CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimècres, 27 de mai de 2015, 16h30 Societat,Politica,Lenga

Dàvid Grosclaude en cauma de la fam

Lo conselhièr regional cèrca de desblocar una situacion creada per l’abséncia de responsa de part dels servicis de l’estat francés tocant l’Ofici Public de la Lenga Occitana


Comentaris 13 comentaris    
Marrit Flac Bon Plan bon Fabulós (21 vòtes)
carregant En cargar


Dàvid Grosclaude, conselhièr regional d’Aquitània delegat a las lengas regionalas, es en cauma de la fam dempuèi aqueste 27 de mai, a l’Ostal de Region a Bordèu.
 
“Los signes de mesprètz de part  de l’estat de cap a la lenga nosta que’s segueishen e que’s multiplican. Dab lo darrèr d’aqueths signes, lo pro qu’ei pro! Qu’èi decidit de miar ua accion e que demandi lo vòste sostien. Qu’ei ua accion en favor de la dignitat et de la legitimitat deu noste engatjament per la reconeishença de la lenga occitana”, çò ditz l’elegit occitanista dins son comunicat de premsa.
 
Grosclaude cèrca de desblocar una situacion creada per l’abséncia de responsa de part dels servicis de l’estat francés tocant l’Ofici Public de la Lenga Occitana (ÒPLO). Aquel projècte foguèt votat per las assembladas regionalas d’Aquitània e de Miègjorn-Pirenèus en junh de 2014, mas a l’ora d’ara se constata un “blocatge de l’estat centrau qu’ei permanent quan s’ageish de tractar las questions de las lengas ditas regionaus”, çò apond Grosclaude.
 
Per que l’ÒPLO veja lo jorn oficialament, solament fa mestièr la publicacion d’un decret al Jornal Oficial de l’estat francés. Aital l’ÒPLO se creariá jos la forma d’un Gropament d’Interès Public (GIP). Mas sembla que i a de reticéncias e de mesprètz cada còp qu’aquela question de las lengas es mesa en debat.
 
L’Ofici Public de la Lenga Occitana (ÒPLO) deu èsser un organisme public qu’aurà la tòca de definir una politica publica en favor de l’occitan. Aprovat en junh passat pels conselhs regionals d’Aquitània e de Miègjorn-Pirenèus, aquel esplech deuriá permetre de menar una vertadièra politica publica per l’occitan a l’escala de mai d’un territòri, amb la tòca de far trabalhar amassa de collectivitats e d’operators sul terrenh. D’organismes parièrs existisson al Bascoat e en Bretanha. 


Manifestacion a Carcassona

Divendres que ven, 29 de mai, lo Partit Occitan e lo movement ciutadan País Nòstre, an cridat manifestar a Carcassona en sosten a Dàvid Grosclaude. L'acamp se debanarà a 11h davant la prefectura.



publicitat
BANER1-2-3: DGPL DICTADES



Comentaris

29 de mai 22.57h

N’i a pro d’èsser mespresats!

La cauma de la fam es un acte pacific e coratjós, una responsa digna a las politicas injustas. Portam a nòstre compatriòta Dàvid Grosclaude tot nòstre sosten per la cauma de la fam que comencèt lo 27 de mai.

Conselhièr regional d’Aquitània, protèsta contra lo desdenh de l’estat francés tocant la creacion de l’Ofici Public de la Lenga Occitana (ÒPLO), pasmens amplament votada per doas assembladas regionalas d’Occitània, la de sa region aqu... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

28 de mai 19.26h

Car David Grosclaude

Lo Partit de la Nacion Occitana (P.N.O.) te pòrta tot lo seu sosten per aquesta accion coratjosa

Gèli Grande
Cò President del Partit de la Nacion Occitana


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

28 de mai 12.44h

Fa gaug de veire que l'occitanisme saup ancara se dreiçar per aver de coratge e de determinacion.

Ne'n cau mai de signes ansin per de dignitat e de valentiá, après lei maucapitadas -per l'abséncia de resultats e lei faussei promessas- dei 5 manif despuèi 2005 a 2012...

Pron de la politica dau poiriment, l'occitanisme espèra sovent passivament. Ara, David Grosclaude es un simbòle de mòstra dignitat.

Cau esperar que lei mèdias de França e dau monde parlaràn d'el, de l'occitan, eça... Legir mai


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

28 de mai 12.41h

Fasètz seguir dins los vòstres rasals / Information à diffuser au maximum

Dàvid Grosclaude, ancian president de l'Institut d'Estudis Occiatns e conselhièr regional de la Region Aquitània, a pres l'iniciativa de se metre en cauma de la fam al Conselh Regional d'Aquitània per protestar contra lo mesprètz de l'Estat rapòrt a la lenga occitana e, en particulièr , cap als vòtes de las Regions Aquitània e Miègjorn-Pirenèus per l'espelida d'un Ofici Public de la Lenga Occitana ont l'Est... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

28 de mai 11.48h

Aquí una iniciativa coratjosa. Se deurián orgnizar, coma a Carcassona, d'eveniments d'en pertot per far conéisser l'accion de David. E acorchir tant que se pòt sa cauma de la fam en aguent lèu lèu de resultat.


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

28 de mai 08.40h

Ardit, Dàvid !


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

28 de mai 05.04h

Tot mon sosten, mas calià pas s'atendre a res d'autre de la part de l'estat frances. "Promeças de françes, promeças que valam pas res !( n° 56) ".


Valoriza aqueste comentari:   votar positiu 8   votar negatiu 1
Respondre comentari replica Comentari inadeqüat   Formulari d'abús de comentari

28 de mai 01.12h

Acamp de sosten a la pòrta de la Prefectura d'Aude (Carcassona) aqueste divendres 29 de mai a 11 h del matin.


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

27 de mai 18.55h

Simplament, coratge!


Valoriza aqueste comentari:   votar positiu 19   votar negatiu 0
Respondre comentari replica Comentari inadeqüat   Formulari d'abús de comentari

27 de mai 18.51h

Mercés. Coratge. Tot mon sosten morau.


Valoriza aqueste comentari:   votar positiu 16   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 23
  • sol Aush 23
  • sol Bordèu 23
  • sol Briançon 25
  • sol Caors 24
  • sol Carcassona 26
  • sol Clarmont-Ferrand 22
  • sol Confolent 22
  • sol Gap 19
  • sol La Canau 23
  • sol La Gàrdia 27
  • sol Limòtges 24
  • sol Lo Borg Sant Dalmatz 24
  • sol Lo Puèi de Velai 21
  • sol Marselha 25
  • sol Montpelhièr 26
  • sol Naut Aran 21
  • sol Niça 24
  • sol Nimes 26
  • sol Pau 22
  • sol Peireguers 25
  • sol Rodés 23
  • sol Tolon 21
  • sol Tolosa 24
  • sol Valença 23

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Senhaletica bilenga: las charrièras de Vèina (País de Buech). © Laurenç Revèst

    Senhaletica bilenga de las charrièras de Vèina (País de Buech)

  • © Magalí Barceló

    Santa Gabèla: quatrena fèsta del fogal rural La Gabèla

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Las Cevènas, Barjac en Val de Cese

  • © Margaria Pepin

    Adobament dal Grand Prèmi de Mónegue de 2014

  • Val d'Aran, cap de Gasconha

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • © Laurenç Revèst

    Mónegue

  • © Franc Bardòu

    Coserans al còr

  • © Celèsta Toion

    La plaja espaci de libertat? D'expression?

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Mónegue

  • Espaci occitan a Draoníer (Val Maira). © Cristòu Daurore

    Espaci occitan a Draoníer (Val Maira)

  • © Xavi Gutiérrez Riu

    Tarba

  • Besièrs. © Melanie Laupies

    Besièrs

  • © Laurenç Revèst

    Mónegue

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Asuèlhs de Menerbés. © Franc Bardòu

    Asuèlhs de Menerbés

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)