Coma ja dit lo còp passat, demòra una sola incertesa per las doas darrièras jornadas de la primièra fasa del campionat Elèit de XIII: qual acompanharà dins la pola bèla de la segonda fasa Limós, Tolosa e los Dragonets? Serà Lesinhan o Carcassona?
Dissabte, Limós daissèt los quadres a l’ostal e mandèt una esquipa rejovenida a Avinhon. Los provençals s’arregalèron de marcar punts per ganhar 66-16.
A Sant Estève, los Dragonets tornèron ganhar contra Lesinhan, mas los jogaires de Corbièras en ensacant penalitat e tombat se petacèron per tornar partir amb lo punt de bonus defensiu: desfaita 26-15.
Dimenge, en jogant una partida plena contra Palau, Carcassona tornèt a nautor dels lesinhaneses al classament a la quatrena plaça en jòc. Los Canaris signèron un dotzenat d’ensags, lo segonda linha Vincenç Anderson ne marquèt quatre e l’ASC ganhèt 66-12.
Dins lo quatren rescontre, foguèt pas una partida de plaser pel Tolosa Olimpic de batre Vilanòva: 20-12 e egalitat disciplinària: un carton roge de cada part!
Dins las doas setmanas que venon, lesinhaneses e carcassoneses se van trapar dos còps al Molin: aqueste dimenge 12 pel compte dels 1/8n de la Copa e lo 19 en campionat.
E òc, aquesta dimenjada lo campionat daissa plaça a la Copa de França amb l’entrada en competicion de las formacions d’Elèit 1. Son al programa tres partidas dissabte: Baó reçauprà lo Tolosa Olimpic, Vilagalhenc-Argon reçauprà Carpentràs e Albi anirà jogar a Lion. Las cinc autras partidas se debanaràn dimenge: Avinhon que ten lo trofèu anirà desfisar los Broncòs de Tolosa, Palau anirà del costat del Realmont e Limós serà en Salanca per jogar contra los Batalhièrs de Pià. Doas partidas entre formacions d’Elèit complètan aquel torn: los Dragonets se deuràn mesfisar de Vilanòva a l’estadi Max-Rousié e, doncas, aquela famosa partida al Molin entre lo FC Lesinhan e l’AS Carcassona.
D’aquel temps, los Dracs son en plena preparacion de la sason novèla de Super-Liga. Reçaupràn Widnes en amical a Brutus lo dimenge 26, aprèp la presentacion oficiala de l’esquipa que se farà dimars 21 a Sant Estève. L’enquadrament de l’esquipa fa apèl a las competéncias localas. Atal, Fred Marcérou ven lo preparator fisic del grop, segondat per Beneset Albèrt, qu’èra la sason passada l’entrainaire de Pià.
Alan Roch
Dissabte, Limós daissèt los quadres a l’ostal e mandèt una esquipa rejovenida a Avinhon. Los provençals s’arregalèron de marcar punts per ganhar 66-16.
A Sant Estève, los Dragonets tornèron ganhar contra Lesinhan, mas los jogaires de Corbièras en ensacant penalitat e tombat se petacèron per tornar partir amb lo punt de bonus defensiu: desfaita 26-15.
Dimenge, en jogant una partida plena contra Palau, Carcassona tornèt a nautor dels lesinhaneses al classament a la quatrena plaça en jòc. Los Canaris signèron un dotzenat d’ensags, lo segonda linha Vincenç Anderson ne marquèt quatre e l’ASC ganhèt 66-12.
Dins lo quatren rescontre, foguèt pas una partida de plaser pel Tolosa Olimpic de batre Vilanòva: 20-12 e egalitat disciplinària: un carton roge de cada part!
Dins las doas setmanas que venon, lesinhaneses e carcassoneses se van trapar dos còps al Molin: aqueste dimenge 12 pel compte dels 1/8n de la Copa e lo 19 en campionat.
E òc, aquesta dimenjada lo campionat daissa plaça a la Copa de França amb l’entrada en competicion de las formacions d’Elèit 1. Son al programa tres partidas dissabte: Baó reçauprà lo Tolosa Olimpic, Vilagalhenc-Argon reçauprà Carpentràs e Albi anirà jogar a Lion. Las cinc autras partidas se debanaràn dimenge: Avinhon que ten lo trofèu anirà desfisar los Broncòs de Tolosa, Palau anirà del costat del Realmont e Limós serà en Salanca per jogar contra los Batalhièrs de Pià. Doas partidas entre formacions d’Elèit complètan aquel torn: los Dragonets se deuràn mesfisar de Vilanòva a l’estadi Max-Rousié e, doncas, aquela famosa partida al Molin entre lo FC Lesinhan e l’AS Carcassona.
D’aquel temps, los Dracs son en plena preparacion de la sason novèla de Super-Liga. Reçaupràn Widnes en amical a Brutus lo dimenge 26, aprèp la presentacion oficiala de l’esquipa que se farà dimars 21 a Sant Estève. L’enquadrament de l’esquipa fa apèl a las competéncias localas. Atal, Fred Marcérou ven lo preparator fisic del grop, segondat per Beneset Albèrt, qu’èra la sason passada l’entrainaire de Pià.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari