Actualitats
Amina Asbui denóncia qu’a patit l’agression de cinc salafistas a París
Amina Asbui, abans coneguda jol chafre d’Amina Tayler, es una de las caras mai vesedoiras del feminisme dins lo mond musulman. Èra estada militanta del grop Femen, mas l’abandonèt en agost de 2013 en lo jutjant islamofòb.
La jove a contat dins sa pagina de Facebook que, dimenge 6 de julhet, a 5 oras del matin, se trobava dins l’estacion de mètro de Place de Clichy, quand un jove, tunisian el tanben, la venguèt saludar per li manifestar son sosten e li prenguèt la man. Mas aquò èra un tracanard, lo jove la saquèt a l’exterior de l’estacion per la fòrça, defòra esperavan quatre barbuts que li sautèron dessús e li diguèron que l’anavan violar: “serà una bona accion als uèlhs de Dieu”. Puèi, al mièg de la carrièra, li rasèron las cilhas amb una lama de rasor, e tanben qualque flòta de cabel, per çò que “s’ameritava pas la beutat que Dieu li aviá donada”.
Amina Asbui a fach sa denóncia de violéncia per agression amb emplec o menaça d’arma blanca.
Los passants se’n passèron
Degun l’ajudèt pas. Amina a explicat que foguèt pas liberada fins que lor prometèt que vendriá una bona musulmana e lor aguèt recitat qualque verset de l’Alcoran.
Amina Asbui, de 19 ans, passèt un pauc mai de dos meses en preson en 2013 per aver chimarrat lo mot Femen al mur del cementèri de Cairoan, per fin de protestar contra lo congrès del partit salafista Ansar Ash Sharia (partisans de la sharia).
Menaçada de mòrt per los islamistas, puèi sequestrada per sa familha, la jove a quitada Tunisia per passar lo bachelierat dins un licèu parisenc.
Manèl Zabala
La jove a contat dins sa pagina de Facebook que, dimenge 6 de julhet, a 5 oras del matin, se trobava dins l’estacion de mètro de Place de Clichy, quand un jove, tunisian el tanben, la venguèt saludar per li manifestar son sosten e li prenguèt la man. Mas aquò èra un tracanard, lo jove la saquèt a l’exterior de l’estacion per la fòrça, defòra esperavan quatre barbuts que li sautèron dessús e li diguèron que l’anavan violar: “serà una bona accion als uèlhs de Dieu”. Puèi, al mièg de la carrièra, li rasèron las cilhas amb una lama de rasor, e tanben qualque flòta de cabel, per çò que “s’ameritava pas la beutat que Dieu li aviá donada”.
Amina Asbui a fach sa denóncia de violéncia per agression amb emplec o menaça d’arma blanca.
Los passants se’n passèron
Degun l’ajudèt pas. Amina a explicat que foguèt pas liberada fins que lor prometèt que vendriá una bona musulmana e lor aguèt recitat qualque verset de l’Alcoran.
Amina Asbui, de 19 ans, passèt un pauc mai de dos meses en preson en 2013 per aver chimarrat lo mot Femen al mur del cementèri de Cairoan, per fin de protestar contra lo congrès del partit salafista Ansar Ash Sharia (partisans de la sharia).
Menaçada de mòrt per los islamistas, puèi sequestrada per sa familha, la jove a quitada Tunisia per passar lo bachelierat dins un licèu parisenc.
Manèl Zabala
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Mercés a vos de los estimar, Pascau.
Manèl Zabala, que hè tres articles qui legi de vos en chic de temps e a cada còp que son hèra interessants!
Mercí hèra per la vòsta contribucion!!!
Qu'esperi de'n poder léger hèra d'autes :-)
E ben hòu!
Qu'estó era tanben qui postè fotòs d'era suu net pitre nud dab lo messatge "Lo men còs que m'apartien, n'ei pas l'onor d'arrés" escriut suu pitre.
Que'm semblava qu'èra meilèu per'mor d'aquò qu'avè avut miaças de mort e que la soa familha la sequestrè. Mes lheu aquesta accion estó sonque la mei mediatisada a noste au demiei d'un heish d'autas.
Prauba gojata, estar la cibla de tant de conàs violents! ....
Quina vergonha peus sons agressors! Qu'esperi au mensh que seràn jutjats e condamnats per çò qui an hèit : n'ei pas lo cas sonque d'ua minoritat d'agressors sexuaus en França, malurosament...
Aquel relat fa paur ... Sosten per Amina Asbui ! E vergonha per aqueles salafistas merdicoses (tanplan coma per totes los extremistas religioses d'ont que sián).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari