonque ua petita rectificacion: lo dusau massacre mei important de la Segonda Guèrra Mondiaa en Occitania que's passè a Tula.

  • 10
  • 0

Escriu un comentari sus aqueste article