Actualitats
“Mon motor, aquò es l’Autre”
Convèrsa amb la naturopata Laura Chastan
La lenga occitana la podèm encontrar dins los endreches mens esperats. Tanben dins l’apròchi natural de la santat. Dins una entretenença amb Dòna Laura Chastan avèm l’escasença de descobrir una disciplina pauc coneguda.
Dòna Laura Chastan, en mai d’èsser naturopata, interven dins l’associacion l’Equilibri Natural que d’un biais convivial prepausa de talhièrs de transmission d’experiéncia, d’interrogacion sus los tèmas prigonds de la naturopatia (alimentacion, alternativas naturalas divèrsas). Los talhièrs an luòc a Scrupule, librariá-bibliotèca associativa, luòc alternatiu e de resisténcia sociala, dobèrt en particular a las culturas minoritàrias, que se tròba dins un barri popular de Montpelhièr, lo Barri de Figairòlas.
Scrupule existís dempuèi 19 ans e sos tèmas preferits son l’educacion, l’ecologia (teorica e practica), l’embarrament (preson, asil), las tematicas amb un agach global e critic en ligam amb los pichòts editors, de nombrosas revistas especializadas, de magazines e jornals d’informacion alternativa.
Occitània e la lenga occitana son plan representadas sus las laissas de la librariá-bibliotèca amb de libres e d’autres documents (de presents e mai son benvenguts per satisfar la demanda).
E dempuèi un quinzenat d’annadas, cada darrièr divendres del mes a 20 oras, l’associacion "La Licorne Mirgalhada" convida las lengadocianas e los lengadocians a una polida serada contada parcialament en òc e en d’autras lengas.
Qu’es aquò la naturopatia e cossí es ligada amb la frasa que m’avètz dicha un còp per vos caracterizar e qu’ai causida coma títol d’aqueste article?
Alara, d’un biais general podèm dire qu’es una tecnica anciana de curar en considerar l’individú en son entièr. Ipocrates èra lo primièr naturopata, i a 2 500 ans, que diguèt que la tieuna alimentacion cal que siá la tieuna potinga. A l’ora d’ara Jean Seignalet, mètge e biologista, a fargat una teoria sus la responsabilitat de l’alimentacion dins las malautiás de degenerescéncia (Parkinson, malautiás d’encrassatge) e de la possibilitat de las curar a travèrs de la modificacion de l’ecologia dels intestins. Lo naturopata amb son apròchi olistic va encara mai luènh en cercar l’equilibri total de la persona. Es a dire, lo naturopata pren pas solament en carga lo simptòma (per exemple lo mal de ventre) mas va quèrre subretot l’origina (coma per exemple l’estransi, las emocions, lo biais de manjar, tot aquò pòt aver d’influéncia sus aquel mal).
La naturopatia se basa donc sus l’olisme, lo causalisme e lo vitalisme, amb l’ajuda dels bilances que son d’aisinas non solament per comprene mas tanben per revelar aspèctes mòrfopsicologics, l’iridologia (l’estudi de l’iris de l’uèlh), l’alimentacion. E mai metèm en relacion la part innada e aquerida d’un estat. Òm depend dels ascendents, de lor eiretatge morbid, mas çò que mai impòrta es una correlacion entre l’innat e lo nòstre biais de gerir aquel eiretatge.
Aquel apròchi permetrà l’utilizacion de las tecnicas naturalas per manténer la vitalitat qu’es pròpria a tot individú. Las tecnicas naturalas son: l’aire, l’aiga, lo solelh, totas las tecnicas manualas (tot çò que concernís lo tocar), l’alimentacion, tot çò qu’es lo nòstre ligam a la natura.
Cossí lo naturopata se petaça, cossí se debana una consultacion amb el?
Ja cal prene lo temps! Lo temps es important, subretot lo primièr còp. Cal preveire una ora e mièja, doas oras, per plan pausar los encastres e comprene las problematicas. Pausar l’encastre a una persona vòl dire la metre en fisança, explicar que çò que se ditz aquí sortís pas d’aquí, sèm dins una relacion professionala. Èsser dins un estat d’esperit vòl dire èsser dins l’estat de dobertura cap a las personas, de non-jutjament, d’empatia, d’escota activa.
E donc aquel temps es per anar justament a las causas a l’origina dels problèmas, de la debuta de la vida. Podèm demandar a la persona, totjorn amb lo respècte d’ela, cossí se debanèt sa naissença, tota la gestacion, lo mòde de viure, lo rapòrt amb la profession, las relacions dins la familha, son biais de manjar, son rapòrt amb los estransis, es donc per aquò que parlam del rapòrt individualizat.
Lo debanament del rescontre es totjorn lo meteis. Mas los conselhs son pas jamai los meteisses, son ajustats al moment e a las demandas.
Al prepaus de las tecnicas, a títol d’exemple, lo solelh. Podèm aconselhar a una persona cansada de se solelhar de matin per se vitalizar, per ne prene l’energia. Al contrari, una persona nerviosa aurà la melhora utilizacion del solelh a la fin de la jornada, a solelh colc. Per l’aire, i a l’importància per l’organisme entièr d’una bona respiracion, donc saupre plan respirar e tanben sortir d’un biais regular de la pollucion, del bocal de la vila. L’aiga es per beure o per l’idroterapia, per levar las toxinas, la vapor seca o umida (segon las problematicas). Lo terren influís al costat dels aqueriments, l’òme es coma una planta dins sa tèrra. Depend de la tèrra que l’aculhís mas tanben de la “grana” (amb sa memòria e son potencial). Lo naturopata es un acompanhaire, educator per una vida mai sana, mai equilibrada, mai plena, mai joiosa.
Alara, d’un biais general podèm dire qu’es una tecnica anciana de curar en considerar l’individú en son entièr. Ipocrates èra lo primièr naturopata, i a 2 500 ans, que diguèt que la tieuna alimentacion cal que siá la tieuna potinga. A l’ora d’ara Jean Seignalet, mètge e biologista, a fargat una teoria sus la responsabilitat de l’alimentacion dins las malautiás de degenerescéncia (Parkinson, malautiás d’encrassatge) e de la possibilitat de las curar a travèrs de la modificacion de l’ecologia dels intestins. Lo naturopata amb son apròchi olistic va encara mai luènh en cercar l’equilibri total de la persona. Es a dire, lo naturopata pren pas solament en carga lo simptòma (per exemple lo mal de ventre) mas va quèrre subretot l’origina (coma per exemple l’estransi, las emocions, lo biais de manjar, tot aquò pòt aver d’influéncia sus aquel mal).
La naturopatia se basa donc sus l’olisme, lo causalisme e lo vitalisme, amb l’ajuda dels bilances que son d’aisinas non solament per comprene mas tanben per revelar aspèctes mòrfopsicologics, l’iridologia (l’estudi de l’iris de l’uèlh), l’alimentacion. E mai metèm en relacion la part innada e aquerida d’un estat. Òm depend dels ascendents, de lor eiretatge morbid, mas çò que mai impòrta es una correlacion entre l’innat e lo nòstre biais de gerir aquel eiretatge.
Aquel apròchi permetrà l’utilizacion de las tecnicas naturalas per manténer la vitalitat qu’es pròpria a tot individú. Las tecnicas naturalas son: l’aire, l’aiga, lo solelh, totas las tecnicas manualas (tot çò que concernís lo tocar), l’alimentacion, tot çò qu’es lo nòstre ligam a la natura.
Cossí lo naturopata se petaça, cossí se debana una consultacion amb el?
Ja cal prene lo temps! Lo temps es important, subretot lo primièr còp. Cal preveire una ora e mièja, doas oras, per plan pausar los encastres e comprene las problematicas. Pausar l’encastre a una persona vòl dire la metre en fisança, explicar que çò que se ditz aquí sortís pas d’aquí, sèm dins una relacion professionala. Èsser dins un estat d’esperit vòl dire èsser dins l’estat de dobertura cap a las personas, de non-jutjament, d’empatia, d’escota activa.
E donc aquel temps es per anar justament a las causas a l’origina dels problèmas, de la debuta de la vida. Podèm demandar a la persona, totjorn amb lo respècte d’ela, cossí se debanèt sa naissença, tota la gestacion, lo mòde de viure, lo rapòrt amb la profession, las relacions dins la familha, son biais de manjar, son rapòrt amb los estransis, es donc per aquò que parlam del rapòrt individualizat.
Lo debanament del rescontre es totjorn lo meteis. Mas los conselhs son pas jamai los meteisses, son ajustats al moment e a las demandas.
Al prepaus de las tecnicas, a títol d’exemple, lo solelh. Podèm aconselhar a una persona cansada de se solelhar de matin per se vitalizar, per ne prene l’energia. Al contrari, una persona nerviosa aurà la melhora utilizacion del solelh a la fin de la jornada, a solelh colc. Per l’aire, i a l’importància per l’organisme entièr d’una bona respiracion, donc saupre plan respirar e tanben sortir d’un biais regular de la pollucion, del bocal de la vila. L’aiga es per beure o per l’idroterapia, per levar las toxinas, la vapor seca o umida (segon las problematicas). Lo terren influís al costat dels aqueriments, l’òme es coma una planta dins sa tèrra. Depend de la tèrra que l’aculhís mas tanben de la “grana” (amb sa memòria e son potencial). Lo naturopata es un acompanhaire, educator per una vida mai sana, mai equilibrada, mai plena, mai joiosa.
Jan Feistner
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a lo naturopate; i a lo medecin; doas disciplinas diferentas. Pertant coma las lengas, i a v-una d'obligatòrìa; l'autre de devalorisada, de reprimada. Belcòp de medecins naturopates se son far davalats per l'òrde dau medecin.
Perque auriam besonh de tant de medecins, de naturopates, de psicologues, d'omeopate d'iridologue, d'espirituaus e de tant d'autres terapeutes si la medecina sunhava. Si òm los suprimava quò feria baissar lo PIB de la França; l'òm ven ben aqui lo problem economic.
La naturopatia a belcòp evoluat. Passet de l'alimentacion a la reconeissença daus problems psicologicas e vai enguera evoluar. I auria un estat de malaudia e un estat de bona santat. Non, quò se pòd pas. La santat e la malaudia son una mesma causa. Avem una fòrça d'autoguerison, una fòrça d'autònomia que nos butir a pas tombar malaude. L'òm vos a fach creire que chau aver paur de las malaudias, que per garir avem besonh d'un specialiste mas lo còrps se repare d'ilh-mesme.
De qual drech, los medecins se crejan obligeats d'impausar la vacinacion obligatòria, es à dire d'introduire dins lo sanh, de las substanças que son pas estadas arrestadas per la bariera intestinala a un moment ente lo sistem iminutari de l'efant es pas enguera format?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari