Bandièra01 1180x150: Comuna de Tolosa

Actualitats

Nicolas Sarkozy es mes en examen per “finançament illegal” de sa campanha presidenciala de 2012

L’an tanben plaçat jos l’estatut de testimòni assistit per “fals, escrocariá e abús de fisança” dins l’encastre de l’afar Bygmalion

L’èx-president de la Republica Francesa, Nicolas Sarkozy, es estat mes en examen aqueste dimars de ser per “finançament illegal” de sa campanha presidenciala de 2012, resultant d’un despassament del plafon dels comptes de campanha.
 
Entendut durant 12 oras, los jutges del pòl financièr del tribunal de granda instància de París tanplan an decidit de plaçar l’èx-president francés jos l’estatut de testimòni assistit per “fals, escrocariá e abús de fisança”. O an fach dins l’encastre de l’afar Bygmalion, un escandal que se nomena coma la societat que faguèt de facturas falsas d’aperaquí 18,5 milions d’èuros per que l’UMP, lo partit de Sarkozy, poguèsse justificar de despensas qu’en vertat correspondián a la campanha electorala.
 
Amb Sarkozy son ja 14 los individús meses en examen per aquel afar, dont los caps de Bygmalion, mas tanben divèrses caps de l’UMP coma l’èx-director general Eric Cesari e los dos responsables de la campanha, Guillaume Lambert e Jérôme Lavrilleux, qu’a reconegut sa participacion dins l’afar. 






Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Quinas dents de làmia, lo tipe!

  • 1
  • 0

Escriu un comentari sus aqueste article