CAPÇALERA2: FAI-TE SOCI

Jornalet, gaseta occitana d'informacions

Dimars, 19 de febrièr

Actualitats

Diluns, 20 de junh de 2016, 03h00 Reportatge,Internacional,Espòrt

Fotbòl: a començat l’Èuro de las minoritats amb de victòrias d’Occitània

Dins la primièra jornada, l’esquipa masculina d’Occitània ganhèt 4 a1 contra los aromaneses, del temps que l’esquipa femenina s’impausèt sus las sorabas de Lusàcia per 12 a 1. Un trentenat d’esquipas jògan dempuèi dissabte l’Europeada 2016 en Sud-Tiròl


Comentaris 5 comentaris    
Marrit Flac Bon Plan bon Fabulós (5 vòtes)
carregant En cargar


Comencèt dissabte en Sud-Tiròl l’Europeada, lo torneg de fotbòl de las minoritats d’Euròpa que se debanarà fins al 25 de junh. Aquela competicion dona l’oportunitat de jogar internacionalament las seleccions de las minoritats nacionalas e culturalas d’Euròpa exclusas de l’UÈFA. Lo torneg, que i participan vint e quatre esquipas masculinas e —pel primièr còp— sièis de femeninas, es organizat dempuèi 2008 per l’Union Federala de las Nacionalitats Europèas (Federal Union of European Nationalities, FUEN) e se debana cada quatre ans amb l’intencion d’aprofechar l’atencion mediatica que genèra l’Eurocopa dels estats (qu’ongan tanben i jòga lo País de Galas) per far aumentar la coneissença de las minoritats nacionalas e la diversitat lingüistica del continent europèu. Occitània i participa amb una esquipa masculina e una esquipa femenina.


Primièras victòrias

Dins la primièra jornada, l’esquipa masculina d’Occitània ganhèt 4 a1 contra los aromaneses, del temps que l’esquipa femenina s’impausèt sus las sorabas de Lusàcia per 12 a 1.


Un trentenat d’esquipas
 
A aquela tresena Europeada, coordenada localament amb l’Associacion dels Clubs Esportius de Sud-Tiròl (Verband der Sportvereine Südtirols), i participan, al delà de las esquipas occitanas, las dels tatars de Crimèa, dels turcs de Grècia, dels ongreses d’Eslovaquia e de Romania, dels croats de Serbia e dels sèrbes de Croàcia, de las minoritats alemandas de Danemarc, d’Ongria, de Polonha e de Russia, dels eslovens de Caríntia, los eslovacs d’Ongria, los daneses d’Alemanha, un combinat de minoritats d’Estònia, los aromaneses, los gitanos, los manxes, los frisons, los cimbres, los ladins e romanchess, los sorabs e los sud-tiroleses, ganhants de la competicion dins las doas edicions anterioras de l’Europeada: la de 2012, que se joguèt en Lusàcia, e la de 2008, que se disputèt al canton soís dels Grisons.
 
 
De bons resultats per Occitània
 
Dins las doas edicions anterioras de l’Europeada, en 2008 e 2012, la seleccion de Sud-Tiròl foguèt proclamada campiona: dins la primièra escasença en vencent la seleccion dels croats de Serbia, e dins la segonda en vencent los gitanos d’Ongria.
 
En 2012, Occitània arribèt als quarts de finala. Après tres victòrias consecutivas, perdèt 3-0 contra Sud-Tiròl dins una partida “malaisida”. 
 
 
Jorn de la cultura
 
En mai de l’aspècte esportiu, dins l’Europeada se debanan de celebracions culturalas segon la tòca de la FUEN, qu’es de “preservar e promòure l’identitat, la lenga, la cultura, los dreches e las caracteristicas unicas de las minoritats europèas”. Dimècres que ven, per exemple, la competicion esportiva s’arrestarà en ocasion del Jorn de la Cultura, amb de vesitas als musèus e a las institucions de las minoritats ladina e alemanda de Sud-Tiròl, en mai de concèrts. Per Susann Schenk, secretària generala de la FUEN, après doas edicions reüsidas, se pòt ja parlar d’una “familha Europeada” qu’ara, en Sud-Tiròl, a crescut tant en nombre d’esquipas coma de torneges, pr’amor que pel primièr còp i aurà la competicion femenina compausada per las seleccions soraba, sud-tirolesa, occitana, ladina, romancha e alemanda de Russia.
 
 
Antecedents
 
L’Europeada a qualques antecedents. En novembre de 2006 —jos lo resson que fasiá la Copa del Mond de fotbòl en Alemanha— se faguèt a Ieras (Occitània) lo primièr Viva World Cup, un campionat de fotbòl que i participèron quatre esquipas nacionalas sens reconeissença de la FIFA: Cameron del Sud, Mónegue, Occitània e Lapònia. Lo torneg foguèt organizat per l’NF-Board, una associacion fondada en 2003 per representar fotbolisticament las nacions e los pòbles non reconeguts internacionalament, per de rasons politicas o esportivas.
 
Après cinc edicions de la Viva World Cup (en 2006 en Occitània, en 2008 en Lapònia, en 2009 en Padània, en 2010 a Gozo e en 2012 en Curdistan), l’NF-Board esclatèt intèrnament en 2013 e ne prenguèt la seguida la Confederacion de las Associacions de Fotbòl Independent (Conifa), “la comunautat de fotbòl mai importanta al delà de la FIFA”. Aquela nòva entitat organizèt ja en 2014 la primièra Copa Mondiala de Fotbòl en Lapònia, qu’a agut una continuitat fins a fa just un mes amb una segonda edicion en Abcazia, ont an participat dotze seleccions.
 

 

 



publicitat



Comentaris

21 de junh 23.48h

Polida al·lota aquesta que canta molt ben. Un poton !


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

20 de junh 20.03h

Polida chanson :)


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

20 de junh 10.29h

polida fotogràfia, ça que la... remarca, vedem plan las horrèiras d'espectators ! òsca !!


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

20 de junh 08.10h

Çò extraordinari es lo trabalh del mond de l'Associacion Occitana de Fotbòl que recrutèron per l'esquipa femenina de jogairas de primièra e segonda division francesa. Se vegèt plan l'excellent nivèl d'aquelas jovas contra Lusàcia.


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

20 de junh 06.31h

Sembla que i a pro d'espectators per aquestes rescontres. Òsca!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat

Editorial

La manifestacion de Tolosa: una esperança per l’occitanisme

La darrièra agression que ven de la patir la lenga nòstra es fòrça grèva. Lo Ministèri de l’Educacion de París a mostrat una volontat evidenta de ...
giny

Lo temps

Mapa
  • nuvols Agen 11 2
  • nuvols Aush 13 3
  • nuvols Bordèu 13 3
  • sol Briançon 11 2
  • nuvols Caors 16 2
  • sol Carcassona 13 1
  • sol Clarmont-Ferrand 15 2
  • sol Confolent 13 3
  • sol Gap 11 2
  • nuvols La Canau 13 3
  • nuvols La Gàrdia 11 3
  • sol La Torre de Pèlitz 14 3
  • sol Limòtges 13 3
  • sol Lo Borg Sant Dalmatz 15 2
  • sol Lo Puèi de Velai 11 -1
  • nuvols_parcials Marselha 15 1
  • sol Montpelhièr 13 4
  • nuvols_parcials Naut Aran 14 -2
  • sol Niça 16 2
  • nuvols Nimes 14 2
  • nuvols Pau 13 3
  • nuvols Peireguers 13 3
  • sol Rodés 19 0
  • nuvols Tolon 19 0
  • nuvols Tolosa 12 3
  • sol Valença 12 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Carnaval Gascon a l'Isla de Baish 2013. © Yves Sénécal

    Carnaval Gascon 2013 a L'Isla de Baish (Savés)

  • De bandièras occitanas a la manifestacions dels Gilets Jaunes, Tolosa 8 de decembre 2018

  • © Aure Séguier

    Carnaval Biarnés 2017

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • © Laurenç Revèst

    Castelar

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Franc Bardòu

    Tresaurs andorrans

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Aure Séguier

    Carnaval Biarnés 2017

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • Perpinhan de tantòst. © Idali Vera

    Concors d'estiu 2012: La fotografia de las vacanças

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Las Cevènas, Barjac en Val de Cese

  • Omenatge a Aragon. © Franc Bardòu

    Omenatge a Aragon

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Besièrs, preséncia d'occitan en ciutat e CIRDOC

  • © Laurenç Revèst

    Cavairac (Costièra de Nimes)

  • Niça vièlha en occitan niçard. © LR

    Niça vièlha en occitan niçard

  • © Franc Bardòu

    Asuèlhs de Lauragués

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la manifestacion de Tolosa a portat un vam nòu al combat occitanista?


64%



17%



8%



6%



4%




Vots 112 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)