Bandièra01 capçalera  1180x150: Novestivada

Actualitats

Rebaissament dels dreches lingüistics a las Illas Balearas

Lo parlament balear aprovèt dimècres la modificacion de la lei de la foncion publica, malgrat las protèstas de la carrièra

| Bel Zaballa

Lo Parlament de las Illas Balears aprovèt dimècres lo projècte de modificacion de la lei de la foncion publica. S’agís de modificar la lei de normalizacion lingüistica en tot suprimir lo drech de malhorquins, menorquins, eivissencs e formenterencs de s’adreiçar en catalan a l’administracion publica.


En un plen extraordinari, totes los deputats del Partit Popular votèron en favor d’aquela modificacion e totes los autres partits i votèron contra. Quitament Antoni Pastor, deputat non adscrich e cònsol de Manacor, que quitèt lo PP per èsser favorable a la lenga, votèt tanben contra. L’oposicion crei qu’aquela modificacion rebaissa la lenga catalana.
 
 
De protèstas a la pòrta del Parlament Balear
 
Mentre que se menava a tèrme lo debat, d’entitats, d’organizacions e de gents manifestèron en defòra del parlament per demandar que s’aprovèsse pas aquela modificacion.
 
Clamavan tanben per que s’arrèste los atacs contra lo catalan de part del govèrn del president balear, José Ramón Bauzá. Pendent la protèsta i aguèt de moments de tension amb la polícia.
 
Una de las entitats presentas a la protèsta èra l’Òbra Culturala Baleara (OCB), qu’aviá apelat totes a manifestar pendent l’intrada dels deputats dins lo parlament e a l’ora prevista de finalizacion de la votacion. L’OCB demandava a totes d’i anar amb de fiulets o qué que siá per menar de bruch e aital far evidenta la desconformitat amb aquela diminucion dels dreches lingüistics.
 
L’OCB aviá ja dich que “la lucha en favor de la lenga es pas acabada e que la lei anarà als tribunals de justícia”. En mai d’aquò, “l’aplicacion de la lei dependrà de l’accion dels ciutadans” que se decidiràn sus la continuitat de la politica contra lo catalan del PP.
De ser, se faguèt un autra concentracion per legir un manifèst e fiular un per un totes los deputats del Partit Popular.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francescon Màrcia Barcelona
1.

Catalonha estant l'ensemble dels territòris ont se parla catalan, e a la risca d'o tronar dire, òsca Catalonha liura !

  • 1
  • 2

Escriu un comentari sus aqueste article