Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

“Tòca-i se gausas!”: Mobilizacion per l’occitan a Pau

Protèstan contra las diminucions de las subvencions per l’occitan e denóncian una relegacion de la lenga nòstra al “patrimòni hestiu, gastronomic, esportiu e artistic”

| Thomas Baudoin
Un centenat de personas manifestèron ièr a Pau per exigir “ua vertadèra politica lingüistica en Bearn”. Planhon las diferéncias entre las politicas destinadas a l’occitan e al basco, e  reclaman que se suprimiscan “las baishas injustas de las subvencions qu’estigmatizan los actors d’aquera quita politica”.

Amb lo lèma “Tòca-i se gausas!”, e darrièr qualques consignas coma “tà ua lenga viva” o “transmetam!” los manifestants planhián la diferéncia del tractament entre las politicas lingüisticas de l’occitan e del basco, rebatudas dins un document nomenat “Iniciativa”. “Vertat, la deliberacion que hasèva per lo bearnés-gascon-occitan, benlèu sonque lo «patrimòni hestiu, gastronomic, esportiu e artistic»; mentre que’s hasèva endavant, per la lenga basca, ua politica lingüistica operacionala, dab objectius clars e precís e mejans financèrs que li èra autrejats”; aital o planhián los manifestants dins una letra dobèrta mandada als mèdias e als elegits.
 
Lo movement a ressuscitat lo crit de guèrra “Tòca-i se gausas!” (etiqueta #tocaisegausas), emplegat per Gaston VII quand defendiá la sobeiranetat de Bearn.
 
Son exasperats: “Au lòc de’ns rassegurar, qu’aprengom non i a guaire, per elejuts de totas las tendéncias de l’assemblada departamentala, que baishas de subvencions de las terriblas e devèvan tocar las estructuras professionalas qu’an un beròi nombre de salariats entà miar las lors missions e qu’òbran suu terrenh entà que visca la lenga d’òc, en Bearn e Baish Ador”.
 
Ninon Palomet explicava als nòstres confraires de la Setmana las espèras e las crenhenças del collectiu.
 
 



Aqueste matin a uèch oras, lo collectiu aculhissiá lo president del Conselh Departamental 64.



Vicent Javaloyès ne parla sul micro de Ràdio País

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma de mallorca
4.

Se los basques han una polítca a favor de sa lenga melhor que l' occitana, cal far coma ho fan los basques.

  • 0
  • 0
"Tàrrega" Igualada (PP.CC.)
3.

Això de la llengua els fot molt, i si això els fot, a fer-ho per aquí, ataquem per on els fa mes mal!
Ells ja saben que som Nacions , Països i que tenim una llengua i una cultura pròpies, i que tenim tot el dret dins del nostre territori a viure com vulguem, i això de la llibertat no els agrada.
Ataquem! Sense pietat allí on els fasi mes mal, i que a vuere si recapaciten.
Visca la Terra lliure!
L'Ernest, "El Tàrrega".

  • 1
  • 0
Pascau
2.

#1 Non. N'a pas arren a véder.

  • 0
  • 1
Rampelaire Laireperam
1.

Ara se van far respondre que se vòlon aparar l'occitan, an que de demandar de sòus a la region "Occitanie".

  • 3
  • 3

Escriu un comentari sus aqueste article