Bandièra01 1180x150: Comuna de Tolosa

Actualitats

L’avion rus que s’escrachèt en Sinai poiriá èsser estat abatut

La companhiá aeriana escarta oficialament una error mecanica e lo Cremlin parla d’un probable atemptat

L’accident d’un avion de la companhiá russa Metrojet en Sinai “foguèt a causa d’una accion exteriora”. Aquò es çò qu'a afirmat la societat aeriana après escartar una mancança mecanica o una error de pilotatge. L’Airbus anava de Sharm Ash Shaykh a Sant Petesborg amb 224 passatgièrs a bòrd, totes eles russes levat de tres ucraïneses. Totes son mòrts.
 
Dins un primièr moment i aguèt una confusa revendicacion de part d’un grop jihadista egipcian que foguèt escartada. La revendicacion parlava de l’implicacion de Russia dins lo conflicte de Siria contra l’Estat Islamic, en tot afirmar que l’avion èra estat abatut en represalha.
 
De fonts del Cremlin an parlat aqueste diluns de matin, per lo primièr còp, de l'ipotèsi d’un atemptat, en afirmant que totas las ipotèsis son dobèrtas. De son costat, lo govèrn egipcian afirma qu’a pas de pròvas que la revendicacion pòsca èsser autentica.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article