CAPÇALERA2: FAI-TE SOCI

Jornalet, gaseta occitana d'informacions

Dimenge, 17 de febrièr

Actualitats

Dimars, 1 de març de 2016, 03h00 Espòrt

Rugbi de XIII: lo Dragon dobrís un uèlh


Comentaris Cap de comentari    
Marrit Flac Bon Plan bon Fabulós (1 vòte)
carregant En cargar


Amb lo mes de març qu’arriba, l’actualitat tretzista s’intensifica: represa del campionat australian, debuta del Tolosa Olimpic en League One, segonda fasa del campionat...


Pels U19 Catalans, lo dobertura Lucas Albèrt, felicitat per sos companhs, marquèt 21 punts: dos ensages, cinc transformacions, una penalitat e un tombat
© Dragons Catalans





Etiquetas
roch, rugbi, rugbi xiii, xiii

L’esvelh dels Dragonss
 
Los Dragons se devián faire perdonar la partida pietadosa perduda a domicili fa una quinzenada, 38-10 fàcia a Hull-FC. E aqueste dissabte recebiá lo campion 2015 de Super-Liga: Leeds. Se vegèt de jogaires mai motivats que fa una quinzenada, lo novèl vengut Willy Mason pesèt de tot son pes sul jòc e la palma circulèt d’un melhor biais pel plaser dels 8 000 espectators presents. Tre la quatrena minuta, lo segonda linha Dave Taylor marca e Richards transforma, mas Gigot pataqueja la recepcion d’una palma qu’un Rinoceròs transforma en ensag. Lo mesclanha Miller a la recepcion d’un recentratge de l’alièr Broughton torna balhar l’avantatge als sang e aur qu’encaissan una penalitat sus la còrna: 12-8 a la pausa.
 
Los catalans tornan amb de cambas de fuòc: Krisnan Inu trauca sus 40 mètres, doas grimaças e dos cambiaments de pè mai luènh, es darrièr la linha. Tony Gigot surgís a l’interior de sos avants e punta entre los pals: los catalans menan 24-8 e vendémian una ocasion supèrba de faire un trauc definitiu. Lo Rinoceròs reguitna e, sus doas relanças, marca per tornar a 24-20. En fòrça, Dave Taylor torna balhar un avantatge de dètz punts als Dragons. Jos una pluèja anglesa, Handley trauca la defensa catalana, Richards ajusta una penalitat e lo darrièr ensag de Watkins pòt pas manlevar la victòria als Catalans: 32-28. Lo campion se trapa darrièr amb tres desfaitas en tres partidas!
 
Tres esquipas an ganhat las 3 primièras partidas: Widnes se trapa cap de fila aprèp sa victòria a Huddersfield 36-18. L’acompanhan Warrington que bat Wakefield 34-16 e Wigan que se deu emplegar per batre Salfòrd: 20-16. Hull-FC se fa susprene per Castlefòrd 31-24 e Hull-KR pèrd fàcia a Sant-Helens: 31-22.
 
Dimenge, los Dragons seràn en Anglatèrra per afrontar los Gats-Fèrs de Wakefield. Se demòran sul vam de dissabte, poirián ganhar al defòra: çò que saupèron pas faire la sason passada.
 
Autra bona novèla pels Dragons: la victòria, en partida de dobertura, de sos U19 fàcia a Leeds per lor primièra partida oficiala dins lo campionat anglés: 37-30. De sotalinhar los 21 punts: dos ensages, cinc transformacions, una penalitat e un tombat del dobertura Lucas Albart.
 

Tolosa, salsa anglesa
 
De son costat, lo Tolosa Olimpic a fait coneissença amb las realitats del XIII anglés en anent ganhar en Copa d’Anglatèrra, en riba de mar d’Irlanda, cò dels nharruts Wath Broth Horners 32-14. Una bona mesa en camba abans la primièra partida de League One aqueste dissabte 5 de març a 3 e mièja del vèspre a Blanhac amb la recepcion dels Orses de Coventry.

 
Represa en Australia
 
Aquesta debuta de març vei la represa del campionat NRL en Australia amb la partida aqueste dijòus entre las Anguilas de Parramatta e los Cavals-Fòls de Brisbane. Se sap la dificultat granda dels campions de servar lor trofèu d’una annada a l’autra. Vaquí doncas l’escomesa pels Vaquièrs del Joanathan Thurston que recebràn las Làmias de Cronulla http://www.sharks.com.au dissabte. Vos rapelam que doas o tres partidas se pòdon seguir cada setmana sus BeInSport, coma las de Super-Liga.

 
Limós fa fecòs al Molin
 
Al país, èra la debuta de la segonda fasa del campionat. La pluèja empachèt lo debanament del rescontre Palau-Tolosa. En pola 2, Avinhon l’emportèt dissabte sus Albi: 36-22. Dins la pola bèla, al Molin, Lesinhan e Limós se liurèron una batèsta dedicada a l’ofensiva. Cada formacion aguèt son temps de dominacion, mas lo final virèt en favor dels vesitaires. Sus un ensag marcat dins las darrièras segondas, Murcià ajustèt la transformacion del recanton que manlèva lo punt del bonus defensiu a Lesinhan: 44-30.
Son al programa de la dimenjada venenta: lo revenge del quart de Copa AS Carcassona-Lesinhan (pola 1; dimenge a 4 oras del vèspre), Albi-Dragonets (pola 2; dissabte a 7 oras de la nuèit) e Vilanòva-Palau (pola 3; dimenge a 3 oras del vèspre).
 
 
 
 
Alan Roch



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

La manifestacion de Tolosa: una esperança per l’occitanisme

La darrièra agression que ven de la patir la lenga nòstra es fòrça grèva. Lo Ministèri de l’Educacion de París a mostrat una volontat evidenta de ...
giny

Lo temps

Mapa
  • sol Agen 17 4
  • sol Aush 17 3
  • sol Bordèu 18 5
  • sol Briançon 17 4
  • sol Caors 17 4
  • nuvols Carcassona 14 1
  • sol Clarmont-Ferrand 8 0
  • sol Confolent 15 4
  • sol Gap 17 4
  • sol La Canau 18 5
  • sol La Gàrdia 12 2
  • sol La Torre de Pèlitz 14 2
  • sol Limòtges 8 0
  • sol Lo Borg Sant Dalmatz 8 0
  • sol Lo Puèi de Velai 8 0
  • nuvols_parcials Marselha 15 2
  • nuvols Montpelhièr 14 8
  • sol Naut Aran 16 0
  • sol Niça 17 4
  • nuvols Nimes 16 5
  • sol Pau 16 0
  • sol Peireguers 16 5
  • sol Rodés 16 4
  • nuvols_parcials Tolon 13 0
  • sol Tolosa 17 5
  • sol Valença 9 1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

lateral 2 teveoc

Fotografias

  • © Aure Séguier

    Carnaval Biarnés 2017

  • Era còlha dera ADÒC ath trabalh

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • © Laurenç Revèst

    Menton, 'a vivaroalpenca maritima

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • Niça vièlha en occitan niçard. © LR

    Niça vièlha en occitan niçard

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Fanjau de Lauragués, anciana capitala del catarisme occitan d'abans Montsegur. © Franc Bardòu

    Concors d'estiu 2012: La fotografia de las vacanças

  • © Iñaki Delaurens

    Val d'Aran

  • © Laurenç Revèst

    Cavairac, Vau Naja (Costièra de Nimes)

  • © Aure Séguier

    Carnaval Biarnés 2017

  • L’envòl tauromachic

    Pantais (Poèmas de Lisa Gròs sus pinturas de Christine Nicolas)

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Valadas. © Xavi Gutiérrez Riu

    Valadas

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • © Conselh Generau d'Aran

    Lo Torn de França 2016 en Aran

  • Minecraft en version occitana

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la manifestacion de Tolosa a portat un vam nòu al combat occitanista?


57%



16%



11%



9%



7%




Vots 44 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)