CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dijòus, 24 d'octòbre

Actualitats

Diluns, 6 de junh de 2016, 03h00 Societat,Reportatge,Internacional

Alemanha reconeis lo genocidi armèni e provòca una crisi amb Turquia

Per Erdoğan, “las relacions diplomaticas, economicas, comercialas, politicas e militaras ne resultaràn damatjadas”


Comentaris 6 comentaris    
Marrit Flac Bon Plan bon Fabulós (2 vòtes)
carregant En cargar


Lo parlament alemand a aprovat una mocion que descriu coma “genocidi” lo chaple que patiguèron los armènis de part dels otomans en 1915. La resolucion, escricha per de parlamentaris de l’Union Democratica Alemanda (CDU), del Partit Socialdemocrata (SPD) e dels Verds, a recebut lo sosten de totes los partits. Aital, Alemanha ven lo vint e seten país que reconeis lo genocidi armèni. Per una question d’agenda, èran pas presents al vòte ni la cancelièra Angela Merkel, ni lo sieu numèro dos e cap de l’SPD Sigmar Gabriel, ni lo ministre dels afars exteriors Frank-Walter Steinmeier.
 
Lo primièr ministre turc, Binali Yıldırım, diguèt qu’aquel vòte èra “ridicul” e que metiá en perilh “l’amistat” entre los dos païses en un “moment sensible”. En mai d’aquò, Yıldırım planguèt qu’aquela mocion èra un pretèxt per distraire los alemands dels problèmas politics intèrnes qu’afèctan la republica.
 
La reconeissença se produtz après que lo president turc, Recep Tayyip Erdoğan, aja remés en causa mai d’un còp las condicions del pache entre l’Union Europèa e Turquia per i transferir los refugiats. En mai d’aquò, Erdoğan avertiguèt que las relacions entre Turquia e Alemanha se tibarián se s’aprovava la mocion: “s’Alemanha se daissa enganar per aquò, alavetz las relacions diplomaticas, economicas, comercialas, politicas e militaras ne resultaràn damatjadas”.
 
Lo govèrn turc a totjorn refusat de reconéisser lo chaple e la persecucion d’un milion e mièg d’armènis dins l’Empèri Otoman. Segon lo primièr ministre, lo genocidi “foguèt un dels multiples eveniments que pòdon arribar dins quin país que siá, dins quina societat que siá, jos las condicions de la Primièra Guèrra Mondiala”.
 
 
Lo genocidi
 
Lo 24 d’abril de 1915, uèi fa cent ans, las autoritats turcas arrestèron sèt cents intellectiuals armènis a Constantinòple (uèi Istambol). Aquel jorn, conegut coma lo Dimenge Roge, marca lo jorn que comencèt lo genocidi d’aquel pòble de tradicion crestiana en mans del regim ultranacionalista dels Joves Turcs. En un pauc mai d’un an, se calcula que tuèron 1,5 milion d’armènis e que 850 000 foguèron desplaçats e menats en las infernalas Marchas de la Mòrt, a de camps de concentracion alonhats de lors regions. Las minoritats assiriana e grèga de l’empèri tanben foguèron chapladas amb de centenats de milièrs de mòrts pendent aquel periòde.
 
La tòca èra l’eliminacion fisica del pòble armèni dins lo territòri de l’estat turc, e mai s’una lei turca de 2007 enebís de parlar de genocidi e sosten que la populacion turca foguèt victima dels armènis. Segon la version oficiala, Constantinòple (Istambol) aviá paur d’una solidaritat crestiana entre armènis e russes pendent la Primièra Guèrra Mondiala, e amb aquel pretèxt reprimiguèron durament una revòlta dins la region de Van en abril de 1915.
 
 
La memòria
 
A l’ora d’ara, la memòria del genocidi se manten solament dins la jove Republica d’Armenia, nascuda en 1990 a partir del desmembrament de l’URSS, e dins los païses ont la diaspòra armènia es nombrosa.
 
Fins a la mocion d’Alemanha, França èra lo primièr país a impulsar d’iniciativas per reconéisser lo genocidi e a ensajat dos còps de ne penalizar la negacion, mas a mal capitat. Lo Parlament Europèu reconeis lo genocidi dempuèi 1987 gràcias a la pression de qualques eurodeputats franceses.
 
La posicion francesa sus lo genocidi armèni se pòt explicar perque los armènis son nombroses dins l’Occitània jos administracion francesa, mai que mai a Marselha e Valença.



publicitat
BANER1-2-3: DGPL AN LAFONT



Comentaris

9 de junh 00.15h

Alemanha reconeis lo genocidi armèni e provòca una crisi amb Turquia : tant melhor ! E s'un genocidi correspond a l'exterminacion d'un pòble, França es plan en avan!ça sus Truquia ! E çò pièger, ppas una santa puta traça de sang subras sas mans assinas. Li basta d'escantir les lengas, totes los pòbles s'escafan…


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

8 de junh 10.02h

En bon occitan: "armèni" (masculin) e "armènia" (femenin). Evitatz "armenian" e "armeniana".


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

7 de junh 10.33h

#3 Tot se vau pas. Los presoniers de guèrra alemands èran presoniers de guèrra, justament, pas civius. Se los americans los an efectvament laissat murir de fam (los dau mens que son pas estats empleats per los estats que lo Reich avian occupat per la reconstruccion e lo desminatge), es pas per volontat genocidària, mai probabalment per negligéncia e incapacitat a gerir un nombre considerable de presoniers (en URSS es estat piéger, mas vist lo biais que los alemands avian tractat los pres... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

6 de junh 22.03h

#2 Evaluar çò qu'estoc un genocidi o pas es pas aisit. Dis que cau comernçar l'istòria per la debuta. Dens los famoses (mes pas coneguts) "camps de la Vath deu Rhin" los Americans an deishat los presonèrs alemands se morir sens minjar ni tampauc béver. Lo responsable s'apèra Eisenhower. Lo nombre de victimas puja segon uns istorians a 1 milion. Lo parlament alemand a pas debatut s'èra o pas un genocidi.
Generalament, crimi vòu pas díser automaticament genocidi.


Valoriza aqueste comentari:   votar positiu 1   votar negatiu 4
Respondre comentari replica Comentari inadeqüat   Formulari d'abús de comentari

6 de junh 21.15h

Voler pas reconeisser sa història, no la canvia, la pot pas canviar. Portar-se a la població armenia a uns desets sense preocupar-se de donar-los menjar ni beure es un genocidi. Pas com fou lo que feren los nazis, mas de 800.000 a 1,500.000 armenis moriren per lo translat.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

6 de junh 10.31h

Com de costuma, l'istòria deu "genocidi" comença après la debuta, es a díser quan las armadas russas se hasent endavant dens lo sector de Van, elements armenians de l'armada turca se revirèn contra los Turcs ende'us tirar dens l'esquina, çò qu'estoc pas percebut a l'epòca coma fòrça cortés... Tanben civius turcs eston tuats peus Armenians. Avèvan pas "paur d'una solidaritat", mes èra dejà una realitat militara e estrategica.

Lo govèrn turc a dempuèi longtemps reconegut los mas... Legir mai


Valoriza aqueste comentari:   votar positiu 4   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 13
  • sol Aush 14
  • sol Bordèu 14
  • sol Briançon 11
  • sol Caors 14
  • sol Carcassona 14
  • sol Clarmont-Ferrand 13
  • sol Confolent 13
  • sol Gap 8
  • sol La Canau 14
  • sol La Gàrdia 16
  • sol Limòtges 13
  • sol Lo Borg Sant Dalmatz 14
  • sol Lo Puèi de Velai 13
  • sol Marselha 15
  • sol Montpelhièr 16
  • sol Naut Aran 10
  • sol Niça 19
  • sol Nimes 15
  • sol Pau 13
  • sol Peireguers 14
  • sol Rodés 14
  • sol Tolon 14
  • sol Tolosa 14
  • sol Valença 13

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Fòrt Maginòt de Sant Anhe

  • © Franc Bardòu

    Catalonha etèrna

  • © Laurenç Revèst

    Via de Buelh a Pèunas a Valberg fins a Sant Laugier

  • Estivada 2013. © Guillem Sevilla

    Estivada 2013

  • Restauracion de las arenas de Frejús (Esterèu) ©Laurenç Revèst

    Restauracion de las arenas de Frejús (Esterèu)

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • Coserans: Sent Líser, Casavèth, Sent Guironç, Saurat...

  • Estivada 2013. © Guillem Sevilla

    Estivada 2013

  • País de Rasés. © Franc Bardòu

    País de Rasés

  • © Laurenç Revèst

    En Cevènas sus lo camin entre La Mialosa e Sant Esteve Valfrancesca

  • Nos quichèrem en pèrlas leugièiras

    Meissonencas en Camarga pichòta

  • Asuèlhs de Menerbés. © Franc Bardòu

    Asuèlhs de Menerbés

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • La prima en valaa de Tiniá. © Laurenç Revèst

    La prima en Tiniá

  • La Korrika, la corsa per la lenga basca es arribada a Tolosa

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • © Laurenç Revèst

    Cavairac, Vau Naja (Costièra de Nimes)

  • Pòrt de Niça: Li galeras

  • Val de Toran tunèl natural. © Xavi Gutiérrez Riu

    Val d'Aran

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


5%



4%



91%



0%




Vots 138 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)