CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimenge, 24 de setembre

Actualitats

Dimars, 30 de decembre de 2014, 03h00 Espòrt

Rugbi XIII: lo rugbi es la paraula


Comentaris Un comentari    
Marrit Flac Bon Plan bon Fabulós (2 vòtes)
carregant En cargar


L’Institut d’Estudis Occitans ven de tirar a de milierats d’exemplars una brocadura de 32 paginas consacrada al lexic occitan dels rugbis qu’a vocacion d’èsser distribuida pels grands eveniments rugbistics. Atal, una distribucion se farà a Carcassona lo dissabte 24 de genièr a l’escasença del rescontre amical entre los Dracs catalans e los Chivalièrs Catars.
 
Coma me demandèron d’escriure la presentacion de la brocadura, vaquí çò qu’estipulèri:
 
 
“Lo rugbi e la fòrça de la paraula
 
Probable que tot comencèt del costat d’Esperasan quand un dinosaure desobrat lancèt un uòu a un collèga que passava apr’aquí. Aquesta primièra experiéncia foguèt una revirada, mas demorèt dins la memòria del país, jos la forma de la sola per exemple. E quand lo gèste fondador e iconoclasta de Webb William Ellis arribèt aicí, tot naturalament las tèrras d’Occitània, alargadas a las parts nòrd del Bascoat e de Catalonha, se transformèron còp sec en reialme d’Ovàlia. Coma tota religion, avèm la glèisa ortodòxa (la del XV) e la glèisa erètja (la del XIII). Al delà de las règlas del jòc e del debanament de las partidas, al delà dels jogaires, lo rugbi es portaire de paraulas (precisas o imatjadas), d’imaginari e de sociabilitat. Lo rugbi capita ben la fusion dels temps: lo passat («Te’n sovenes de...»), lo present (l’analisi de la partida en cors) e l’avenir (la projeccion sus las partidas seguentas). E la ròda vira, vira coma una pauma ovala dins lo cèl abans de rebombar d’un biais imprevisible que serà sorsa de novèlas istòrias, interpretacions, reescrituras... a l’entorn d’una bona cantina.”
 
Aprèp una presentacion de l’occitan, lo jòc es estudiat jos maites angles: la partida; los jogaires; l’entraïnaire; la pauma corrís; la defensa: còps de pè; la fièra dels trucs; nhòcas; per un punt; lo public.
 
En paginas centralas, traparetz la carta d’Occitània de las esquipas d’Elèit 1 e 2 de XIII coma de Tòp 14 e Prò D2 dels XV.
 
Lo librilhon s’acaba sul tèxte de las cançons emblematicas occitanas.
 
Anem, per començar l’An Nòu, trapatz plan de favas ovalas coma de paumas de rugbi dins las còcas dels Reis!
 
 
Dins l’ostal d’en fàcia
 
Sul sit del Comitat Occitan Sens Frontièra traparetz lo clip del cant de sosten a l’AS Besièrs sus un tèxte del Joanda, interpretat per Joanda el meteis, Joan-Breç Viétri, Danís Labat, Patrici Alonzo, Floreal Vaquerin amb la participacion dels jogaires blau e roge: Aquí es Besièrs!
 
 
Ragantar
 
En Elèit 1, partida decisiva aqueste dimenge 4 de genièr a Limós entre los locals e los Dragonets. En jòc: la quatrena plaça dins la pola bèla per la segonda fasa en companhiá de Carcassona, Tolosa e Lesinhan.
 
 
Los oitens de Copa
 
Los oitens de finala de la Copa Lord Derby se jogaràn lo dissabte 17 e lo dimenge 18 de genièr. Una sola partida entre esquipas d’Elèit 1: Tolosa-Palau.
 
Las esquipas de Nacionala 1 jogaràn de dèrbis: Clairac contra Vilanuèva e Vilagalhenc-Argon reçauprà Lesinhan.
 
Las autras esquipas d’Elèit 1 rendràn vesita a de formacions d’Elèit 2: Carpentràs-Avinhon, Vilafranca-Dragonets, Realmont-Limós, Albi-Carcassona. Un afrontament entre formacions d’Elèit 2 completa lo tablèu: L’Escura d’Albigés reçauprà Sent Gaudenç.
 
 
 
 
Alan Roch



publicitat



Comentaris

30 de decembre 18.06h

Per designar lo XIII de legenda 1970-2015 Aude-Catalonha-nòrd :
http://www.sportchoc.tv/sport/article/xiii-elite-française/10709-elisez-le-treize-de-ces-45-dernières-années


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Espanha a perdut Catalonha definitivament

Lo 20 de setembre passat, Espanha perdèt definitivament Catalonha. Aquel jorn, la Gàrdia Civila espanhòla intrèt ièr de matin dins plusors sètis del govèrn ...
giny

Lo temps

Mapa
  • sol Agen 28 14
  • sol Aush 29 15
  • sol Bordèu 28 14
  • sol Briançon 18 4
  • sol Caors 28 13
  • sol Carcassona 26 13
  • sol Clarmont-Ferrand 24 11
  • sol Confolent 24 13
  • sol Gap 24 9
  • sol La Canau 28 14
  • nuvols La Gàrdia 21 12
  • sol La Torre de Pèlitz 23 12
  • sol Limòtges 24 13
  • sol Lo Borg Sant Dalmatz 24 13
  • sol Lo Puèi de Velai 21 9
  • nuvols Marselha 28 13
  • sol Montpelhièr 22 14
  • sol Naut Aran 24 9
  • sol Niça 15 6
  • sol Nimes 28 13
  • sol Pau 28 14
  • sol Peireguers 26 13
  • sol Rodés 26 11
  • sol Tolon 26 13
  • sol Tolosa 28 14
  • sol Valença 23 11

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Val d'Aran, cap de Gasconha

  • Pòrt de Niça: Li galeras

  • © Aure Séguier

    Carnaval Biarnés 2017

  • © Franc Bardòu

    Catalonha etèrna

  • Asuèlhs comengeses. © Franc Bardòu

    Asuèlhs Comengeses

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • © Franc Bardòu

    Coserans al còr

  • @ Lisa Gròs

    De ruscas

  • © Laurenç Revèst

    Nimes e preséncia d'occitan

  • © Laurenç Revèst

    Fòrt Maginòt de Sant Anhe

  • Valadas. © Xavi Gutiérrez Riu

    Valadas

  • Asuèlhs de Garnagués. © Franc Bardòu

    Asuèlhs de Garnagués

  • © Laurenç Revèst

    Menton, 'a vivaroalpenca maritima

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Castelar

  • © Franc Bardòu

    Tresaurs andorrans

  • Asuèlhs de Menerbés. © Franc Bardòu

    Asuèlhs de Menerbés

  • © Franc Bardòu

    Catalonha etèrna

  • © Celèsta Toion

    La plaja espaci de libertat? D'expression?

  • Pausa de la senhaletica en occitan a l'estadi de la Mediterranèa a Besièrs

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)