CAPÇALERA2: AMICS DE JORNALET

Jornalet, gaseta occitana d'informacions

Divendres, 24 de novembre

Actualitats

Dimars, 28 d'abril de 2015, 03h00 Espòrt

Carcassona-Tolosa en finala del Campionat


Comentaris 7 comentaris    
Marrit Flac Bon Plan bon Fabulós (6 vòtes)
carregant En cargar


Doas supèrbas mièjas finalas de campionat, lo reviscòl dels Dracs e un ensag d’antologia marquèron la dimenjada tretzista.


La passa magica de Kevin Naiqama
© NLR





Etiquetas
roch, rugbi, rugbi xiii, xiii

Carcassona a la perfeccion
 
Las tribunas dels Minims (Tolosa) van èsser deroïdas e tornadas bastir de nòu. Aquesta vesprada del 25 d’abril, s’enanèron sus la nòta positiva de doas supèrbas mièjas finalas del campionat.
 
La primièra, al còp de doas oras, metiá cap e cap los Canaris e los Dragonets. A Carcassona, es ora de la remesa en causa amb un investiment bèl afirmat dels jogaires e un foncionament novèl del grop d’entraïnaires. Los Dragonets, macats de la desfaita en finala de Copa, devián comptar amb lo despart de l’arrièr Miloudi (signatari a l’ASBH), la montada d’Springer, Pala e Garcia en esquipa primièra. Los catalans marcavan los primièrs sus un ensag long de son ala de Buche, transformat per Guasch. Aqueles sièis punts seràn los primièrs e darrièrs marcats pels Sang e Aur. Los Jaune e Negre prepausèron un jòc animat, amb una alternància requista de las cargas del paquet e de las iniciativas ofensivas dels tres quarts, amb un Gressèque en cap d’orquèstra: ensag de Sobeiràs sus ataca classica, Tyrone Pau va puntar entre los pals amb dos catalans sus l’esquina, un ten tu-ten ieu amb son alièr manda Guiraud a l’ensag, Canet al relèu de Sabri. A la pausa, Carcassona mena ja 22-6. Tre la represa, Robin arpateja e Tomàs Barrau punta un cinquen ensag pels audencs. Lo segond temps vendrà un camin de crotz (represa de la procession de la Sanch?) per la còla de Rosselhon, privada d’una palma monopolizada pels occitans. Barrau e Canet tornan marcar, Gressèque ensaca las transformacions amb la regularitat d’un metronòm (sièis sus sèt) e rajusta doas penalitats per faire bona mesura. Planchòt final: 44-6 al tèrme d’una partida ben capitada per un grop solidari que regalèt los sostens e tot lo public.
 
 
TO-CFL: Lo tombat fatal
 
Tota autra foguèt la segonda partida entre los campions actuals del Tolosa Olimpic e lo CFL, ont calguèt esperar las darrièras segondas per conéisser lo nom del segond finalista. Lo lesinhanés Quintillà marquèt lo primièr ensag, mas fa d’ans e d’ans que pòrta las colors tolzanas! Los Verd e Blanc prenián l’avantatge mercé a dos ensages signats Cooper (15a) e Tisseire (20a). Mas Tolosa passava davant en marcant dos ensages còp sus còp: un serpentejadís de Kheirallah (23a), puèi Boyer (25a). Kheirallah ajustava una penalitat (32a) a las transformacions e a la pausa los locals menavan 20-12. Dins lo segond temps, Lesinhan remontava son retard: penalitat de Cooper (55a), ensag de Michau (68a), mas i daissava son menaire de jòc Carrèra, nafrat. A la 77a minuta, Bozinac arrancava l’egalitat a 20-20 sus penalitat. Mas la darrièra cadena de tenguts menava lo dobertura Ford en posicion de tustar lo tombat qu’ensacava a doas segondas de la còrna: 21-20 pel TO. Regrèts per Lesinhan que torna mancar coma en 2013 dins las darrièras segondas la qualificacion. Los tolzans poiràn anar defendre lo bloquièr lo dissabte 9 de mai sus l’estadi de Colomièrs. La partida contra Carcassona s’anóncia bèla e indecisa.
 
 
Los Dracs borrolats e ganhaires
 
La vida dels Dracs es pas brica ongan un long riu quiet. La linha dels tres quarts a perdut Duport per la sason, Pomeroy èra indisponible e, dissbate de matin, Tonga anèt a l’espital amb una arcada subrecilhara conflada d’ont se tirèt... un tròç de dent. Oldfield demorava lo sol titular a son ala amb Cardace a son costat. L’autra ala èra compausada de Pala e de l’U19 Fouad Yaha. Davant, un Dragonet Springer èra cridat en renfòrç. Fàcia a Hull KR, Baitieri marcava lo primièr, mas la defensa catalana se mostrava ninòia e daissava Blair egalizar abans que Cokrayne balhèsse l’avantatge als angleses (26a). Mas Springer, just dintrat, estirava lo braç per puntar son primièr ensag en Superliga e Oldfield balhava l’avantatge als catalans en bonificant una combinason entre Bòsc e Whitehead. 16-12 pels Dracs a la pausa. A la represa, Pelissièr s’escapava al ras del tengut e marcava, Hull KR replicava, mas Ben Garcia e Eloi Whitehead metián los Dracs fòra portada dels angleses que clavavan la marca dins la darrièra minuta jos una pluèja que compliquèt la circulacion de la palma dins lo darrièr quart d’ora. Los catalans ganhan la partida: 32-24.
 
Los Tigres de Castleford, ont los Dracs anaràn jogar dimenge, an ganhat a Salford 22-20: aquò plaça los catalans en oitena posicion.
 
En cap de classament, es de notar la desfaita sus sa pelena del cap de fila Leeds, despassat pels Lops de Warrington: 29-10.
 
 
Un ensag extraterrèstre
 
En Austràlia, la jornada es marcada per l’ensag marcat pels Tigres: l’alièr Kevin Naiqama en extension remanda d’una passa òrba una palma qu’aviá passada la linha de balon mòrt, son arrièr recupèra e marca.
 
Los Broncos de Brisbane e los Dracs de St. George ocupan las doas primièras plaças del classament abans la tradicionala pausa internacionala amb lo rescontre Austràlia-Nòva Zelanda del 1r de mai a Brisbane (de seguir sus Be In Sport). Dissabte, dins l’estadi de la Còsta d’Aur, partida entre Papoasia e Fiji, qu’alinharàn l’èx-Drac Millard a la dobertura e l’èx-AEC Sadrau coma remplaçant.
 
 
Finala tarnesa en Elèit 2?
 
Aquesta fin de setmana, las doas mièjas finalas del campionat d’Elèit 2 se debanaràn a Sant Gaudenç: se poiràn seguir los rescontres Albi-Vilafranca de Roergue e L’Escura-Baó. Las doas esquipas de Tarn semblan las melhor armadas per disputar lo bloquièr d’aquel nivèl.
 
 
 
 
Alan Roch



publicitat



Comentaris

29 d'abril 13.19h

E coma felen d'un ancian sòci de l'ASC (ai encara sa carta de sòci dau consèu d'amenistrança de 1946), siáu evidentament d'a fons per elei !


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

29 d'abril 10.40h

Istòrias, règlas.. son de trapar sul site de la Federacion : http://ffr13.fr (bon, es en farncés, avèm aps agut lo temsp de ba revirar en occitan) e tanben sus Wikipedia.

En lenga nòstra,se pòt legir :
- 13 coma rugbí (IEO-Descobèrtas, paregut en 2000)
- L a partida clandestina/Le match clandestin, roman de Frederic Vouland (IEO-Vendémias, 2013)
cada libre : 13 € (franc de pòrt pels legeires del Jornalet)
De comandar a IEO-aude BP 105 11022-caracssona Cedex

Podètz seguir la final... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

28 d'abril 20.45h

#4 Efectivament es fòrça mai rapid. Balha un espectacle pro diferent.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

28 d'abril 18.16h

Marces Matieu par aquela precision. Qu'es verai qu'aquò-es un biau sport. N'i a soen d'articles dins Jornalet sobre aqueu biais de jogar le rubi e quò me baila l'enveja de gaitar de partidas. Sobretot qu'aquò me sombla mai rapid que le "quinze", non pas?


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

28 d'abril 17.31h

#2 La diférencia mai visibla es l'abséncia de mesclanha "organizada" dins lo 13. Fòrça bèl (e espectaclós) espòrt.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

28 d'abril 17.14h

Ieu, coneisse pas quò sport. N'i a de monde que pot me baila d'eisplications, par me dire rapidament las principalas diferenças d'embei queu-quí que se joga a quinze?


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

28 d'abril 13.31h

Ràdio-Lenga d'Òc-Narbona (95,5 ; www.lengadoc.eu) assegurarà la retransmission en dirècte (e en occitan, aquò va de se !) de la finala ASC-TO del dissabte 9 de mai.
Serai al micrò en companhia del Joan-Francés Albèrt.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

Pagar una multa per aver pas parlat francés

Un ciutadan còrs es estat punit amb una multa de 135 èuros per aver parlat en còrs als gendarmas durant un contraròtle, çò publicàvem aqueste dissabte passat. ...
giny

Lo temps

Mapa
  • sol Agen 16 7
  • sol Aush 16 8
  • pluja Bordèu 14 7
  • sol Briançon 8 1
  • sol Caors 14 6
  • nuvols Carcassona 16 6
  • sol Clarmont-Ferrand 14 4
  • pluja Confolent 11 5
  • sol Gap 8 1
  • pluja La Canau 14 7
  • nuvols_parcials La Gàrdia 14 7
  • sol La Torre de Pèlitz 16 6
  • pluja Limòtges 11 5
  • nuvols Lo Borg Sant Dalmatz 7 4
  • sol Lo Puèi de Velai 7 4
  • nuvols Marselha 18 12
  • nuvols Montpelhièr 16 12
  • nuvols Naut Aran 16 2
  • sol Niça 7 2
  • sol Nimes 17 12
  • nuvols Pau 17 7
  • nuvols Peireguers 12 6
  • sol Rodés 16 6
  • nuvols Tolon 14 9
  • sol Tolosa 16 9
  • sol Valença 11 7



giny

giny

Entrevista

“Qu’ei totun ua fiertat d’anar cantar en gascon e d’amuishar la nosta cultura tan luenh”

Baptiste Labenne que pòt deishar lo costum de vinhèr e passar lo de musicaire!

“Qu’ei totun ua fiertat d’anar cantar en gascon e d’amuishar la nosta cultura tan luenh”
publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • Revolums pegats a la branca dau desesper

    Meissonencas en Camarga pichòta

  • © Franc Bardòu

    Catalonha etèrna

  • © Laurenç Revèst

    Castelar

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • Era còlha dera ADÒC ath trabalh

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Goulamàs'K a Bordelha (Rebeiragués) lo 9 de julhet 2012

  • © Laurenç Revèst

    Fòrt Maginòt de Sant Anhe

  • © Aure Séguier

    Carnaval Biarnés 2017

  • Per quala dança eterna se son calhadas lei rondas menudas?

    Meissonencas en Camarga pichòta

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • © Franc Bardòu

    País Bordalés

  • Beneset Thauvin

    Concors de preseps, betlèms o grépias

  • © Laurenç Revèst

    Menton, 'a vivaroalpenca maritima

  • © Franc Bardòu

    Catalonha etèrna

  • Gavotina maritima - Pelha. © Laurenç Revest

    Gavotina Maritima: Pelha (Comtat de Niça) © Laurenç Revèst

  • Lo grand passacarrièra de Rodés. Occitan Pride 2013

giny

Vidèos

Las mai...

publicitat


giny

Sondatge

Parlaràs en occitan als gendarmas quand te pausaràn de questions?


23%



11%



47%



19%




Vots 103 vòtes

comentaris 4

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)