Actualitats
La polícia basca a trencat la paret umana e a arrestat los tres joves de Segi
Las cargas policièras an pas encara escampilhat los manifestants
La policía basca, nomenada Ertzaintza, deslotgèt ièr, un a cha un, los integrants de la dicha “paret populara” qu’èra dempuèi dimenge sus la Plaça de la Verge Blanca de Vitòria. Los manifestants ensajavan d’empedir l’arrestacion de tres joves de Segi, condemnats a sièis ans de preson per “integracion en banda armada”. Fin finala, après emplegar la fòrça e la violéncia pendent mai de tres oras, los agents de l’Ertzaintza arribèron d’arrestar los tres activistas: Aiala Zaldibar, Igarki Robles e Ibon Esteban. Lo bilanç d’aquela arrestacion es de 20 detenguts per resisténcia a l’autoritat e de mai de 70 ferits.
Lo deslotjament comencèt a 8h45 quand 18 forgonetas de l’Ertzaintza entornegèron los 150 joves qu’avián passat la nuèch sus la plaça. Aquela “paret populara” se formèt ièr en finalizar la “marcha irange” qu’aviá percorregut las carrièras de la vila basca per sosténer los sèt joves condemnats a sièis ans de preson per la justícia espanhòla. La justícia los acusa d’aperténer a l’organizacion juvenila Segi, declarada illegala.
Es la quatrena “paret populara” organizada al Bascoat après las ja organizadas anteriorament a Ondarroa, Sant Sebastian e Gernika.
Lo vidèo que seguís mòstra la violéncia qu’a emplegat la polícia basca per deslotjar los manifestants que formavan la “paret populara”.
Lo deslotjament comencèt a 8h45 quand 18 forgonetas de l’Ertzaintza entornegèron los 150 joves qu’avián passat la nuèch sus la plaça. Aquela “paret populara” se formèt ièr en finalizar la “marcha irange” qu’aviá percorregut las carrièras de la vila basca per sosténer los sèt joves condemnats a sièis ans de preson per la justícia espanhòla. La justícia los acusa d’aperténer a l’organizacion juvenila Segi, declarada illegala.
Es la quatrena “paret populara” organizada al Bascoat après las ja organizadas anteriorament a Ondarroa, Sant Sebastian e Gernika.
Lo vidèo que seguís mòstra la violéncia qu’a emplegat la polícia basca per deslotjar los manifestants que formavan la “paret populara”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Com sempre n'hi ha que pensen a l'inrevés, i si l'ertzaintza, s'hi hagués negat, potser hagués començat una revolució, que potser seria millor que tal com estem ara.
Que maco seria pensar una mica!
"Tàrrega".
Una polícia basca serviriá la securitat e la defensa del pòble basca. Aquò una polícia cripto-franquista espanhòla, e pas res mai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari