Leeds i arriba pas: tres finalas de Cup en tres ans, las tres perdudas. Sièis de jogadas dempuèi l’an 2000: sièis de perdudas. En fàcia, los Lops de Warrington an levat lo trofèu pel tresen còp en quatre ans. 80 000 espectators s’èran recampats a Wembley per seguir l’eveniment. A la determinacion de Warrington, Leeds opausava son experiéncia. E a la pausa, se Warrington aviá ja marcat dos ensags, los dos transformats, Leeds èra demorat al contacte amb un ensag transformat e doas penalitats, mas aviá perdut sus nafradura son segonda linha Buchanan.
Una brava ramada compliquèt quauquas minutas las evolucions de las doas formacions. A la represa, amb lo totjorn jove Lee Briers a la manòbra e amb las cambas de fuòc de l’arrièr Hogson, los Lops fixavan Leeds al centre e escartavan per Atkins e Riley sus las alas.
Tres ensags concretizavan la dominacion dels Blaus e jaunes, mai frescs dins la mesura ont avián daissat sèt jogaires al repaus la setmana passada contra Londres. Briers assegurava lo còp per un tombat: 29-10. Dins las dètz darrièras minutas, los dos ensags de Watkins fasián mendra la diferéncia finala: 35-18 pels venceires.
Lo reviscòl tardièr del Rinoceròs podiá pas empachar Warrington d’emportar un còp de mai la Cup. Amb benlèu la dificultat de demorar mobilizats per la seguida de la sason. Leeds, un còp de mai, jogarà a fons las pelhòfas de la Super-Liga. La competicion ne serà, la dimenjada qu’arriba, a l’abans-darnièra jornada de la primièra fasa.
E aqueste dimenge 2 de setembre a Castleford pas de dreit a l’error pels Dracs. La victòria es indispensabla per servar l’interessanta quatrena plaça en vista de las fasas finalas.
L’equipa de França de XIII-fautuèlh jòga una partida internacionala contra Anglatèrra aqueste diluns 27 d’agost dins lo Kent a Midway, en ligason amb la tenguda dels Jòcs Paralimpics.
Per las equipas d’Elita, se perseguís lo temps de preparacion amb las primièras partidas amicalas: Carcassona reçaup Palau divendres al ser; Limós espèra Pià dissabte; los Dragonets son en estagi en Anglatèrra; … Los afogats se recampan tanben per preparar la sason novèla: atal, los Molinièrs de Lesinhan tenon lor Amassada generala aqueste dijòus 30 d’agost.
En Corbièras encara, aprèp aver vist lo Glaudi Alranq contar lo rugbi fa una quinzenada a Sant-Andrieu, un autre espòrt: lo basquet serà lo tèma de la serada del dissabte 1èr de setembre a Cruscadas amb la pèça La castanhada interpretada en occitan per una tropa de Vau Clusa.
Sus RCF-Pays d’Aude, lo primièr convidat del magasina mesadièr Cinquième Tenu serà lo pilar internacional de l ‘AS Carcassona, Roman Gagliazzo que ven d’arrestar sa carrièra esportiva (diluns 3 de setembre, a 18h30 sul sit RCF-Pays d’Aude).
Alan Roch
Una brava ramada compliquèt quauquas minutas las evolucions de las doas formacions. A la represa, amb lo totjorn jove Lee Briers a la manòbra e amb las cambas de fuòc de l’arrièr Hogson, los Lops fixavan Leeds al centre e escartavan per Atkins e Riley sus las alas.
Tres ensags concretizavan la dominacion dels Blaus e jaunes, mai frescs dins la mesura ont avián daissat sèt jogaires al repaus la setmana passada contra Londres. Briers assegurava lo còp per un tombat: 29-10. Dins las dètz darrièras minutas, los dos ensags de Watkins fasián mendra la diferéncia finala: 35-18 pels venceires.
Lo reviscòl tardièr del Rinoceròs podiá pas empachar Warrington d’emportar un còp de mai la Cup. Amb benlèu la dificultat de demorar mobilizats per la seguida de la sason. Leeds, un còp de mai, jogarà a fons las pelhòfas de la Super-Liga. La competicion ne serà, la dimenjada qu’arriba, a l’abans-darnièra jornada de la primièra fasa.
E aqueste dimenge 2 de setembre a Castleford pas de dreit a l’error pels Dracs. La victòria es indispensabla per servar l’interessanta quatrena plaça en vista de las fasas finalas.
L’equipa de França de XIII-fautuèlh jòga una partida internacionala contra Anglatèrra aqueste diluns 27 d’agost dins lo Kent a Midway, en ligason amb la tenguda dels Jòcs Paralimpics.
Per las equipas d’Elita, se perseguís lo temps de preparacion amb las primièras partidas amicalas: Carcassona reçaup Palau divendres al ser; Limós espèra Pià dissabte; los Dragonets son en estagi en Anglatèrra; … Los afogats se recampan tanben per preparar la sason novèla: atal, los Molinièrs de Lesinhan tenon lor Amassada generala aqueste dijòus 30 d’agost.
En Corbièras encara, aprèp aver vist lo Glaudi Alranq contar lo rugbi fa una quinzenada a Sant-Andrieu, un autre espòrt: lo basquet serà lo tèma de la serada del dissabte 1èr de setembre a Cruscadas amb la pèça La castanhada interpretada en occitan per una tropa de Vau Clusa.
Sus RCF-Pays d’Aude, lo primièr convidat del magasina mesadièr Cinquième Tenu serà lo pilar internacional de l ‘AS Carcassona, Roman Gagliazzo que ven d’arrestar sa carrièra esportiva (diluns 3 de setembre, a 18h30 sul sit RCF-Pays d’Aude).
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari