Bandièra01 1180x150: Comuna de Tolosa

Actualitats

Candelèra

| Sergio Calleja

Har crespèras, cruspèths e pescajons. De que sorríder un chicòt…


Diluns 2 de heurèr, qu’es Candelèra. En principi, dens la tradicion crestiana, qu’alucan las candelas en memòria de la presentacion deu Jèsus —qui èra judiu— au Temple, 40 jorns après la soa neishença. Question d’impuretat de la mair segon la lei mosaïca... Normaument los fidèus celèbran lo hèit que “Jèsus es lutz”. Qu’es ua question de fe, hòrt personau, e de practica.
 
A l’òra d’ara, e i a vertadèirament pro de gents qui’s sovienen d’aquera latina Festa Candelarum qui a balhat lo mot Candelèra? Los panissèrs e pastissèrs se’n sovienen, eths. Que saben que, quan es question de’s hartar, lo monde responen “present!” Ne’s pèrden pas las aucas ni las aulhas e, en aqueras setmanas d’ivèrn, de Nadau au Dimars Gras (21/02), en passant per los Reis e aquera Candelèra, que marchan los ahars de la profession.
 
S’entenetz dens las campanhas (e dens las vilas) fregir los bons cruspèths, las bonhas saborosas, las gostosas crespèras o los pescajons coseranés sautant dens las padèras? A mensh d’estar sometut a un regim alimentari rigorós, qu’es un mejan de har enqüèra l’unitat nacionau.
 
 
 
 
Joan Jacme Fénié



De legir: De pescajons per la Candelièra




Barcelona TV - #aranésòc. Crespèths en classa d'aranés


Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

jp la rapieta
7.

#5
tasche de ne'n far dès de ser.

  • 1
  • 0
Matieu Castel Marselha
6.

A Marselha, son lei navetas que se manjan, pas de crespèu per candelosa !

http://fr.wikipedia.org/wiki/Navette_de_Marseille

  • 1
  • 0
antalya apraquital
5.

receta del pescajons :

200gr de farina
Tres iòus
un pesic de sal
un mieg litre de lach
Un briu d'aiga nafa

E bolega que bolegaras...
Damora pus qu'a fa saltar los pescajons dins la padena.

  • 4
  • 0
Minja-raïces integrista
4.

#2 Mercés!

Jo que soi talament integrista que ne hiqui pas sonque haria e aiga (e drin de sau totun)!

Mes qu'essajarèi la toa recèpta au ser!

E mercés a jornalet de'ns remandar las hèstas calendàrias : qu'aví desbrombat aquesta...

  • 3
  • 0
antalya apraquital
3.

#2 Fa una setmana qu'ai comandat una dotsena de pescajons ençò de jornalet.... onte son ??? me devian èsser estat liurats.....!

  • 2
  • 0

Escriu un comentari sus aqueste article