CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Actualitats

Diluns, 28 de setembre de 2015, 03h00 Politica,Internacional

Catalonha: majoritat absoluda per l’independéncia

En Aran, Amassa per l’Òc (Junts pel Sí) ganha l’eleccion mas la majoritat dels vòtes son pels partits espanholistas


Comentaris 15 comentaris    
Marrit Flac Bon Plan bon Fabulós (23 vòtes)
carregant En cargar


L’independéncia a ganhat dins las eleccions en Catalonha e Aran en un vòte fòrça especial, amb una participacion recòrd del 77,46% del recensament. L’eleccion al Parlament  autonòm es venguda un plebiscit sus l’independéncia del país. Es lo sol biais legal que s’es trobat per far lo referendum independentista que l’estat espanhòl permet pas.
 
An votat per l’independéncia lo 47,81% dels elegeires, del temps que lo 39,12% an votat per las formacions espanholistas. Los partits amb una posicion indefinida an obtengut lo 12,15% dels vòtes. Traduch en deputats, es una majoritat absoluda per la secession: 72 deputats independentistas, 52 unionistas e 11 indefinits.
 
Lo plebiscit en forma d’eleccions a obligat totes los partits de se definir sus la creacion d’un estat independent catalan. Lo blòc de l’“òc” es configurat per la coalicion nomenada “Amassa per l’Òc” qu’a ganhat clarament las elecions amb lo 39,60% dels vòtes e 62 deputats, e la la candidatura de la CUP-Crida Constituenta amb lo 8,21% dels vòtes e 10 deputats. Dins lo blòc del “non” i a las listas del PSC (amb lo 12,71% dels vòtes e 16 deputats), del PP (amb lo 8,50% de vòtes e 11 deputats) e de Ciutadans (amb lo 17,91% dels vòtes e 25 deputats). Ciutadans que ven la segonda fòrça del Parlament. Amb una posicion indefinida e amb d’elements dels dos blòcs, i a Union Democratica (amb lo 2,51% dels vòtes e pas cap de deputat) e la coalicion nomenada “Catalonha Si que se Pòt” (amb lo 8,91% dels vòtes e 11 deputats).
 
Après una campanha internacionalizada e caracterizada pel jòc brut, la reüssida de l’independentisme es clara. Amassa per l’Òc a ganhat las eleccions amb una larga majoritat. Ciutadans vendrà la segonda fòrça politica, seguida del PSC que se tendrà coma tresena fòrça.
 
Las doas fòrças independentistas an atench la majoritat absoluda clara. Amb aquel scenari lo Parlament de Catalonha e Aran deu començar de trabalhar per la proclamacion d’un nòu estat independent.
 
 
Majoritat espanholista en Aran
 
En Aran, la coalicion Amassa per l’Òc a ganhat amb gaireben lo 25% dels vòtes, seguida de Ciutadans amb gaireben lo 24%. Lo PSC a atench aperaquí lo 20%, lo PP mai del 12%, la CUP mai del 6%. Union Democratica e Catalonha Si que se Pòt an atench un pauc mai del 5%. En total lo vòte independentista a atench lo 31,05% dels vòtes del temps que lo vòte espanholista a atench lo 56,59%. Los partits indefinits an atench l’11,4%. I a lo 0,98% dels vòtes en blanc e lo 0,43% dels vòtes que son nuls. Javier Rivas de Ciutadans es lo sol deputat aranés qu’intrarà al Parlament de Catalonha, mas es segur que defendrà pas l’occitan. Mireia Boya de la CUP a pas capitat a intrar, e mai se la CUP a multiplicat per sièis son sosten en Aran.
 
 
E alavetz?
 
Ara, Amassa per l’Òc deurà avançar lo projècte de secession, previst dins son programa dins 18 de meses, en s’adaptant a la negociacion amb la CUP, que vòl la declaracion d’independéncia lèu-lèu. La CUP a la clau de la majoritat absoluda per ben capitar lo trencament amb Espanha e ensajarà de negociar sas politicas anticapitalistas.
 
Caldrà veire qual serà l’intervencion de las autoritats europèas dins los meses venents fàcia a l’intransigéncia de l’estat espanhòl, que davant aquel resultat electoral, emplegarà tota sa fòrça per empedir la secession.
 
 
L’independéncia sus Le Monde, Le Figaro e Libération 
 
La victòria dels parits independentistas en Catalonha a dobèrt las edicions numericas dels mèdias franceses Le MondeLe Figaro e Libération.



Resultats oficials en occitan

De legir.La Setmana: Catalonha : Majoritat absoluda per l'independentisme al Parlament




publicitat
BANER1-2-3: DGPL AN LAFONT



Comentaris

3 d'octòbre 10.29h

Ahaa! tremoleu l'independentisme ja és aquí, i la farem grossa.
"El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

29 de setembre 07.15h

#8
#9
Qu'es vertat, i aviái pas pensat... Avètz rason! ;-)


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

28 de setembre 19.17h

Desencusatz.

"que vòl la declaracion d’independéncia lèu-lèu."

E entenut ena ràdio auè que era CUP a dejà dit que non vòu era declaracion unilateral d'independencia immediata pr'amor que er òc a pas artenhut eth 50% des votes. Sai pas, era noticia explica ben que i a aut mes òc que non, e non se pot pas compdar tot Catalunya sí que es pot coma Non, mes semble que an dit açò.

Ara ço d'immediat qu'ei triar un president. Mas, eth quatau candidat per Barcelona, era eth candidat... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

28 de setembre 17.23h

#11 Perqué del catalan?


Valoriza aqueste comentari:   votar positiu 9   votar negatiu 2
Respondre comentari replica Comentari inadeqüat   Formulari d'abús de comentari

28 de setembre 15.34h

#7 Integracion e limitacion dels imigrants novèls per l'obligacion de la coneissençad de l'aranés o del catalan a minimà.


Valoriza aqueste comentari:   votar positiu 6   votar negatiu 3
Respondre comentari replica Comentari inadeqüat   Formulari d'abús de comentari

28 de setembre 14.12h

#9 Dins lo tractament fach per la premsa franco-francesa, es ben clar : leis independentistas an perdut leis eleccions.
Dins l'editoriau dau "Monde" dau jorn, se pòu legir :

"Prenons le président du gouvernement catalan, Artur Mas, au mot : il voulait faire des élections régionales de dimanche 27 septembre un référendum en faveur de l’indépendance. Il a joué, il a perdu. Avec 47,8 % des voix, les listes indépendantistes n’obtiennent pas la majorité absolue de oui, indispensable... Legir mai


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

28 de setembre 13.46h

#2
Lo Non clar sonque se trapa dins PP e de Ciutadans. Catalunya Sí Que Es Pot, PSC e quitament los 100.000 vòts perduts d'Unió Democràtica son pas totes del Non, en un referendum i auriá de votants d'aqueles partits que votarián Òc. Desbrembam tanpauc los 200.000 vòts de catalans que son a l'estrangièr e que se son trobats sens poder votar per escures empaches.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

28 de setembre 12.22h

#2 I a pas 53% pel non. Los votants d'Iniciativa-Verds, enfangats amd lo Podemos del rainal Iglesias, son pas totes contra l'independéncia.


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

28 de setembre 12.08h

#5 Qu'ei aisit de criticar los Aranés com s'èran, tots solets, a portar l'occitanisme ?
E nosautes en França on los partits occitanistas regionalistas, nacionalistas o separatistas que hèn lo 36 % de la votz ???
La realitat aranesa, com ac èi explicat un drin dens l'article deu Jornalet "Aran se diferéncie", qu'ei complèxe. La majoritat de poblacion de l'Aran de 2015 que vien de l'exterior e qu'ei castelhanoparlanta. La clau que seré de l'integracion d'aqueras populacions tà qui pren... Legir mai


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

28 de setembre 11.26h

aièr, anuech a TV3 en donant la paraula ai leaders dei partits,ciuitadans e lo PPC s'esprimavan en catelhan enterin que totei leis autres, PSC compres, en catalan e aqueleis eleccions ilustran lei teorias dau nacionalisme etnic de F. Fontan que situa la lenga au primier plan de l'ideologia e mostra l'inconsequéncia dau partit au poder, de Rayoy qu'encuei que proclama que lo manten per Espanha ei majoritar en votz ! auriá doncas ben pogut autorizar lo referendum que coma estat lo cas dins tot... Legir mai


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 19
  • sol Aush 21
  • sol Bordèu 20
  • sol Briançon 17
  • sol Caors 17
  • sol Carcassona 20
  • sol Clarmont-Ferrand 14
  • sol Confolent 13
  • sol Gap 15
  • sol La Canau 20
  • sol La Gàrdia 18
  • sol Limòtges 16
  • sol Lo Borg Sant Dalmatz 18
  • sol Lo Puèi de Velai 11
  • sol Marselha 18
  • sol Montpelhièr 21
  • sol Naut Aran 15
  • sol Niça 21
  • sol Nimes 21
  • sol Pau 19
  • sol Peireguers 17
  • sol Rodés 20
  • sol Tolon 18
  • sol Tolosa 21
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Aure Séguier

    Carnaval Biarnés 2017

  • Líusola (Comtat de Niça). © Laurenç Revèst

    Líusola (Comtat de Niça)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • La Korrika, la corsa per la lenga basca es arribada a Tolosa

  • © Franc Bardòu

    Asuèlhs de Lauragués

  • © Laurenç Revèst

    Medalhas sovenir

  • © Asalaís Moniguet

    Montpelhièr la lengadociana

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Cavairac (Costièra de Nimes)

  • Pòrt de Niça: Li galeras

  • Mentan

  • Estivada 2013. © Guillem Sevilla

    Estivada 2013

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • Avinhon. © Theò Bajon

    L'occitan per carrièras

  • Eth cap de Vaquèira damb era Maladeta ath hons.  © Xavi Gutiérrez Riu

    Val d'Aran

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © AR

    Vila d'Usès e lo pont de Gardon

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Aure Séguier

    Carnaval Biarnés 2017

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)