Actualitats
Dos nòus partits defendon lo drech d’autodeterminacion d’Hong Kong
Las formacions sorgidas de la Revòlta dels Parapluèjas de fa dos ans defendon un referendum sus l’independéncia abans 2047
2014, a Hong Kong i aguèt la nomenada “Revolucion dels Parapluèjas“, en favor de la democratizacion de las institucions d’aquela èx-colònia britanica cedida a China. Dos ans puèi, a començat de far fruch politic. Dimenge, per exemple, de dirigents dels dos principals movements estudiantins que menèron las protèstas d’alara presentèron publicament un nòu partit politic, Demosisto, qu’a per tòca de se presentar a las eleccions legislativas de setembre venent.
La meteissa intencion, l’a Youngspiration, una autra formacion nascuda fa qualques meses tanben de grops implicats dins la Revolucion dels Parapluèjas, que durant setanta nòu jorns ocupèt lo centre de la vila per reclamar lo sufragi universal sens restriccions, sus aquel territòri ont lo sistèma electoral l’autoritza pas per l’eleccion del cap de l’executiu local.
Totes dos partits, sorgits de movements populars, an volgut metre en valor l’engatjament per la democracia, la nonvioléncia e la defensa dels dreches polítics dels abitants d’Hong Kong que vòlon decidir liurament qui los govèrna. E tanben se retròban, per la primièra vegada dins l’espèctre politic del territòri, per reclamar ensems lo drech d’autodeterminacion: tant los dirigents de Demosisto coma los de Youngspiration se son mostrats partisans de convocar un referendum sus l’independéncia d’Hong Kong abans 2047, quand expirarà lo modèl ‘Un país, dos sistèmas’ que pachèron la Grand Bretanha e China en 1997.
La meteissa intencion, l’a Youngspiration, una autra formacion nascuda fa qualques meses tanben de grops implicats dins la Revolucion dels Parapluèjas, que durant setanta nòu jorns ocupèt lo centre de la vila per reclamar lo sufragi universal sens restriccions, sus aquel territòri ont lo sistèma electoral l’autoritza pas per l’eleccion del cap de l’executiu local.
Totes dos partits, sorgits de movements populars, an volgut metre en valor l’engatjament per la democracia, la nonvioléncia e la defensa dels dreches polítics dels abitants d’Hong Kong que vòlon decidir liurament qui los govèrna. E tanben se retròban, per la primièra vegada dins l’espèctre politic del territòri, per reclamar ensems lo drech d’autodeterminacion: tant los dirigents de Demosisto coma los de Youngspiration se son mostrats partisans de convocar un referendum sus l’independéncia d’Hong Kong abans 2047, quand expirarà lo modèl ‘Un país, dos sistèmas’ que pachèron la Grand Bretanha e China en 1997.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que jo sàpiga, fins fa pauc era una colònia Britànica que la tornaren als xinèses.
lo revertegot dau colonialisme, que mete cuou sus tèsta l'esquèma colonialisme =mau absolut
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari