Actualitats
L’UE manda en Turquia los primièrs vaissèls de refugiats
Dos vaissèls partiguèron ièr de Lèsbos amb 131 refugiats escortats per d’agents de Frontèx
Ièr, d’ora de matin, l’Union Europèa faguèt las primièras expulsions de refugiats en Turquia. Dos vaissèls partiguèron de l’illa de Lèsbos amb 131 refugiats escortats per d’agents de Frontèx. Es aital que s’es fach efectiu per lo primièr còp l’acòrdi de l’UE e de Turquia. “La procedura es estada fòrça tranquilla e ordenada”, çò diguèt Ewa Moncure, pòrtavotz de Frontèx.
Emmanotats e estacats a cha dos
Ça que la, lo mèdia catalan Directa a denonciat que la polícia a transportat los refugiats en lor metent de manòtas e en los estacant a cha dos amb de bridas. Un vidèo enregistrat dins un dels vaissèls demòstra aquel maltractament.
Qualques manifestants s’acampèron al pòrt de Lèsbos per protestar contra las deportacions. Sus las bandeiròlas se podiá legir “Quina vergonha!” o “Revelha-te Euròpa”.
Ara per ara, an pas deportat cap de sirian, mas los primièrs expulsats son estats de paquistaneses e d’immigrants de Bangladèsh. Segon los jornalistas de Directa, los deportats venon de camps militars ont èran detenguts en esperar lor deportacion. De fach, las autoritats grègas retenon los sirians dins de camps coma lo de Moria que, segon qualques ONG e lo quite NACNUR, se pòdon descriure coma de camps de detencion.
Emmanotats e estacats a cha dos
Ça que la, lo mèdia catalan Directa a denonciat que la polícia a transportat los refugiats en lor metent de manòtas e en los estacant a cha dos amb de bridas. Un vidèo enregistrat dins un dels vaissèls demòstra aquel maltractament.
Qualques manifestants s’acampèron al pòrt de Lèsbos per protestar contra las deportacions. Sus las bandeiròlas se podiá legir “Quina vergonha!” o “Revelha-te Euròpa”.
"Wake Up Europe" - Protest at Mytilene Harbor in #Lesbos. #RepealTheDealpic.twitter.com/sV9Tw1r28F
— Eva Cossé (@Eva_Cosse) 4 d’abril de 2016
Ara per ara, an pas deportat cap de sirian, mas los primièrs expulsats son estats de paquistaneses e d’immigrants de Bangladèsh. Segon los jornalistas de Directa, los deportats venon de camps militars ont èran detenguts en esperar lor deportacion. De fach, las autoritats grègas retenon los sirians dins de camps coma lo de Moria que, segon qualques ONG e lo quite NACNUR, se pòdon descriure coma de camps de detencion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquesta operacions s'hauria d'haver fait amb lo sosvelhament de l'ONU, e pas amb Turquia qu'es un estat que col·labora amb l'EI. S'hauria d'enviar la gent a Siria a ca-seva, amb l'ajuda de l'ONU e las organizacions humanitàrias. L'UE ha tornat a demostrar que los drets humans los mercaders los se passan pels colhons.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari