CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimècres, 26 d'agost de 2015, 03h00 Lenga,Escòla,Cultura

Guiana > Agenés > Naut Agenés

L’Escòla Occitana d’Estiu acaba son edicion d’ongan amb un bilanç fòrça positiu

“I a mai de mond que l’an passat, doncas aquò nos encoratja, e tanben çò positiu es que i a un fum de mond novèls”, çò ditz a Jornalet Bernat Bergé


Comentaris 2 comentaris    
Marrit Flac Bon Plan bon Fabulós (9 vòtes)
carregant En cargar


Escòla Occitana d'Estiu





Àudios
Nòvas restacadas
Etiquetas
bergé, caòc, eoe, escòla occitana destiu

La dimenjada passada s’acabèt l’edicion d’ongan de l’Escòla Occitana d’Estiu (EOE) amb un bilanç fòrça positiu. “I a mai de mond que l’an passat, doncas aquò nos encoratja, e tanben çò positiu es que i a un fum de mond novèls”, çò disiá a Jornalet Bernat Bergé, director de l’EOE, que precisava que “la mitat son de novèls”, çò que per el “es la pròva que lo mond son interessats, aquò es vertadièrament l’avenidor de la lenga” (ne podètz escotar l’àudio çai jonch).
 
A aquela creissença d’escolans, cal apondre la diminucion dels catalans que cada an participan a l’EOE. E mai se pels catalans seriá pas una donada positiva, “per nosautres òc, per çò qu’aquò vòl dire que pel meteis nombre d’estagiaris, e quitament que n’i a mai, i a mens de catalans, doncas aquò vòl dire que i a mai d’occitans”, çò diguèt Bergé.
 
Ça que la, ongan l’eveniment es marcat per la mòrt de son fondador Marcèu Esquiu, e mai recentament del jove professor Felip Delpaire que nos daissèt dins un accident de montanha, una persona “joina e plena de promessas, e qu’èra capabla, qu’aviá de projèctes...”
 
 
L’Escòla Occitana d’Estiu
 
Se tracta d’una setmana de convivéncia dins una residéncia que fa d’escòla e de lotjament a l’encòp, a Vilanuèva d’Òlt (Naut Agenés). Tot se fa solament en occitan per çò que l’EOE es una bona escasença de far d’immersion lingüistica.
 
Çò de mai important de l’EOE son los corses de lenga occitana dins totes los nivèls e dialèctes. Al delà, lo programa compren un molon d’activitats: de talhièrs, de conferéncias, d’espectacles, de danças, de descobèrtas pel terraire e una librariá completa de libres en lenga nòstra.
 
Los participants son normalament d’occitans que venon de pertot dins lo país, seguits per un grop de catalans plan nombroses. Al delà, i a de mond de païses ben divèrses. Es de notar ongan la preséncia d’un participant polonés qu’aviá conegut l’occitan e l’EOE en legissent Jornalet.
 
A l’EOE i a de mond de totes los atges, çò que fa que los escambis entre dialèctes e generacions son passionants, mai que mai en tot beure un còp a la beguda, a la fin de la jornada, abans lo balèti o l’espectacle.
 
Pels mai pichons i a l’Escoleta amb d’activitats per enfants de 5 a 10 ans, e per lo jovent d’11 a 16 ans i a l’Escòla dels Adolescents (dicha “Escòl’Adòs”).
 
E mai se lo nombre de catalans a demenit, lo Comitat d’Afrairament Occitanocatalan (CAÒC) i es estat present en tot portar de participants. Lo CAÒC collabòra activament a l’organizacion de l’EOE en portant, e mai, de professors de catalan e un dels grops de musica que jògan a la fèsta occitanocatalana, a la Plaça La Faieta de Vilanuèva d’Òlt.
 
L’EOE a aculhit ongan la segonda assemblada de legeires de Jornalet.



publicitat
BANER1-2-3: DGPL DICTADES



Comentaris

27 d'agost 22.59h

Plan mercès a l'escola Occitana que l'i ai començat de parlar occitan coma la gent (per ieu en lemosin) per començar 5 minutas, mai qu'apres ai contunhat. Aquo m'a segur desblocat que per la seguda poguei parlar en anglès coma los estrangiers. Longamai (sei nascut en Provença ;) a l'Escola.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

26 d'agost 21.33h

Hi som anat a l'Escola Occitana d'Estiu de Vilanova fa aproximadanent vint ans, e estic molt content d'haver-hi estat,era la temps d'Enric Garriga president del Centre d'Afrairament occitano-català. Un catalan potser lo mai gran amic d'Occitània, moriguet e potser aquò sia la causa de que hi hagi hagut mens de catalans enguan. Mas segur que des de lo cel ha fait una escapadeta fins Vilanova per anar-hi una vegada mai.


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 25
  • sol Aush 26
  • sol Bordèu 25
  • sol Briançon 23
  • sol Caors 26
  • sol Carcassona 27
  • sol Clarmont-Ferrand 24
  • sol Confolent 24
  • sol Gap 21
  • sol La Canau 25
  • sol La Gàrdia 29
  • sol Limòtges 26
  • sol Lo Borg Sant Dalmatz 24
  • sol Lo Puèi de Velai 23
  • sol Marselha 26
  • sol Montpelhièr 28
  • sol Naut Aran 23
  • sol Niça 24
  • sol Nimes 28
  • sol Pau 24
  • sol Peireguers 27
  • sol Rodés 25
  • sol Tolon 24
  • sol Tolosa 26
  • sol Valença 25

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Menton, 'a vivaroalpenca maritima

  • País de Rasés. © Franc Bardòu

    País de Rasés

  • © Laurenç Revèst

    Auribeu de Sianha

  • Arrai de solei. © Xavi Gutiérrez Riu

    Ivèrn en Aran

  • Asuèlhs de Menerbés. © Franc Bardòu

    Asuèlhs de Menerbés

  • © AR

    Vila d'Usès e lo pont de Gardon

  • © CD

    Escòla Calandreta dau Mas. Drap (País Niçard)

  • © Laurenç Revèst

    Castelar

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Lenga occitana, istòria e gastronomia. © Laurenç Revèst

    Lenga occitana, istòria e gastronomia

  • © Laurenç Revèst

    Cau d'Alh (Comtat de Niça)

  • © Laurenç Revèst

    Castelar

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • Exposicion temporària sus Robèrt Lafont al CIRDOC (D.R.)

  • Conferéncia de Yan Lespoux sus las relacions occitanocatalanas en Malhòrca (11.05.2017)

  • © Laurenç Revèst

    Bessas (Bas Vivarés)

  • © Franc Bardòu

    Coserans al còr

  • © Magalí Barceló

    Santa Gabèla: quatrena fèsta del fogal rural La Gabèla

  • © Laurenç Revèst

    Menton, 'a vivaroalpenca maritima

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)