Se, fin finala, las resultas de las mièjas finalas de Copa relèvan del previsible, per contra, las resultas que nos venon d’Anglatèrra e d’Austràlia nos mòstran qu’unas formacions vòlon capvirar las ierarquias establidas.
Envolada limosenca
Los espectators de l’estadi Domèc an pogut seguir una brava partida entre Limós e Lesinhan pel compte de las mièjas finalas de la Copa. Lo centre Guiraud dobrissiá la marca per Limós, mas Lesinhan replicava amb doas penalitats de Benausse. Cada esquipa marca un ensag. Lo mesclanha-menaire de jòc de Limós, Murcia, sortís nafrat. Cardace se paga un 100 mètres sus intercepcion per balhar l’avantage a Lesinhan a la pausa: 16-10.
Dins lo segond temps, la partida virarà a l’avantage dels Roge e Negre que passaràn quatre còps la linha en un quart d’ora: Amine Milodi (44, 60), Roch (50), Ivan (56). L’ensag de Mencarini serà una magra consolacion pels Molinièrs de Corbièras. Dins las 5 darrièras minutas, un ensag del jove Béteille e una darrièra penalitat ensacada per Milodi confirman la victòria limosenca. A Lesinhan, caldrà trapar la clau de l’armari per tornar lo trofèu!
A Tolosa, l’autra mièja finala vegèt los Dragonets impausar lor lei a Albi: 46-18. L’alièr catalan Ambèrt signèt 5 ensages.
Dragonets e Limós s’afrontaràn en finala lo dissabte 16 d’abril sus la pelena de Domèc (Carcassona) .
En dobertura, se jogarà la finala de la Copa Nitard dels juniors entre Lesinhan (largs venceires de Palau: 43-8) e Avinhon, qualificat al tèrme d’una partida bèla fàcia a Albi: 46-38.
Aquesta dimenjada, retorn al campionat amb los rescontres Lesinhan-Carcassona (pola 1), Avinhon-Dragonets (pola 2) e Palau-Vilanòva (pola 3).
Tròp pichons los Gigants!
En Superliga, la seisena jornada se dobriguèt dijòus amb una brava suspresa: la desfaita de Wigan (18-12) sus sa pelena fàcia als Vikings de Widnes. Warrington demòra la sola formacion sens desfaita en batent largament Castleford: 56-12. Leeds se torna faire la santat contra Saint Helens, 30-18, e Wakefield coneis tornarmai lo gost amar de la desfaita cò d’Hull FC: 22-4. Dimenge, Hull KR mestregèt los Diables de Salford: 44-30 http://www.rugby-league.com/superleague/match_report/12235 .
Dimenge, los Dracs catalans jogavan cò dels Gigants d’Hudddersfield. Los Sang e Aur dobrissián lèu fait la marca amb d’ensages de Loís Anderson e Glenn Stewart, 12-0, mas coneissián un passatge a voide jogant a 12 aprèp un carton jaune agantat per Inu. En dètz minutas, prenguèron tres ensages, mai un sus intercepcion just abans la còrna de la pausa. Huddersfield menava atal 20-12.
Mas, tre la represa, un ancian d’Huddersfield, l’alièr Jodie Broughton anava dos còps darrèr la linha e los Gigants jogarián la darrièra mièja ora a dotze en rason d’un carton roge per placatge dangierós del pilar Wardle. Broughton ajustava un tresen ensag per son compte, lo talonaire papó Paul Aiton marcava sa primièra aparicion jol malhòt catalan per un ensag de... talonaire e Bosquet marcava tanben. Los Dracs menavan 40-20 e un darrièr ensag del mesclanha Myler respondèt a una magrinèla replica dels locals. Coma Pat Richard ensaquèt 7 transformacions (sus 8), la marca finala foguèt de 46-26.
Divendres, los Dracs jogaràn a Salford e, pel diluns de Pascas, recebràn Castleford: d’escasenças de sasir per avançar encara al classament ont, per ara, puntan a la 7a plaça http://www.rugby-league.com/superleague/tables .
Coma los viatges forman la joinesa, los U19 catalans anèron dissabte ganhar contra Cúmbria, dins l’extrèm nòrd d’Anglatèrra, aprèp doas oras d’avion e tres oras d’autocar. Marca que se passa de comentari: 78-0.
E per marcar los 10 ans en Superliga, los Dracs anóncian un concèrt excepcional de Kenji Girac lo divendres 5 d’agost a Canet de Rosselló.
Dissabte, Tolosa Olimpic recebiá Gloucester a Blanhac pel compte dels 1/32ns de la Cup. Se qualifiquèt aisidament pel torn seguent: 62-28.
Paure Henderson
Per la tresena jornada d’NRL, l’ancian talonaire dels Dracs Ian Henderson èra sus la pelena amb los Polets de Sydney pel primièr còp. Mas, cap a la fin de la partida, se copèt la camba e sa sason es ja plan compromesa. Son esquipa encaissèt un terrible 40-0 cò dels Vaquièrs.
Las Anguilas arrèstan 20-6 la tièra de victòrias dels Dògols de Canterbury: Brisbane pèrd d’un punt 23-22 cò de las Pantèras de Penrith e una marca ultramagrinèla (per un còp e amb cap de punts marcats dins lo segond temps!), 8-6, permet als Dragons de Sant Jòrdi de batre los Lapinons.
Alan Roch
Envolada limosenca
Los espectators de l’estadi Domèc an pogut seguir una brava partida entre Limós e Lesinhan pel compte de las mièjas finalas de la Copa. Lo centre Guiraud dobrissiá la marca per Limós, mas Lesinhan replicava amb doas penalitats de Benausse. Cada esquipa marca un ensag. Lo mesclanha-menaire de jòc de Limós, Murcia, sortís nafrat. Cardace se paga un 100 mètres sus intercepcion per balhar l’avantage a Lesinhan a la pausa: 16-10.
Dins lo segond temps, la partida virarà a l’avantage dels Roge e Negre que passaràn quatre còps la linha en un quart d’ora: Amine Milodi (44, 60), Roch (50), Ivan (56). L’ensag de Mencarini serà una magra consolacion pels Molinièrs de Corbièras. Dins las 5 darrièras minutas, un ensag del jove Béteille e una darrièra penalitat ensacada per Milodi confirman la victòria limosenca. A Lesinhan, caldrà trapar la clau de l’armari per tornar lo trofèu!
A Tolosa, l’autra mièja finala vegèt los Dragonets impausar lor lei a Albi: 46-18. L’alièr catalan Ambèrt signèt 5 ensages.
Dragonets e Limós s’afrontaràn en finala lo dissabte 16 d’abril sus la pelena de Domèc (Carcassona) .
En dobertura, se jogarà la finala de la Copa Nitard dels juniors entre Lesinhan (largs venceires de Palau: 43-8) e Avinhon, qualificat al tèrme d’una partida bèla fàcia a Albi: 46-38.
Aquesta dimenjada, retorn al campionat amb los rescontres Lesinhan-Carcassona (pola 1), Avinhon-Dragonets (pola 2) e Palau-Vilanòva (pola 3).
Tròp pichons los Gigants!
En Superliga, la seisena jornada se dobriguèt dijòus amb una brava suspresa: la desfaita de Wigan (18-12) sus sa pelena fàcia als Vikings de Widnes. Warrington demòra la sola formacion sens desfaita en batent largament Castleford: 56-12. Leeds se torna faire la santat contra Saint Helens, 30-18, e Wakefield coneis tornarmai lo gost amar de la desfaita cò d’Hull FC: 22-4. Dimenge, Hull KR mestregèt los Diables de Salford: 44-30 http://www.rugby-league.com/superleague/match_report/12235 .
Dimenge, los Dracs catalans jogavan cò dels Gigants d’Hudddersfield. Los Sang e Aur dobrissián lèu fait la marca amb d’ensages de Loís Anderson e Glenn Stewart, 12-0, mas coneissián un passatge a voide jogant a 12 aprèp un carton jaune agantat per Inu. En dètz minutas, prenguèron tres ensages, mai un sus intercepcion just abans la còrna de la pausa. Huddersfield menava atal 20-12.
Mas, tre la represa, un ancian d’Huddersfield, l’alièr Jodie Broughton anava dos còps darrèr la linha e los Gigants jogarián la darrièra mièja ora a dotze en rason d’un carton roge per placatge dangierós del pilar Wardle. Broughton ajustava un tresen ensag per son compte, lo talonaire papó Paul Aiton marcava sa primièra aparicion jol malhòt catalan per un ensag de... talonaire e Bosquet marcava tanben. Los Dracs menavan 40-20 e un darrièr ensag del mesclanha Myler respondèt a una magrinèla replica dels locals. Coma Pat Richard ensaquèt 7 transformacions (sus 8), la marca finala foguèt de 46-26.
Divendres, los Dracs jogaràn a Salford e, pel diluns de Pascas, recebràn Castleford: d’escasenças de sasir per avançar encara al classament ont, per ara, puntan a la 7a plaça http://www.rugby-league.com/superleague/tables .
Coma los viatges forman la joinesa, los U19 catalans anèron dissabte ganhar contra Cúmbria, dins l’extrèm nòrd d’Anglatèrra, aprèp doas oras d’avion e tres oras d’autocar. Marca que se passa de comentari: 78-0.
E per marcar los 10 ans en Superliga, los Dracs anóncian un concèrt excepcional de Kenji Girac lo divendres 5 d’agost a Canet de Rosselló.
Dissabte, Tolosa Olimpic recebiá Gloucester a Blanhac pel compte dels 1/32ns de la Cup. Se qualifiquèt aisidament pel torn seguent: 62-28.
Paure Henderson
Per la tresena jornada d’NRL, l’ancian talonaire dels Dracs Ian Henderson èra sus la pelena amb los Polets de Sydney pel primièr còp. Mas, cap a la fin de la partida, se copèt la camba e sa sason es ja plan compromesa. Son esquipa encaissèt un terrible 40-0 cò dels Vaquièrs.
Las Anguilas arrèstan 20-6 la tièra de victòrias dels Dògols de Canterbury: Brisbane pèrd d’un punt 23-22 cò de las Pantèras de Penrith e una marca ultramagrinèla (per un còp e amb cap de punts marcats dins lo segond temps!), 8-6, permet als Dragons de Sant Jòrdi de batre los Lapinons.
Alan Roch
| fffff | fffff | |
| Cronica occitana de XIII-Mag (numèro de març) DE L’IMPORTÀNCIA DE LAS LINHAS Per jogar a XIII, cal aver la linha: manjar de bonas causas que balharàn de vam per poder puèi, mercé a la linha d’ataca, passar la linha de defensa advèrsa e anar pausar la palma darrièr la linha d’ensag sens metre un pè al delà de la linha de tòca o despassar la linha d’enbut e se trapar en balon mòrt! A l’entrada sus la pelena, las doas formacions s’alinharàn per la presentacion al public. Lo paquet d’avants (la primièra linha, la segonda linha e lo tresena linha) fornirà la palma a la linha dels tres quarts. Pas question d’alinhar un adversari d’un còp de ponh pel morre: l’arbitre sortiriá lo cartonet roge e ne metriá tres regas dins lo rapòrt. De darrièr la linha dels 40 mètres, lo dobertura tustarà dins la palma d’un mèstre còp de pè per la mandar al delà de la linha dels 20 mètres advèrses (los ancians, eles, contunhan de parlar de la linha dels 22: aquò èra del temps d’abans lo quadrilhatge regular del terren!). Per l’alièr, la ziga-zaga es sovent la linha mai dirècta per anar puntar l’ensag. En tribuna de premsa, los jornalistas picaràn de regas e de regas per rendre compte de la partida e comptar qu’es mai interessanta qu’una jornada de pesca a la linha. Dimenge que ven, la fila dels espectators s’alongarà a la caissa per seguir la partida de sos uèlhs, e mai se, ara, la Federacion permet de ne veire unas en... linha! AR | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari