CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dimars, 23 d'abril

Actualitats

Dimars, 6 de genièr de 2015, 03h00 Societat

Es mòrt Ives Roqueta


Comentaris 20 comentaris    
Marrit Flac Bon Plan bon Fabulós (7 vòtes)
carregant En cargar


L’escrivan Ives Roqueta ven de nos quitar aqueste dimenge 4 de genièr, dins sos 78 ans, dins son domicili del Pont de Camarés (Santafrican).
 
Nascut a Seta en 1936, foguèt la figura màger demest los escrivans de la generacion de 1956. Mòrts Joan Bodon, Robèrt Lafont, Bernat Manciet, Max Roqueta, Leon Còrdas... Ives Roqueta èra lo darrièr dinosaure viu d’aquela “epòca contemporanèa (1919-1971)” que Lafont ne fasiá lo retrach dins Nouvelle histoire de la Litterature occitane, de 1973.
 
“La qualitat de son òbra es discutida”, çò ditz la Wikipèdia occitana en parlant de son òbra militanta e politica. Es vertat, Roqueta sabèt trobar de bons enemics dins las guèrras civilas que patiguèt l’Institut d’Estudis Occitans a la fin dels ans 1970 e al començament dels ans 1980. Per contra, la qualitat de son òbra literària es fòra de tota discussion. La messa pels pòrcs, per dire un títol de poesia, e Lo filh del Paire, per dire un títol de pròsa, son dos caps d’òbra de la literatura occitana. Son dos caps d’òbra de la literatura, per o dire mièlhs.
 
Darrièrament editava dins Letras d’òc, l’ostal d’edicion bailejat per Joan Eygun. Eygun definís Roqueta coma “poèta, mès que tot”.
 
Sèm pas degun per discutir lo critèri d’Eygun, mas a l’autor d’aquesta cronica li sembla qu’Ives Roqueta èra un d’aqueles pauques escrivans totals. Avètz legit Armistici [Armistiça] o las non-parelhas recèptas de las femnas d’Atenas [Atènas] per far tornar la patz? Qui d'autre nos auriá pogut porgir un Aristofanes autenticament contemporanèu, autenticament classic, autenticament modèrne, autenticament grèc e autenticament occitan? E avètz legit Los tres gendres del Paure Òme? Cossí faguèt per convéncer Jòrdi Blanc, de las edicions Vent Terral, qu’aquela “istòria de las pus polidas” èra pas tan crusèla, e que traumatizariás pas los dròlles?
 
Nos faguèt una òbra longa.
 
Cal legir Ives Roqueta. E puèi après, cal relegir Ives Roqueta. A cada còp qu’òm legís Ives Roqueta sa percepcion del concèpte literatura càmbia.
 
En tot saber  qu’aquestes jorns, aquestes seràn de vèrses sieus plan citats, i apondrem:
 

Nòstra mòrt l’avèm
talament luònhta en arrèr
i a talament de temps
que lo prèire de servici
dins un cementèri vièlh de la vila
escampèt sus nòstra caissa
la darrièra palada de tèrra
que la mòrt
pòt pas ren sus nosautres.
 
 
 
 
Manèl Zabala



publicitat



Comentaris

9 de genièr 14.01h

#19 Perqué escriuriás pas un article complet sus Ives Roqueta per 'Jornalet'?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

7 de genièr 23.11h

#17 Poèta, plan segur, e romancièr, naturalament o foguèt, l'Ives. E la causida del poèma titolat "L'escrivèire public" me sembla lo tèxte que resumís melhor tota son amira d'òme de letras en occitan. Mas en mai d'aquò, a mon umil punt de vista, demorarà lo melhor novelista occitan de tot lo sègle XX.

Es malaisit de ne parlar dins un comentari cortet d'article coma lo qu'a cortesament establit l'amic Manel Zabala, mas voldriái ajustar, pensant al nòstre Ives enenanat, l'evocacion... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

7 de genièr 22.40h

Cal plan veire e constatar que la soleta rason d'anar de Melkòr, que los mieus amics elfiques dison "Morgòth" es plan justament de dividir, opausar, polemicar e qu'aquí, justifica fòrt plan de sa reputacion desastrosa.…


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

7 de genièr 11.18h

D'unas polemicas, aici e ara, me semblan de mancar de decéncia... Coma o ditz Felip Martel, sèm mai d'un a aver aguts de desacòrds amb Ives Roqueta, desacòrds d'un temps passat.
Entretemps, sèm mai d'un qu'aviam retrobat lo contact amb el, e dempuèi bèl brieu.
E, de tot biais, totes, e mai al mitan de las polemicas, avèm totjorn aimat en el lo militant e lo poèta, sa votz fòrta, de còps provocanta, mas talament umana...
Los debats d'un còp èra apartenon a l'istòria e caldrà en... Legir mai


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

7 de genièr 06.25h

Sus nòstre blòg :
http://occitan-aude.over-blog.com/2015/01/adieus-adieux.html


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

6 de genièr 22.44h

#12 Me soi pas apiejat sus wikipèdia. Tornatz legir, se vos platz. Fasèm jornalisme aicí.


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

6 de genièr 22.06h

En mai de l’òme de letras, l'Ives Roqueta èra tanben un òme engatjat dins las batèstas d’idèas al dintre del movement politic e cultural occitan de la fin del sègle 20.

Emai aguèsse agut de responsabilitats dins lo mouvement Volèm Viure Al Pais a la fin de las annadas 1970, lo concept de Nacion Occitana li èra pas quicòm d’estrangièr.

Foguèt l’iniciator de la creacion a Besièrs del CIDO (Centre Internacional de Documentacion Occitana) que vendrà en 1998 lo CIRDOC (Cent... Legir mai


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

6 de genièr 21.30h

#12 Non, l'article s'apièja pas sus la pagina de Wikipèdia, ne parla a la lèsta e de biais nèutre coma o deu far un bon jornalista que presenta de faches; es evident que Manèl Zabala rend un bèl omenatge a l'òbra del paure Ives Roqueta. Patz a son arma e, un còp de mai, es ora de despassar los vièlhs conflictes per far país. Es lo melhor omenatge que poscam rendre a la memòria dels combatents de la lenga n&o... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

6 de genièr 19.21h

Èra un pauc domatge que l'article d'anóncia de la mòrt d'Ives s'apiejèsse sus las paginas polemicalhairas de Wikipedia.
Se tornatz prene la tièra dels candidats al CA de l'IEO en 80 a Orlhac, i traparetz gaire de noms d'assassins de la lenga nòstra.
Pro de prene l'anecdotic per l'essencial !
Ives s 'amerita plan melhor qu'un ramelet de paraulas estèrlas.


Valoriza aqueste comentari:   votar positiu 14   votar negatiu 4
Respondre comentari replica Comentari inadeqüat   Formulari d'abús de comentari

6 de genièr 17.58h

Ai rescontrat l'Ives quaranta ans en reire. Siam pas estats totjorn d'acordi sus las questions que tochavan a l'orientacion de l'occitanisme, e es un ome qu'avia son temperament. Mas a chasque col qu'avèm agut l'escasença d'eschambiar, o avèm fach dins l'atencion mutuala, e ne sèrvo un excelent sovenir. Per quant a l'AG d'Orlhac (en 80 ; 81 èra a Montauban), chal arrestar d'o redusir a un afrontament udipian entre Lafont e Roqueta. Co qu'aqui se juava èra un debat de fons sus la natura e ... Legir mai


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

“Òc pertot”, enfin la dignitat

Un recampament sus la Plaça Clemenceau de Pau marcava ièr dissabte lo començament de la campanha sonada “Òc pertot“ per l’oficializacion e la dignificacion ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

lateral 2 teveoc

Fotografias

  • País de Rasés. © Franc Bardòu

    País de Rasés

  • Estivada 2013. © Guillem Sevilla

    Estivada 2013

  • Niça vièlha en occitan niçard. © LR

    Niça vièlha en occitan niçard

  • Val de Toran. Pardia. © Xavi Gutiérrez Riu

    Val de Toran (Aran)

  • © Laurenç Revèst

    Cavairac, Vau Naja (Costièra de Nimes)

  • Tardor dins lo País de Saut lengadocian. © Terric Lausa

    Tardor dins lo País de Saut lengadocian

  • Pòrt de Niça: Li galeras

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • © Franc Bardòu

    Coserans al còr

  • Sant Joan de Toran. Carrèr. © Xavi Gutiérrez Riu

    Val de Toran (Aran)

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Franc Bardòu

    Tèrra albigesa

  • © Franc Bardòu

    Asuèlhs de Lauragués

  • © Catarin Seguran

    Las ribas del riu Tiniá d'estiu

  • © Laurenç Revèst

    Fòrt Maginòt de Sant Anhe

  • Gavotina marítima: trofèu d'August e vila vielha d'A Torbia

  • Inauguracion de la Sala Claudi Molinièr a Besièrs

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

giny

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)