Actualitats
Rugbi de XIII: los Lops avián los caissals tròp longs pels Dragons
Aquí setembre a la crosièra de la fin dels campionats de Superliga e d’Austràlia e de la represa de la competicion en Occitània e Catalonha
Alan Roch
La fin de las illusions catalanas
La victòria de Saint Helens sus Hull-FC 31-10 de divendres al ser indicava als Dragons que seriá encara mai complicat d’anar agafar la quatrena plaça.
Aquò s’arrenguèt pas, dissabte, dins lo primièr temps a Brutus fàcia als Lops de Warrington. Los Catalans faguèron jòc egal, manquèron de realisme e prenguèron tres contres amb dos ensages de 100 mètres: 18-0 pels angleses a la pausa. Los sang e aur trapèron valentisa dins un segond temps per marcar tres ensages (Duport, Myler, Garcia), los transformar e passar doas penalitats (Gigot) per menar 22-20 a cinc minutas de la fin. Mas los Lops recuperavan la palma sul còp de pè de remandadís e lo segonda linha Currie marcava l’ensag de la fin definitiva de las illusions catalanas: 26-20.
Warrington pren la primièra plaça al classament. Dijòus, Widnes anèt ganhar 8-6 a Wigan que capitèt pas de profeitar d’un vintenat de minutas de superioritat numerica (amb qualques unas a 13 contra 11!).
Castlefòrd torna a un punt dels Dragons aprèp sa larga victòria 46-22 sus Wakefield http://www.wakefieldwildcats.co.uk , ont aniràn jogar los Dragons divendres al ser.
Las dents longas de Leigh
Dins los 8 del mitan, Leigh confirma sas pretensions a la montada en Superliga aprèp la victòria 25-18 cò d’Hull-KR.
Tolosa just just
Calguèt esperar las darrièras minutas per que Tolosa, amb una esquipa rejovenida, sèrva son invencibilitat 16-12 a Hunslet. Los tolosans preparan la finala del campionat pel dissabte 17 de vèspre a Blanhac contra Barrow o Rochdale: la victòria e serà la montada en Championship.
Lo temps de las pelhòfas en Australians
La fasa de classament es acabada en Austràlia. La suspresa de l’an es la non-qualificacion dels Poletons e dels Lapinons de Sydney.
Dissabte, se jogaràn las 2 partidas que mandaràn los venceires en mièja finala e los perdents en barratge: Melbourne (primièr) reçauprà los campions Vaquièrs; Canberra reçauprà Cronulla.
Dins las autras 2 partidas, los perdents seràn definitivament eliminats: divendres, Brisbane-Còsta d’Aur e dissabte: Penrith-Canterbury (Las 4 partidas de seguir sus BeInSport)
En amical, abans las causas seriosas
Aqueste divendres, a l’estadi Mazet de Carcassona (19h30), en rescontre amical, lo revenge de la finala entre Carcassona e Limós que se tornaràn trapar lo 25 de setembre a Perpinhan per la Dimenjada Magica.
Alan Roch
La victòria de Saint Helens sus Hull-FC 31-10 de divendres al ser indicava als Dragons que seriá encara mai complicat d’anar agafar la quatrena plaça.
Aquò s’arrenguèt pas, dissabte, dins lo primièr temps a Brutus fàcia als Lops de Warrington. Los Catalans faguèron jòc egal, manquèron de realisme e prenguèron tres contres amb dos ensages de 100 mètres: 18-0 pels angleses a la pausa. Los sang e aur trapèron valentisa dins un segond temps per marcar tres ensages (Duport, Myler, Garcia), los transformar e passar doas penalitats (Gigot) per menar 22-20 a cinc minutas de la fin. Mas los Lops recuperavan la palma sul còp de pè de remandadís e lo segonda linha Currie marcava l’ensag de la fin definitiva de las illusions catalanas: 26-20.
Warrington pren la primièra plaça al classament. Dijòus, Widnes anèt ganhar 8-6 a Wigan que capitèt pas de profeitar d’un vintenat de minutas de superioritat numerica (amb qualques unas a 13 contra 11!).
Castlefòrd torna a un punt dels Dragons aprèp sa larga victòria 46-22 sus Wakefield http://www.wakefieldwildcats.co.uk , ont aniràn jogar los Dragons divendres al ser.
Las dents longas de Leigh
Dins los 8 del mitan, Leigh confirma sas pretensions a la montada en Superliga aprèp la victòria 25-18 cò d’Hull-KR.
Tolosa just just
Calguèt esperar las darrièras minutas per que Tolosa, amb una esquipa rejovenida, sèrva son invencibilitat 16-12 a Hunslet. Los tolosans preparan la finala del campionat pel dissabte 17 de vèspre a Blanhac contra Barrow o Rochdale: la victòria e serà la montada en Championship.
Lo temps de las pelhòfas en Australians
La fasa de classament es acabada en Austràlia. La suspresa de l’an es la non-qualificacion dels Poletons e dels Lapinons de Sydney.
Dissabte, se jogaràn las 2 partidas que mandaràn los venceires en mièja finala e los perdents en barratge: Melbourne (primièr) reçauprà los campions Vaquièrs; Canberra reçauprà Cronulla.
Dins las autras 2 partidas, los perdents seràn definitivament eliminats: divendres, Brisbane-Còsta d’Aur e dissabte: Penrith-Canterbury (Las 4 partidas de seguir sus BeInSport)
En amical, abans las causas seriosas
Aqueste divendres, a l’estadi Mazet de Carcassona (19h30), en rescontre amical, lo revenge de la finala entre Carcassona e Limós que se tornaràn trapar lo 25 de setembre a Perpinhan per la Dimenjada Magica.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari