Bandièra01 1180x150: Comuna de Tolosa

Actualitats

Twitter permet de far d’etiquetas amb los caractèrs gascons s·h o n·h

Es gràcias a la lucha dels internautas catalans, que revendicavan l’emplec de l·l

| Garrett Heath
Los usatgièrs gascons de Twitter auràn benlèu remarcat que, dempuèi diluns passat, se pòt publicar d’etiquetas coma #in·hèrn o #des·har. Fins ara, quand se publicava d’etiquetas amb aquel ponch interior (·) caracteristic del gascon, lo mot se partissiá per aquel signe, en dos mots, e l’etiqueta perdiá sa valor e sa foncionalitat.
 
Mas desenant, l’intregracion del ponch interior es possibla gràcias a una campanha qu’an fach en Catalonha. Los catalans an revendicat longtemps l’acceptacion d’aquel simbòl, emplegat dins la nòstra lenga sòrre per lo grop de caractèrs l·l (aquel grop catalan s’apèla l’èla geminada). Sus aquò an luchat dempuèi longtemps la plataforma “l·l.cat” e Softcatalà.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lílian Chovèl Clarmont / Le Crest / Auvèrnha-bassa
2.

Crese que i a de monde que sabon pas de ce qu'aquò-ei la geminada dau L... E quò èra mon cas...
Z-ei un caractèr qu'utilizan tanben los catalans par escriure, par eissemple, le mot il·legal que senon siriá legit [iyegal], i a tanben de mots coma cal·ligrafia, cancel·lar o mil·lenari que l'utilizan. E se volètz ne'n saber mai sobre aquó, veiquí los liams de la wikipèdia francesa e catalana:
http://fr.wikipedia.org/wiki/L%C2%B7L
http://ca.wikipedia.org/wiki/L%C2%B7L

  • 0
  • 0
Lílian Chovèl Clarmont / Le Crest / Auvèrnha-bassa
1.

Qu'ei torjorn los catalans que fan bolegar las chausas... Son ben valhents los nòstres fraires e crese que podem en "prene de la grana"... ;-)

  • 1
  • 0

Escriu un comentari sus aqueste article