Dijòus, los Dracs partiguèron cap a Hull per jogar contra los Robins (Rigals) d’Hull KR en quart de Cup. Esquipa encara modificada en rason de la nafradura al genolh de Tomàs Bòsc: lo mièg de dobertura serà absent doas mesadas e, un pauc coma l’Arlatenca, s’espèra lo retorn de Todd Carney! Doas decisions contràrias de l’arbitre, e los catalans manquèron l’entama de la partida: se trapèron atal menats 24-0. Inu marquèt, mas prenguèron una penalitat sus la còrna: 26-4. Los Dracs foguèron mai valents dins lo segond acte, signèron quatre ensages e n’encaissèron un de tròp. Atal, acabèron la partida a 26-32: adieu, lo sòmi d’una finala novèla a Wembley!
Divendres, Leeds ganhèt cò d’Hull FC 24-6. Dissabte, Leigh (la sola esquipa qu’èra pas de Superliga) opausèt una brava resisténcia a Warrington: 34-24.
Dimenge, St. Helens se ganhèt lo quatren quart 36-20 fàcia a Widnes. Las mièjas finalas de la debuta d’agost opausaràn sus terren nèutre Leeds e St. Helens d’un caire e dins lo segond rescontre Warrington e Hull KR.
Demòran encara quatre jornadas de la primièra fasa de jogar en Superliga e dimenge los Dracs anaràn desfisar los Diables Roges de Salford. Una victòria seriá la benvenguda!
Òsca a l’esquipa de França femenina
L’autra setmana, l’esquipa de França femenina joguèt contra las anglesas. Se perdèt lo primièr rescontre 24-4 a Tonens, capitèt l’egalitat dins la segonda partida jogada a Viganòs: 14-14. Es pas encara una victòria mas es lo primièr còp qu’aquesta confrontacion s’acaba pas amb una desfaita de las Blavas. Aquò mòstra las avançadas faitas per la practica femenina del XIII, un grop que va preparar la Copa del Mond de 2017.
Mudasons
La Federacion anóncia que desvelarà lo calendièr de l’Elèit 1 dins la quinzenada. A Carcassona, lo cambiament de direccion mena lo capitani Teddy Saddaoui e lo vicecapitani Jerèmias Guiraud a prene lo camin de Limós. A Lesinhan, se parla del retorn del Drac Damian Cardace.
Alan Roch
Divendres, Leeds ganhèt cò d’Hull FC 24-6. Dissabte, Leigh (la sola esquipa qu’èra pas de Superliga) opausèt una brava resisténcia a Warrington: 34-24.
Dimenge, St. Helens se ganhèt lo quatren quart 36-20 fàcia a Widnes. Las mièjas finalas de la debuta d’agost opausaràn sus terren nèutre Leeds e St. Helens d’un caire e dins lo segond rescontre Warrington e Hull KR.
Demòran encara quatre jornadas de la primièra fasa de jogar en Superliga e dimenge los Dracs anaràn desfisar los Diables Roges de Salford. Una victòria seriá la benvenguda!
Òsca a l’esquipa de França femenina
L’autra setmana, l’esquipa de França femenina joguèt contra las anglesas. Se perdèt lo primièr rescontre 24-4 a Tonens, capitèt l’egalitat dins la segonda partida jogada a Viganòs: 14-14. Es pas encara una victòria mas es lo primièr còp qu’aquesta confrontacion s’acaba pas amb una desfaita de las Blavas. Aquò mòstra las avançadas faitas per la practica femenina del XIII, un grop que va preparar la Copa del Mond de 2017.
Mudasons
La Federacion anóncia que desvelarà lo calendièr de l’Elèit 1 dins la quinzenada. A Carcassona, lo cambiament de direccion mena lo capitani Teddy Saddaoui e lo vicecapitani Jerèmias Guiraud a prene lo camin de Limós. A Lesinhan, se parla del retorn del Drac Damian Cardace.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari