Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Val d’Aran: eleccions municipaus e generaus

Dissabte que s’acabe eth relambi entà sollicitar eth vòte per corrèu en estrangèr. En estat espanhòu se pòt demanar enquiath 14 de mai

| Conselh Generau d'Aran



Eth 24 de mai que ven i aurà en Aran ua dobla eleccion. Ath delà des eleccions municipaus, que se debanaràn en tot er estat espanhòu, es aranesi qu’elegiràn tanben eth Conselh Generau, ei a díder, eth govèrn deth país que siguec restaurat en 1990 dempús de 156 ans d’inactivitat, e qu’enguan s’ei vist reforçat damb era naua Lei d’AranSegon çò que rapòrte era ACN, ei ja barrat eth recensament. Poderàn votar en Aran 6 967 persones, çò ei 291 persones mès qu’en 2011.
 
Es electors se distribuissen entre es siés terçons, que son era circonscripcion istorica deth país.

Vòte des electors que son temporauments en estrangèr
 
Peth dusau còp en eleccions ath Conselh Generau d’Aran, es electors que siguen temporauments en estrangèr poderàn votar per corrèu. Qu’ac auràn de demanar personalaments en burèu tà consultar a on se tròben. Entà poder votar mejançant aqueth procediment, que cau inscriuer-se en registre d’immatriculacion consular coma non-resident, çò que se pòt hèr en madeish moment de demanà’c. Eth relambi entà hèr era sollicitud comencèc eth madeish dia dera publicacion dera convocacion d’eleccions (31 de març) e s’acabarà dissabte.

 
FM/ACN






Terçon
Municipalitats
Pòbles
Electors
Conselhèrs generaus elegits
Quate Lòcs Bossòst, Les, Canejan e Bausen  
1594
3
Irissa Vilamòs, Arres e Es Bòrdes  
384
1
Marcatosa Vielha e Mijaran Vilac, Aubèrt, Betlan, Mont, Montcorbau, Arròs e Vila
521
1
Castièro Vielha e Mijaran Escunhau, Casarilh, Betren, Vielha, Gausac e Casau
3118
4
Arties e Garòs Naut Aran Arties e Garòs
488
2
Pujòlo Naut Aran Tredòs, Bagergue, Montgarri, Salardú, Unha e Gessa
862
2
 
 



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article