Actualitats
Las Sièis Nacions an començat
Galas e Anglatèrra joguèron la partida inaugurala ièr a Caerdydd. Irlanda se presenta coma la granda favorita. Los jogaires occitans compausan la majoritat de l’esquipa francesa
Comencèt ièr lo Torneg de las Sièis Nacions, una de las competicions de rugbi mai emblematicas que jògan quatre nacions (Anglatèrra, Irlanda, Galas e Escòcia) e dos estats (francés e italian). Irlanda, que ganhèt lo títol arunan, se presenta coma la favorita.
La primièra partida afrontèt ièr Galas e Anglatèrra (16-21) dins la capitala galesa, Caerdydd. Los galeses joguèron sens dos dels jogaires emblematics, Adam Jones e Shane Williams, que se son retirats, mentre qu’Anglatèrra joguèt sens lo miègcampista Owen Farrell, ferit fa gaire.
Uèi jogaràn Irlanda contra Itàlia a 15h30 e Escòcia contra França a 18h a París. Los jogaires occitans compausan la majoritat de l’esquipa francesa.
La Sièis Nacions nasquèron en 1882 amb las quatre seleccions nacionalas d’Anglatèrra, Escòcia, Irlanda e Galas. En 1910 s’i convidèt França, gràcias al vam qu’a lo rugbi en Occitània, e en 2000 s’i apondèt Itàlia.
La primièra partida afrontèt ièr Galas e Anglatèrra (16-21) dins la capitala galesa, Caerdydd. Los galeses joguèron sens dos dels jogaires emblematics, Adam Jones e Shane Williams, que se son retirats, mentre qu’Anglatèrra joguèt sens lo miègcampista Owen Farrell, ferit fa gaire.
Uèi jogaràn Irlanda contra Itàlia a 15h30 e Escòcia contra França a 18h a París. Los jogaires occitans compausan la majoritat de l’esquipa francesa.
La Sièis Nacions nasquèron en 1882 amb las quatre seleccions nacionalas d’Anglatèrra, Escòcia, Irlanda e Galas. En 1910 s’i convidèt França, gràcias al vam qu’a lo rugbi en Occitània, e en 2000 s’i apondèt Itàlia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quantes d'occitans dins l'equipa de França ?
Es malaisit de dire, que cal èsser d'acòrdi suls critèris.
Dels 34 jogaires retengut dins l'equipa, 11 naquèron en Occitània (Agen, Ièras, La Séina, Lemòtge, Lo Mont de Marsan (2), Oloron (2), Pàmias, Santa Fe, Tarbas).
23 vivon e jògan (cal puslèu dire « trabalhan » a l'ora del professionalisme) dins de còlas en Occitània : Baiona, Bègla, Castras (3), Clarmont (6), Montpelhièr, Tolon (5), Tolosa (6),
Dels 34 jogaires franceses, 25 son dins l'un o l'autre cas.
Quantes se dison occitans ? Quantes se sentisson occitans ? 100 % se devon sentir franceses (çò qu'empacha pas quicòm mai).
Question : Kernow / Cornoalha se poiriá pas considerar coma una nacion al sen de l'estat anglés ? I a benlèu de jogaires de Cornoalha que jògan per Anglatèrra ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari