CAPÇALERA2: IEA-AALO

Jornalet, gaseta occitana d'informacions

Diluns, 10 de decembre

Actualitats

Diluns, 8 de decembre de 2014, 03h00 Societat,Politica,Internacional

L’8 de decembre: la Fèsta de la Nacion Còrsa


Comentaris 13 comentaris    
Marrit Flac Bon Plan bon Fabulós (4 vòtes)
carregant En cargar


Per nòstres compatriòtas occitans dels estats espanhòl, italian e monegasc, l’8 de decembre es un jorn festiu, ligat a la celebracion catolica de l’Immaculada Concepcion, una doctrina fondada sus la tradicion de la Glèisa de Roma segon la quala Maria foguèt concebuda liura del pecat original e poguèt ansin viure sens pecat per donar naissença a Jèsus Crist.

Aquel jorn es tanben important per los còrses, puèi qu’es lor fèsta nacionala. D’efièch, Corsega, nacion independenta al sègle XVIII e en revòlta contra la supremacia genoesa, se metèt jos la proteccion de la Verge Maria e se diguèt ansin que l’8 de decembre, fèsta de l’Immaculada Concepcion, foguèt causit coma fèsta nacionala còrsa. Lo ligam entre lo culte marial e la nacion còrsa se vei tanben encara uèi dins lo fach que l’imne nacional de Corsega, lo Dio Vi Salvi Regina, siá una pregària a Maria.

Coma o senhala aqueste article en lenga còrsa, i a pas nada pròva istorica, totun, que l’8 de decembre foguèt de verai una fèsta nacionala de Corsega pendent los periòdes d’independéncia de l’illa, e après la desfacha militara de 1769 contra França e l’efemèr reialme anglocòrs (1794-1796), l’8 de decembre podiá pas, evidentament, èsser un jorn associat a la nacion còrsa. Sembla doncas mai versemblable que la revendicacion de l’8 de decembre coma fèsta nacionala còrsa siá pro recenta, associada a la despertada de l’autonomisme e de l’independentisme còrses dels ans 1970 enlà.

Cossí que siá, fòrça còrses uèi celèbran aquel jorn e mai demandan que siá festiu dins l’illa. Ongan, l’8 de decembre arriba dins un contèxt particular: la setmana passada, de joves independentistas bloquèron de licèus insulars lo dimars 2, per protestar contra lo jacobinisme de l’estat francés, que contunha de refusar, per exemple, la cooficialitat de la lenga còrsa e l’estatut de resident que l’Assemblada de Corsega demandan, e s’organizèt una manifestacion dimècres passat que s’acabèt amb de susmautas.

Mentretant, sembla pas que i aja de consens dins l’occitanisme per l’organizacion eventuala d’una fèsta nacionala occitana.



publicitat



Comentaris

10 de decembre 01.15h

#6 Te prèssas d'afirmar aquò coma se te hasosse gai ?!. De tot biais qui coneish l'istòria occitana sap qu'es faus. Quitament se lo nom (e territòri) Occitània remonta pas aus Cròs Manhons, parts d'aquesta entitat an existit regularament capvath l'Istòria. Coma China, India, Itàlia, Alemanha etc., en se hèser la guèrra, en s'aliar... La rotina tè. Per ic saber, fau aver la paciéncia d'estudiar, de cambiar lo punt de vista exagonau per un punt de vista intelligent e aver consciénci... Legir mai


Valoriza aqueste comentari:   votar positiu 6   votar negatiu 1
Respondre comentari replica Comentari inadeqüat   Formulari d'abús de comentari

9 de decembre 18.49h

#10- De quora en quora, un comentari de tria, aquò vos pòrta un buf salubre.
Benlèu auriá calgut insistir sul fèit que los "faches de civilizacion" son de qualque manièra los"jutges de patz", son eles superiorament que decidisson de l'existéncia o non d'una istòria comuna o d'una nacion.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

9 de decembre 12.26h

#10 Sèm un pòble qu'a oblidat d'èsser una nacion.


Valoriza aqueste comentari:   votar positiu 3   votar negatiu 4
Respondre comentari replica Comentari inadeqüat   Formulari d'abús de comentari

9 de decembre 09.02h

#9 -L'i a d'elements que permeton de dessenhar una "istoria comuna" per l'espaci occitan, mas se tracha sobretot de faches de civilisacion (tecnicas agràrias d'avans la revolucion industriala, estructuras familialas) o de mentalitat (precocitat de la sociabilitat e dau sistèma associatiu, raport conflictuau amb las exigéncias de l'Estat) e naturalament culturalas (la literatura, orala o escricha, e encara mai naturalamant, la revendicacion occitanista despuèi lo sègle XIX). En sabent totu... Legir mai


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

8 de decembre 13.39h

#6

La nacion seriá doncas sonque l'istòria comuna?

Doncas i a pas de nacion francesa, ja que tenem pas cap, nosautres los occitans, d'istòria comuna amb los bretons, o los alsacians.

Tanben me sembla que mai d'un istòrian a escrit l'istòria d'Occitània en fasent la demostracion de tot çò comun (exemple Lafont, Castela) dins la nòstra istòria. Occitània possedís una istòria comuna. Aprèp, segur qu'aquò agrada pas l'escòla francista, mas aquò es una autra istòria....


Valoriza aqueste comentari:   votar positiu 9   votar negatiu 5
Respondre comentari replica Comentari inadeqüat   Formulari d'abús de comentari

8 de decembre 13.15h

#6 Auem un concèpte de "nacion" plan desparièr.

Segon Cantalausa: nacion f. comunitat umana conscienta de son unitat etnica, linguïstica e culturala e que vòl existir linguïsticament, culturalament e politicament.


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

8 de decembre 12.47h

#6

E pr'aquò existís una nacion e un estat francés amb una istòria fòrça desparièra segon las regions. Lo vòstre argument qu'avèm pas d'istòria comuna en Occitània me sembla un pauc flac ça que la ...


Valoriza aqueste comentari:   votar positiu 3   votar negatiu 5
Respondre comentari replica Comentari inadeqüat   Formulari d'abús de comentari

8 de decembre 12.11h

I a pas de hèsta nacionala occitana percé qu'i a pas de nacion occitana ! Pus exactament, i a pas d'istòria occitana comuna. Les tèrras de lenga d'òc èran partatjadas entre entitats politicas fòrt diferentas. Donc pas d'evenement fondator comun.


Valoriza aqueste comentari:   votar positiu 7   votar negatiu 7
Respondre comentari replica Comentari inadeqüat   Formulari d'abús de comentari

8 de decembre 11.36h

Nosati es occitans demoram eth dia dera independéncia de tot eth país entà hèr d'aquera data era nòsta hèsta nacionau. Mentretant vos prepausi quauques dates que cau commemorar: eth 16 de junh Hèsta d'Aran, que mos tanh a toti es occitans; 24 de junh Sant Joan, hèsta comuna a tot eth país; 13 de seteme, Murèth; e sustot sustot er 11 de nomeve entà non desbrembar jamès er episòdi mès nere dera istòria d'Occitània: era Prumèra Guèrra Mondiau.

Felicitats as còrsi. Bona hèsta a... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

8 de decembre 11.01h

#3

La francisme, malediccion eternala dels "occitanistas"


Valoriza aqueste comentari:   votar positiu 5   votar negatiu 4
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Es urgent que la revòlta dels Gilets Jaunes capite ben

Aquesta quatrena dimenjada de protèstas del movement dels Gilets Jaunes ven de demostrar que l'estat francés es dins una crisi sociala. Poiriam quitament dire qu'es una revolucion. ...
giny

Lo temps

Mapa
  • nuvols Agen 12 1
  • nuvols Aush 12 2
  • nuvols Bordèu 13 2
  • sol Briançon 1 -9
  • nuvols Caors 11 1
  • nuvols Carcassona 10 2
  • nuvols Clarmont-Ferrand 8 2
  • nuvols Confolent 8 2
  • sol Gap 7 -1
  • nuvols La Canau 13 2
  • pluja La Gàrdia 12 1
  • sol La Torre de Pèlitz 12 2
  • sol Limòtges 8 2
  • sol Lo Borg Sant Dalmatz 14 2
  • sol Lo Puèi de Velai 5 1
  • sol Marselha 13 6
  • sol Montpelhièr 14 7
  • nuvols Naut Aran 9 1
  • sol Niça 4 -6
  • sol Nimes 14 6
  • nuvols Pau 11 3
  • nuvols Peireguers 9 2
  • pluja Rodés 8 -1
  • sol Tolon 11 3
  • nuvols Tolosa 12 2
  • sol Valença 7 2

giny

giny

Vidèos

giny

giny

publicitat

lateral 2 teveoc

Entrevista

Siáu mai optimista per la cultura que per la lenga

Robert Rourret Professor d’istòria-geografia a la retirada

Siáu mai optimista per la cultura que per la lenga
publicitat

LATERAL1 300X250: radio pais



publicitat

lateral 2 teveoc

Fotografias

  • © Chau Viva

    Qualques salas de classa d'occitan en collègi

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • © Aure Séguier

    Carnaval Biarnés 2017

  • © Asalaís Moniguet

    Montpelhièr la lengadociana

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    Catalonha etèrna

  • © Celèsta Toion

    La plaja espaci de libertat? D'expression?

  • © Laurenç Revèst

    Nimes e preséncia d'occitan

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Besièrs, preséncia d'occitan en ciutat e CIRDOC

  • © Franc Bardòu

    Asuèlhs Bigordans

  • Quarquas fòtos de l'ESPE ex IUFM de Niça

  • © Aure Séguier

    Carnaval Biarnés 2017

  • Omenatge a Aragon. © Franc Bardòu

    Omenatge a Aragon

  • © Zep Armentano

    Era Mongetada (Val d'Aran 28-29 d'octobre 2017)

  • © Laurenç Revèst

    Val de la Tiniá

  • © Aure Séguier

    Carnaval Biarnés 2017

  • © Laurenç Revèst

    Glèia de Nòstra Dòna dau Vot a Niça e dintre autar de Nòstra Dòna dei Gràcias protectora de Niça e dau canton niçard

  • Asuèlhs de Menerbés. © Franc Bardòu

    Asuèlhs de Menerbés

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

giny

Las mai...

publicitat

LATERAL2 300x250: Cultura Conselh Aran

giny

Sondatge

La politica del president Macron e del govèrn de son primièr ministre es per tu:


2%



0%



7%



67%



21%



2%




Vots 42 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)