L’estadi Brutus de Perpinhan serà un còp de mai al còr de l’actualitat amb aqueste dissabte 17 la darrièra partida a l’ostal de la sason pels Dragons, e la dimenjada seguenta (24 e 25), la dobertura de la sason d’Elèit 1 amb las 5 partidas de la Dimenjada Magica.
Los Dragons finisson que ganhan!
Divendres de ser, los Dragons jogavan a Wakefield. Joguèron en còla e amb solidaritat: aquò paguèt. A la pausa, menavan 12-4: dos ensages signats Baitieri e Bosquet, una transformacion e una penalitat de Gigot. A la represa, prenguèron un ensag d’entrada e defendèron quasiment fins a la còrna. Gigot rajustèt una penalitat: 14-10 pels Catalans.
Dijòus, St-Helens dominèt Castleford 40-16. Divendres, Warrington faguèt un pas de mai cap a la primièra plaça en batent Widnes 30-12 alara qu’Hull-FC a encara lo cap e las cambas a sa victòria en Cup e se fa batre per Wigan sus sa pelena 12-18.
Dissabte, los sang e aur reçaupràn Castleford amb l’objectiu de mercejar lor public e de confirmar lor tristoneta cinquena plaça.
En batent Huddersfield 48-40, los Centurions de Leigh se ganhan la montada en Superliga per la sason venenta: Salford deuriá faire lo camin al revèrs.
A Blanhac, dissabte: la partida de l’an per Tolosa
En liga Una, dissabte, lo Tolosa Olimpic batèt Barrow 44-22. L’adversari de la finala (dissabte 17, 15h30, estadi de Blanhac) serà doncas Rochdale. Lo titol de Liga Una serà en jòc mas tanben l’accession dirècta en Championship. Se pèrdon, auràn encara una possibilitat de montar amb los barratges, mas seriá plan domatge de pas persègre 80 minutas encara lor invencibilitat de l’an.
NRL: Vaquièrs-Broncos en barratge!
En Australia, s’entamenèron las pelhòfas. Lo nivèl monta en intensitat, se doblida pas d’ensacar qualques penalitats per faire la diferéncia... Logica respectada (classament e avantatge del terren) dins tres partidas sus quatre.
Los Broncos eliminan los Titans 44-28 e las Pantèras prenon lo pas suls Dògols: 28-12.
Dins lo naut del tablèu, la Tempèsta de Melbourne bat los campions Vaquièrs: e las Làmias van ganhar a Canberra 16-14.
Tempèsta e Làmias son doncas en mièja finala e esperaràn la resulta dels barratges que nos prepausan, per divendres, lo revenge de la finala 2016 entre las 2 formacions de Queensland: Vaquièrs e Broncos, alara que, dissabte, Canberra reçauprà las Pantèras (2 partidas de seguir sus BeInSport).
Dimenjada Magica, a Brutus: Programa, serada festiva e entresenhas sul sit de la Federacion
Alan Roch
Los Dragons finisson que ganhan!
Divendres de ser, los Dragons jogavan a Wakefield. Joguèron en còla e amb solidaritat: aquò paguèt. A la pausa, menavan 12-4: dos ensages signats Baitieri e Bosquet, una transformacion e una penalitat de Gigot. A la represa, prenguèron un ensag d’entrada e defendèron quasiment fins a la còrna. Gigot rajustèt una penalitat: 14-10 pels Catalans.
Dijòus, St-Helens dominèt Castleford 40-16. Divendres, Warrington faguèt un pas de mai cap a la primièra plaça en batent Widnes 30-12 alara qu’Hull-FC a encara lo cap e las cambas a sa victòria en Cup e se fa batre per Wigan sus sa pelena 12-18.
Dissabte, los sang e aur reçaupràn Castleford amb l’objectiu de mercejar lor public e de confirmar lor tristoneta cinquena plaça.
En batent Huddersfield 48-40, los Centurions de Leigh se ganhan la montada en Superliga per la sason venenta: Salford deuriá faire lo camin al revèrs.
A Blanhac, dissabte: la partida de l’an per Tolosa
En liga Una, dissabte, lo Tolosa Olimpic batèt Barrow 44-22. L’adversari de la finala (dissabte 17, 15h30, estadi de Blanhac) serà doncas Rochdale. Lo titol de Liga Una serà en jòc mas tanben l’accession dirècta en Championship. Se pèrdon, auràn encara una possibilitat de montar amb los barratges, mas seriá plan domatge de pas persègre 80 minutas encara lor invencibilitat de l’an.
NRL: Vaquièrs-Broncos en barratge!
En Australia, s’entamenèron las pelhòfas. Lo nivèl monta en intensitat, se doblida pas d’ensacar qualques penalitats per faire la diferéncia... Logica respectada (classament e avantatge del terren) dins tres partidas sus quatre.
Los Broncos eliminan los Titans 44-28 e las Pantèras prenon lo pas suls Dògols: 28-12.
Dins lo naut del tablèu, la Tempèsta de Melbourne bat los campions Vaquièrs: e las Làmias van ganhar a Canberra 16-14.
Tempèsta e Làmias son doncas en mièja finala e esperaràn la resulta dels barratges que nos prepausan, per divendres, lo revenge de la finala 2016 entre las 2 formacions de Queensland: Vaquièrs e Broncos, alara que, dissabte, Canberra reçauprà las Pantèras (2 partidas de seguir sus BeInSport).
Dimenjada Magica, a Brutus: Programa, serada festiva e entresenhas sul sit de la Federacion
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari