Bandièra01 1180x150: Comuna de Tolosa

Actualitats

Erdoğan s’impausa sus un còp d’estat gràcias a la mobilizacion de sos partisans

De tensions se son debanadas long de tota la nuèch, amb de durs combats mai que mai a Ankara

Lo president de Turquia, Recep Tayyip Erdoğan, s’es impausat sus un còp d’estat de l’armada gràcias a la mobilizacion de sos partisans, que se son afrontats als soldats per carrièras. A Istambol la mobilizacion a tracat lèu las tropas putschistas mas a Ankara i a agut de durs combats e los militars an quitament bombardat lo parlament. Lo còp d'estat comencèt divendres a 22h e a tres oras de la matinada, l’arribada d’Erdoğan a Istambol i metèt fin. I a agut un seissantenat de mòrts, la majoritat de civils. E segon de fonts governamentalas turcas, 754 militars son detenguts.
 
Dins los dos vidèos que seguisson, se pòt veire lo moment qu’una bomba tomba dins lo parlament mentre que los deputats discutissián sul còp d’estat. De l’emicicle estant e de l’exterior.
 

 

 
 
Un còp d’estat de sièis oras
 
Al començament, de soldats armats de divèrsas unitats de l’armada turca barrèron l’accès als ponts a Istambol, ocupèron l’aeropòrt pendent qualques oras  e se despleguèron dins qualques zònas de la capitala, Ankara. De grops de soldats ocupèron tanben de jornals, televisions e qualques bastissas del govèrn.
 
Erdoğan aviá menat a tèrme los darrièrs ans una importanta purga dins los militars, qu’eles se consideran los garants del laïcisme, contra l’islamisme, mas òm esperava pas que se poguèsse passar un còp d’estat precisament ara.
 
 
Erdoğan parla per FaceTime
 
Just après lo còp, Erdoğan faguèt sa primièra aparicion dins una emission de CNN Türk. O a faguèt amb una vidèoconferéncia per Face Time per dire que los militars ensajavan d’acabar amb la democracia e demandèt a la populacion de prene las carrièras per arrestar lo còp.
 

 
 
Erdoğan se trobava a Bodrum per i passar la dimenjada, e anoncèt que son intencion èra de tornar a Ankara per reprene lo poder.
 
 
De milièrs de personas prenon la carrièras per defendre Erdoğan
 
Aquela crida foguèt seguida per milièrs de personas e i aguèt de manifestacions dins totas las vilas del país. Qualque còp l’armada fusilhèt de grops de manifestants e se dona un bilanç minimal de seissanta mòrts.
 
 

 
Ça que la, los manifestants partisans d’Erdoğan atenguèron d’ocupar l’aeropòrt d’Istambol e desarmèron los soldats dins fòrça endreches de las vila. Vers tres oras de la matinada Erdoğan aterrèt sus l’aeropòrt d’Istambol, que las pistas èran ocupadas per de milièrs de manifestants. Aquí faguèt una conferéncia de premsa ont anoncièt que i aurà de duras represalhas contra los putschistas.
 
Segon qualques informacions, dins qualques endreches de Turquia los soldats se rendèron e liurèron las armas a la polícia, leiala a Erdoğan. La rendicion d’una unitat de seissanta soldats, qu’avián pres lo contraròtle d’un dels ponts sul Bosfòr, a Istambol, es estada emesa en dirècte per television uèi de matin.
 

 
 
Totes los partits turcs, tanben los de l’oposicion, an manifestat lor oposicion al còp d’estat. Las capitalas internacionalas o an fach amb fòrça prudéncia mas quand Euròpa e los Estats Units an manifestat lor sosten a Erdoğan, an jongut sulpic.
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jig
2.

#1 Qu’ei tot aquò e tanben un misogin arrabiat qui vòu las hemnas que tornin lissar la pelha e har nèns. E adara que sòrt en·hortit de la crisi. Aqueth còp qu’èra ua enòrma cagada.
Pr’aquò ne cau pas desdoanar los 50+% de turcs qui apròban e plaudeishen la soa politica.

  • 2
  • 0
Francesc Palma de Mallorca
1.

Parlem plan e clar: Erdogan es l'aliat de l'Union Europea i de l'otan, dictador, islamista, col·laborador de l'EI. Ha fet e fa negocis de comprar petroli a l'EI raubat a Siria. Ha detengut a 2000 juges ,a detengut a periodistes,opositors,.......

  • 2
  • 0

Escriu un comentari sus aqueste article