Actualitats
Troadec se lança dins la corsa de la presidenciala francesa en demandant “l’oficialitat de las lengas regionalas”
Lo cònsol breton defend una “regionalizacion vertadièra” de la Republica Francesa. Las eleccions son previstas per abril e mai de 2017
“Me pronóncii solemnament en favor de l’oficializacion de las lengas regionalas en França”. “L’oficializacion es un passatge indispensable s’òm vòl donar una oportunitat de subreviure a las nòstras lengas”. Çò diguèt lo cònsol màger de Karaez e cap del Movement Bretanha Progrès, Christian Troadec, dins un de sos primièrs engatjaments de sa corsa per devenir candidat oficial a la presidéncia de la Republica Francesa.
Troadec, coma la rèsta de candidats potencials, a de besonh del sosten de 500 elegits —dont deputats, senators, conselhièrs departamentals e regionals e cònsols màgers, mas pas de conselhièrs municipals— per devenir candidat oficial. A l’ora d’ara, la Federacion Regions e Pòbles Solidaris (R&PS), qu’amassa divèrses partits autonomistas de las nacions sens estat, a rendut public son sosten per Troadec.
Troadec anoncièt en 2015 una virada per amassar de sostens per sa candidatura, après aver obtengut fòrça visibilitat al nivèl estatal coma cap del movement dels Bonets Roges.
Las eleccions se debanaràn, en dos torns, los 23 d’abril e 7 de mai de 2017. A un an de las votacions, los candidats que comptan amb mai d'intencions de vòte son Marine Le Pen (Front Nacional), Alain Juppé (Los Republicans) e Emmanuel Macron (Partit Socialista).
“Per una regionalizacion vertadièra”
Dins la letra ont explica las rasons que l’an menat a se presentar a las eleccions, Troadec soslinha la question de l’organizacion territoriala. Lo cònsol breton ataca lo “modèl jacobin, aquel centralisme portat a l’excès”, que segon el “empedís que s’exprimiscan l’imaginacion e las iniciativas innovantas”.
Troadec prepausa de lo remplaçar “per una regionalizacion vertadièra” que done “de poders e de mejans vertadièrs a las regions”. Lo cònsol argumenta qu’aqueles cambiaments ne beneficiarián pas solament los territòris que dispausan pas d’autonomia o de reconeissença —Bascoat, Catalonha, Savòia o Occitània— mas tanben de regions coma la parisenca, perque “mai d’autonomia significariá mai de democracia”.
Aquesta nòva es adaptada de Nationalia amb qui Jornalet a un acòrdi de cooperacion.
De legir: “I a encara d’espèr, baste qu’acceptem de luchar”, entrevista de Christian Troadec, Jornalet 8.5.2015
Troadec, coma la rèsta de candidats potencials, a de besonh del sosten de 500 elegits —dont deputats, senators, conselhièrs departamentals e regionals e cònsols màgers, mas pas de conselhièrs municipals— per devenir candidat oficial. A l’ora d’ara, la Federacion Regions e Pòbles Solidaris (R&PS), qu’amassa divèrses partits autonomistas de las nacions sens estat, a rendut public son sosten per Troadec.
Troadec anoncièt en 2015 una virada per amassar de sostens per sa candidatura, après aver obtengut fòrça visibilitat al nivèl estatal coma cap del movement dels Bonets Roges.
Las eleccions se debanaràn, en dos torns, los 23 d’abril e 7 de mai de 2017. A un an de las votacions, los candidats que comptan amb mai d'intencions de vòte son Marine Le Pen (Front Nacional), Alain Juppé (Los Republicans) e Emmanuel Macron (Partit Socialista).
“Per una regionalizacion vertadièra”
Dins la letra ont explica las rasons que l’an menat a se presentar a las eleccions, Troadec soslinha la question de l’organizacion territoriala. Lo cònsol breton ataca lo “modèl jacobin, aquel centralisme portat a l’excès”, que segon el “empedís que s’exprimiscan l’imaginacion e las iniciativas innovantas”.
Troadec prepausa de lo remplaçar “per una regionalizacion vertadièra” que done “de poders e de mejans vertadièrs a las regions”. Lo cònsol argumenta qu’aqueles cambiaments ne beneficiarián pas solament los territòris que dispausan pas d’autonomia o de reconeissença —Bascoat, Catalonha, Savòia o Occitània— mas tanben de regions coma la parisenca, perque “mai d’autonomia significariá mai de democracia”.
Aquesta nòva es adaptada de Nationalia amb qui Jornalet a un acòrdi de cooperacion.
De legir: “I a encara d’espèr, baste qu’acceptem de luchar”, entrevista de Christian Troadec, Jornalet 8.5.2015
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Regionales no, Nacionales !
Visca la Terra Lliure!
"El Tàrrega".
Se capita de se presentar, al 1èr torn al mens se poirà votar sens que siá per defaut.
Lo segond torn serà blanc; o quitament la partida de pesca s’es l’ancian iperpresident contra la bedigassa d’Hénin-Liétard.
Eleccion presidenciala de 2017
Lo Partit de la Nacion Occitana (P.N.O.) prend acte de la temptativa del regionalista Breton Christian Troadec de se far portar per l'eleccion presidenciala francesa de mai de 2017.
Lo Partit de la Nacion Occitana coneis lo combat acarnassit que mena dempuèi plan de temps contra lo centralisme francés.
Se se qualifica per la primièra votacion, lo Partit de la Nacion Occitana es convencit que serà lo digne pòrta paraula dels pòbles colonisats de l'estat francés.
Coma la Federacion de partits e de movements regionalistas e autonomistas Regions e Pòbles Solidaris (RPS), lo Partit de la Nacion Occitana saluda l'accion del Christian Troadec e la sosten.
Partit de la Nacion Occitana
Lo 30 d'abril de 2016
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari