Bandièra01 1180x150: Comuna de Tolosa

Actualitats

Kendji e Valls se parlan en catalan

Kendji, lo ganhaire del concors televisiu de joves cantaires The Voice a TF1, rescontrèt lo primièr ministre francés, Manuel Valls, après sa victòria, e li parlèt en catalan.
 
Se tracta d’un fach normal, entre dos catalanofòns, que deuriá pas far l’actualitat se l’estat francés foguèsse un país lingüisticament just e democratic. Per contra, qualques mèdias n’an fach resson, coma La Parisienne, lo suplement ròse de Le Parisien.
 
“Parli en catalan amb los mieus et tanben amb Manuel Valls”, çò diguèt lo jove cantaire catalan, en fasent referéncia a la catalanitat del primièr ministre. “Lo trobèri al jornal de TF1, just après ma victòria de The Voice. Escambièrem qualques mots en rèirescèna. Me felicitèt en catalan, aquò me faguèt plaser, çò apondèt”.
 
Lo jove cantaire catalan presentèt son primièr single Color Gitano, una cançon en francés amb de paraulas en espanhòl, qu’interpretèt en dirècte pel personal del jornal parisenc. 




Entrevista de Kendji per leparisien




Kendji canta "Color Gitano"per leparisien

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article