CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Divendres, 24 de mai

Actualitats

Dimècres, 10 de decembre de 2014, 03h00 Societat,Politica

Lemosin > Lemosin > País de la Vinhana

Masèl d’Orador de Glana: la justícia quita de perseguir Werner C. per manca de pròvas

L’èx-SS assegura que tirèt pas e que quitament salvèt la vida de doas femnas


Comentaris 3 comentaris    
Marrit Flac Bon Plan bon Fabulós (3 vòtes)
carregant En cargar


Lo ciutadan alemand d’88 ans qu’èra mes en examen per aver participat al masèl dels 642 occitans d’Orador de Glana serà pas mai enseguit. La justícia alemanda a pas cap de pròva de sa culpabilitat.
 
“Los elements de pròvas disponibles permeton pas de contradire a priòri” los arguments de la defensa de Werner C., un fustièr retirat qu’a l’epòca aviá 19 ans. El reconeguèt qu’èra dins aquel vilatge, mas qu’el èra encargat de susvelhar los veïculs dels borrèls. Per contra, los procuraires afirmavan que participèt dirèctament al fusilhament de 25 òmes e que collaborèt a l’assassinat de centenats de femnas e d’enfants.
 
Lo procuraire de Dortmund (Alemanha), Andreas Brendel, afirmava que Werner C. aviá tirat amb son fusilh, el e 14 autres soldats, dins una cava ont assassinèron 25 òmes desarmats. Brendel remembrèt que cap de veteran de la Segonda Guèrra Mondiala “a pas jamai reconegut” de crimes, “totes dison que tirèron pas un sol cop de fuòc”. De son costat, Werner C. assegura que tirèt pas, e que quitament salvèt la vida de doas femnas que tornavan del bòsc just abans lo chaple. Segon çò que l’èx-SS diguèt en una entrevista al jornal alemand Bild Zeitung, quand aquelas doas femnas “se sarravan, las cridèri per que s’escapèsson tornarmai al bòsc, e elas o faguèron”.
 
Las autoritats alemandas avián mes Werner C. en examen, amb cinc autres camaradas sieus que son dins lo visor de l’ofici, e un seisen que demòra en Àustria. Los suspèctes an aperaquí 90 ans.
 
 
Lo masèl d’Orador
 
Lo chaple d’Orador de Glana es un dels mai crusèls de la Segonda Guèrra Mondiala. Los aliats avián ja desbarcat en Normandia e la segonda division blindada de la Waffen-SS començava de se retirar cap al nòrd-oèst de França. Avián l’òrdre d’utilizar de represalhas contra la populacion civila. Lo 9 de junh de 1944, los soldats comandats pel general Heinz Lammerding pengèron 99 civils a Tula. L’endeman, 120 òmes del regiment conegut coma Der Führer entornegèron Orador de Glana, a qualques 30 quilomètres al nòrd-oèst de Lemòtges, per i organizar un chaple que deviá servir d’exemple.
 
Lo comandant Adolf Diekmann organizèt lo masèl: totes los abitants se deguèron acampar dins la plaça del mercat, ont los soldats alemands separèron los òmes de las femnas. Menèron los òmes a quatre granièrs locals, los fusilhèron en grops amb de mitralhetas en los acabant un a cha un amb de còps de pistolet. Las femnas e los enfants foguèron menats dins la glèisa, los embarrèron dedins e i lancèron una bomba de gas toxic. Quand vegèron qu’èra pas pro, fusilhèron, lancèron de granadas de man per las fenèstras e incendièron la bastissa.
 
Marguerite Rouffanche foguèt la sola subreviventa de las 240 femnas e dels 213 enfants embarrats dins la glèisa. Los soldats tirèron contra ela quand fugissiá per una fenèstra e la creguèron mòrta. E mai se la toquèron amb cinc balas, subrevisquèt.
 
En 1953 un tribunal de Bordèu condemnèt 21 òmes, mas passèron solament un an en preson. A un d’eles, l’oficièr Heinz Barth, lo condemnèron tornarmai en 1983 en Alemanha de l’Èst. Sortiguèt de preson en 1997 per sa marrida santat e moriguèt dètz ans puèi a 87 ans. Aqueste còp es la darrièra escasença que de participants al masèl d’Orador respondan davant la justícia.
 
A l’ora d’ara lo vilatge lemosin se consèrva exactament coma demorèt après lo chaple per fin que servisca a l’encòp de santuari consagrat als mòrts e de remembre de la barbariá del nazisme.



publicitat
BANER1-2-3: DGPL TRADUCTOR



Comentaris

29 de març 19.17h

Lu regiment se 'pelava "Das Reich" e non "Das Führer". Setz segur per los gas lachats dins l'egleisa d-avant de n'i fotre lu fuòc ? Jamai iò auvei avant.
Per los que passen prep de Limòtges, qu'es seürament 'na visita a far, dins un silenci pesent, quò bota pas beucòp de jòia au cur qu'es segur, mas quò rapela çò que nos podem far entre omes...


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

10 de decembre 21.14h

Vos deishi tornar léser mon article deu 10.09.2013 on expausi las duas versions, la francesa e l'alemanda.
Per exemple, aicí, se parla pas deu comandant Helmut Kämpfe, un bon amic deu major Adolf Diekmann, e qu'èra estat gahat per maquisards qui miaçavan de l’executar. Segon entresenhas de la Milice, èra estat detenguts a Orador. D'on las recèrcas e l'arribada dens lo vilatge.
Se parla pas tampauc de l'execucion deus quaranta soldats alemands presumits desarmats qu'averé causat la rep... Legir mai


Valoriza aqueste comentari:   votar positiu 6   votar negatiu 4
Respondre comentari replica Comentari inadeqüat   Formulari d'abús de comentari

10 de decembre 09.32h

21 òmes passèron solament un an de preson a l'Oèst; Heinz Barth passèt 14 ans en preson a l'Èst.
Per un còp, "error"(fauta, crimi) deçà del Mur, "vertat"(justícia) delà del Mur. D'exemples mai ?


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Per un jornal participatiu, viu e civilizat

Quand discutissèm amb qualqu’un, emplegam quicòm mai que de paraulas. Las expressions de la cara e los gèstes son fòrça importants per comunicar. Quand parlam al ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

“Avèm un molon de sorires que revenon a cada eveniment”

Rafèu Radreau Carnsaladièr e organizaire d'eveniments culturals a Peirafuec (Nauta Val de Var)

“Avèm un molon de sorires que revenon a cada eveniment”
publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Franc Bardòu

    Darrièr refugi abans l’envòl (1206-2016)

  • © Franc Bardòu

    Catalonha etèrna

  • Jornada de protèsta contra lo barratge del Testet, a Sivens

  • Niça vièlha en occitan niçard. © LR

    Niça vièlha en occitan niçard

  • Castelar

  • Lo grand passacarrièra de Rodés. Occitan Pride 2013

  • Asuèlhs de Menerbés. © Franc Bardòu

    Asuèlhs de Menerbés

  • © Josep Carpintero

    Presentacion dera ANC Val d'Aran en Vielha, 28/12/2013

  • Arle. © Carles Pino

    L'occitan per carrièras (concors de prima 2014)

  • Asuèlhs comengeses. © Franc Bardòu

    Asuèlhs Comengeses

  • © Margaria Pepin

    Adobament dal Grand Prèmi de Mónegue de 2014

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Quarquas fòtos de l'ESPE ex IUFM de Niça

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Franc Bardòu

    Tèrra albigesa

  • © Aure Séguier

    Carnaval Biarnés 2017

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

giny

Las mai...

publicitat

LATERAL2 300x250: Cultura Conselh Aran

giny

Sondatge

Escrives normalament de comentaris dels articles que publica Jornalet?


10%



28%



8%



22%



33%




Vots 126 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)