Bandièra01 1180x150: Comuna de Tolosa

Actualitats

Debat sus la cooficialitat del còrs

200 especialistas analizèron las oficialitats del galèc e del catalan e concluguèron que l’oficialitat del còrs es imprescindibla

| Arnau Mayans / Nationalia
De politicians, d’ensenhaires e d’artistas participèron en Corsega a de jornadas sus l’oficialitat del còrs organizadas pel collectiu Parlemu corsu lo 5 de març passat, segon çò que rapòrta Nationalia.  Dins l’encastre d’un dels estats mai centralistas d’Euròpa, que s’entèsta a ratificar pas la Carta Europèa de las Lengas Regionalas o Minoritàrias, 200 personas analizèron las reüssidas  de las lengas pròprias als Païses Catalans e en Galícia, après lor oficialitat.
 
Cal remarcar las intervencions d’Alanu di Meglio, vicepresident de l'Universitat de Corsega, encargat de la lenga còrsa, e de Romain Colonna, autor del libre Cuufficialità: 50 argumenti in giru à a ricunniscenza di u corsu, que soslinhèron lo besonh imprescindible de declarar lo còrs lenga oficiala. Cal dire qu’aquela oficialitat foguèt ja aprovada en setembre de 2013 a l’assemblada de Corsega per majoritat mas que París la refusèt en argumentant qu’“es impossibla”. Dins l’estat francés solament l’Assemblada francesa de París a la capacitat legislativa.
 
La session finiguèt amb un intens debat de part del nombrós public assistent dins un eveniment plan raportat dins los mèdias de l’illa coma Corse Matin, Corse Via Stella o  la ràdio Alta Frequenza.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Quim Malgratenc
4.

'So Corsu ne so fieru'

  • 1
  • 0
"Tàrrega" Igualada (PP.CC.)
3.

No estan a Corçega? Doncs si és així, allí és parla el Corç, per tant si és la seva llengua, és normal que sigui oficial.
Perquè aquest reonament costa tant d'entendre?
"El Tàrrega".

  • 2
  • 0
Francesc Palma de Mallorca
2.

Lo fait de ser lenga oficiala, dona una potència impressionanta a la lenga e un impuls impensable abans de ser-ho. Se la lenga corsa foguesse oficiala alcançaria una normalitat que la liuraria de la mort e de son estermini per mans de los Manelets e Holandis.

  • 3
  • 0
Lilian Ch. Auvèrnhe
1.

Quò me fai levar los piaus d'ausir qu’aquela oficialitat foguèt desja aprovada per l'amassada còrsa en setembre de 2013... enquèra é totjorn París que nèga la democracia.
Mas la Corsiga ten un 'satut 'speciau ? A l'ora d'ara, quò siriá veraiment possible 'na cooficialitat dau còrs d'un biais constitucionau ?

  • 7
  • 0

Escriu un comentari sus aqueste article