Bandièra01 1180x150: Comuna de Tolosa

Actualitats

SocietatInternacional

Atemptat a l’aeropòrt d’Istambol: vint e uèch mòrts e qualques centenats de ferits

Segon las primièras informacions, las explosions serián estadas provocadas per dos kamikazes

Un atemptat amb doas explosions causèt ièr de ser vint e uèch mòrts e qualques desenats de ferits a l’aeropòrt Atatürk d’Istambol. Segon qualques fonts, i aguèt tanben una fusilhada. Las explosions se localizèron a la bastissa del parcatge, e foguèron barrats totes los accèsses a la terminala.
 
Segon las primièras informacions, las explosions serián estadas provocadas per dos kamikazes que se faguèron espetar just abans un contraròtle de seguretat, a l’intrada de la terminala, ont i a los detectors dels rais X. Abans, los kamikazes aurián tirat amb de kalashnikovs, e la polícia auriá respondut per abatre los terroristas.
 
L'aeropòrt internacional Atatürk es lo pus grand dels dos qu’a Istambol. Es situat del costat europèu de la vila.

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
2.

Qui es que posa las bombas? Possiblement los extremistes islamics, per tuar-se eles amb sas bombas que portan damunt. Mas costa comprene lo punt de folhia d'aquestas gent, per voler morir de forma tan beneita.

  • 0
  • 0

Escriu un comentari sus aqueste article