Bandièra01 1180x150: País Invisible

Actualitats

crotz-tolosaCreated with Sketch.ProvençaProvençaPreaups de Dinha

Tragèdia aeriana dels Alps: la segonda boita negra confirma l’accion deliberada del copilòt

S’es pogut extraire las primièras informacions del contengut trobat dijòus

L’informacion extracha de la segonda boita negra de l’avion que s’escrachèt sul Pueg dels Tres Evescats a confirmat que la tragèdia foguèt provocada deliberadament, segon çò qu’an raportat de fonts de l’enquèsta. Una primièra lectura de las donadas que la boita negra conten indica que lo copilòt, Andreas Lubitz, empleguèt lo pilòt automatic per iniciar la descenduda e, puèi, faguèt aumentar la velocitat de la casuda de l’aparelh manualament per fin de l’escrachar contra la montanha.
 
Segon lo Burèu d’Enquèstas e Analisis (BEA) de França, Lubitz auriá emplegat lo pilòt automatic per pèrdre d’altitud fins als 100 pès (30,48 mètres) e auriá modificat la configuracion, en divèrsas escasenças, per aumentar la velocitat de l’avion tant que davalava. La primièra lectura d’aquela segonda boita, qu’enregistra los paramètres tecnics del vòl, es pas encara definitiva. De fach, los cercaires contunhan de trabalhar per esclarzir çò que se passèt abans que l’aeronau s’escrachèsse suls Alps de Provença.
 
Lo contengut de la segonda boita negra foguèt trobat dijòus, qualques oras après de n’aver trobat la carcassa. Conten los paramètres del vòl coma la posicion, la velocitat, l’altitud o la trajectòria e deu ajudar a esclarzir lo comportament de l’avion abans la tragèdia.
 
La primièra boita negra, amb l’enregistrament dels pilòts dins la gabina e amb las tors de contraròtle, foguèt localizada lo meteis jorn de la tragèdia e permetèt ja alavetz al procuraire de Marselha de conclure que foguèt lo copilòt que decidiguèt de far escrachar l’avion: un pauc abans, lo pilòt èra sortit de la gabina e alavetz lo copilòt aviá barrat la pòrta.
 
 
Lubitz aviá cercat sus Internet de manièras de se suicidar
 
Lubitz aviá cercat sus Internet de manièras de se suicidar, segon las conclusions del ministèri public alemand, qu’a recercat la tauleta que lo copilòt connectava a Internet.
 
La tragèdia se passèt lo 24 de març quand un Airbus A320 s’escrachèt sul Pueg dels Tres Evescats, entre los Prealps de Dinha e Ubaia, dins la nauta val de Blèuna. L’avion s’èra enaurat a Barcelona (Catalonha) a 10h25, anava a Düsseldorf (Alemanha) e, aperaquí a 11h, desapareguèt del radar. Las 150 personas qu’èran dins aquel avion i moriguèron.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc mallorca
1.

Cal posar lo Burel d'enquesta e analisis, dins la lista de manipuladors de l'opinion pública francesa e d'arreu, es veu que li han donat dinerets perque convencan als convençuts e paures d'esperit. Tots som Andreas car tots hem de trabalhar en una o altra feina, e havem dret de tenir un judici just, e pas contaminat per tota classa de medias al servici de las grans empresas multinacionals. Només deissen parlar a la gent que va en contra d'Andreas, que se's un suicida, e tota la manipulacion mediatica lo ha condemnat abans de fer-se lo judici. Tamben posar al diaris sensacionalistas Bild e Spiguel dins la lista de manipuladors informatics e tirar-los a la paperera.

  • 1
  • 0

Escriu un comentari sus aqueste article